إسطوانات تعليمية وكتب دراسية

آخر تحديث : 09-03-2010 الساعة 11:35 ص

الكتب المدرسية – نسخ إلكترونية بى-دى-اف
رفعت لكم كتب الوزارة على سيرفر ميديافاير السريع لسهولة التنزيل – بعض المناهج لسة ناقصة لأن الوزارة لسة ما خلصتش كل الكتب – لكن بإذن الله سأضيفها لكم أولا بأول فى الرابط التالى
كتب مدرسية إلكترونية PDF


الإسطوانات التعليمية
طلبة وأولياء أمور كتير إشتكوا من بطء سيرفر الوزارة وتقطيعه ولم يتمكنوا من تنزيل الإسطوانات
علشان كده أنا رفعت مجموعة من الإسطوانات دى على التورنت علشان تقدروا تنزلوها بدون تقطيع وأسرع بإذن الله
دى الإسطوانات الجاهزة لكم حاليا – وبإذن الله كل ما أنتهى من رفع إسطوانة جديدة حأضيف لكم رابطها هنا
وعلى فكرة – أنا جهزت لكم الإسطوانات بطريقة أفضل من طريقة الوزارة شوية – فحجم الملف أصبح أصغر مما يسهل تنزيلها فى وقت أقل – بدون حذف أى شيئ من المحتوى – لكن بإستخدام برنامج ضغط ملفات أفضل – وأيضا جهزت لكم الملف بحيث يفك نفسه بنفسه تلقائيا دون الحاجة لأى برنامج فك ضغط

ملحوظة
لو ما تعرفش حاجة عن التورنت مش مشكلة – كتبت لكم شرح مبسط هنا

ملحوظة هامة جداً
من فضلكم اللى ينتهى من تنزيل أى تورنت – لوسمحتم ما تمسحوش الملف اللى نزلتوه – ولا تغيروا مكانه اللى نزل فيه – علشان تساعدوا باقى زملاءكم اللى حيعوزوا ينزلوه بعدكم – لو مسحتوه أو غيرتوا مكانه على الكمبيوتر بتاعكوا محدش حيعرف بعدكم ينزله منكم – تبقى دى معلش أنانية – أكيد إنت مش كدة – صح؟ – علشلن ينوبك جزء من الثواب والأجر بإذن الله – أتمنى إننا جميعا تكون عندنا روح التعاون الجماعى وحب لأخيك كما تحب لنفسك – بدون روح التكافل والتعاون دى نظام التورنت ينهار ويفشل


الصف الأول الإبتدائى


الصف الثانى الإبتدائى


الصف الثالث الإبتدائى


الصف الرابع الإبتدائى
الترم الأول
لغة عربية
لغة إنجليزية
رياضيات
علوم

الترم الثانى
لغة عربية
لغة إنجليزية
رياضيات
علوم
دراسات إجتماعية


الصف الخامس الإبتدائى


الصف السادس الإبتدائى


الصف الأول الإعدادى
الترم الأول
لغة عربية
رياضيات
علوم
دراسات

الترم الثانى
علوم
دراسات إجتماعية
رياضيات


الصف الثانى الإعدادى


الصف الثالث الإعدادى
الترم الأول
رياضيات + دراسات إجتماعية

الترم الثانى
دراسات إجتماعية
رياضيات إنجليزى


الصف الأول الثانوى


الصف الثانى الثانوى


الصف الثالث الثانوى


تنزيل مباشر
ولو بتفضل التنزيل المباشر من غير تورنت – مفيش مشكلة – أنا رفعت لكم مجموعة إسطوانات تعليمية على موقع ميديا فاير – وبإذن الله حأرفع لكم بقية الإسطوانات كلها قريب
الإسطوانات جزأتها الى أجزاء كل منها 99 ميجابايت أو أقل
وعملت لكل سنة دراسية فولدر خاص بإسمها
فى كل فولدر حتلاقوا مجموعة فايلات – لازم تنزلوهم كلهم – يعنى لو مثلا فولدر سنه تالتة يحتوى على 5 فايلات يبقى لازم تنزلوا الخمسة فايلات – مش أربعة
ممكن تنزلوا أكتر من فايل فى نفس الوقت – لكن لو النت عندك بطيئ يبقى الأفضل تنزل فايل فايل
ممكن تشتخدموا أى برنامج تنزيل لتسريع العملية
أقترح عليكم إستخدام بلج-إن خاص بفاير فوكس إسمه
DownThemAll
لو ماتعرفش يعنى إيه فاير فوكس تبقى مشكلة – لكن ماتضخضش – لسة الحياة ممكنة – ممكن تنقد نفسك لو نزلته من هنا
ما علينا …
……
بعد تنزيل كل الأجزاء حتحتاجوا برنامج فك ضغط – أقترح عليكم برنامج
7zip
وبعد تصطيبه إضغط بزر الماوس اليمين على أول ملف من المجوعة اللى نزلتها – الملف اللى بينتهى برقم 001 – وإختار
7zip > Extract here
حتلاقى فولدر إتعمل لك وبداخله الإسطونه التعليمية
لتشغيل الإسطوانة – إضغط على
run.exe
أو
autorun.exe

الإسطوانات التعليمية لمناهج وزارة التربية والتعليم – تنزيل مباشر من موقع ميديا فاير (بعض المناهج إنتهيت منها – والباقى جارى رفعه قريبا)


لو السنة اللى إنت عايزها مش موجودة فى التورنتات اللى أنا خلصتها لكم فوق – ولا ضمن الإسطوانات اللى رفعتها لكم فى ميديا فاير – يبقى مفيش غير إنك تحاول مع سيرفر الوزارة يمكن تحصل معجزة وتتمكن من تنزيل سيديهاتك من عندهم – ولو معرفتش خالص إنتظرنى – أنا بحاول بكل جهدى إنى أوفر لكم أكبر عدد من التورنتات فى أسرع وقت – قريب إن شاء الله – تابع الصفحة وربنا يسهل
ودلوقتى أسيبكوا لمصيركم وإنتوا ونصيبكم مع سيرفر الوزارة المرعب

27 تعليق

  1. Pingback: مناهج وزارة التربية والتعليم على إسطوانات تعليمية مجانية لجميع المراحل الدراسية من إنتاج وزارة التربية والتعليم « my 2 cents

  2. Pingback: مناهج وزارة التربية والتعليم المصرية – تحميل نسخ إلكترونية من الكتب المدرسية « my 2 cents

  3. ادامكم الله ودمتم في خدمة الصالح العام وشكرا

    • هو سيادتك بتشتغل فى المسلسلات وللا حاجة؟
      ماتقدرش تكتب الجملة فى تعليق واحد وللا لازم تقسمها غلى 3 تعليقات؟

      بالنسية لردودى أنا مش بتريأ على أى حد – وبحترم كل اللى يدخل موقعى
      لكن بصراحة مش بطيق اللى بيكتب رد من كلمة واحدة – وفى الحالة دى يحق لأى حد إنه ياخذ الكلام بأى محمل يحتمله الكلام
      لو التعليق عقلانى والمعنى واضح او لو السؤال محدد الملامح مش ممكن حياخد غير رد مفيد وبأبذل كل جهدى للمساعدة
      أما المهرجين فلن يجدوا إلا دعابات تتناسب مع مايكتبوه

  4. ياعمو محمد انا لقيت اسطوانات (المناهج) للسادس الابتدائى كلها كاملة هى واولى اعدادى وحملتهم عندى لكن الصف الثال الاعداى لم اجد الا منهجين فقط الباقى موجودين ولم اعرف الحصول عليهم ام انهم لم يتم وضعهم اصلا على الموقع (وزارة التربية والتعليم )
    واشكرك

  5. السلام عليكم
    سعيد بانضمامى اليكم واستفدت كثير من موقعكم الرائع
    وربنا يوفقكم للخير دائما
    دعوااااااااتى لكم

    • ياسلاااااام – أهى دعواتك لى دى بالدنيا
      الحمد لله إنك وجدت الموقع مفيد – وربنا يقدرنى وأقدر أستمر وأضيف الجديد دائما بإذن الله
      أنا إتشرفت بزيارتك – جزاكم الله خيراً

  6. لو سمحت يا عمو محمد منهج رابعة ابتدائي وجزاك اللة عنا الجنة

    • منهج رابعة موجود على موقع الوزارة المعروض فى نفس الصفحة بالأعلى – وكمان موجود تورنت والروابط حتلاقيها أيضا فى نفس الصفحة فوق شوية

  7. بنشكركم جدا على مجهودكم الرائع وياريت نلاقى اولى ثانوى ترم تانى

  8. اسكركم على اسطوانات وزارة التربية والتعليم الإبتدائى جزاكم الله كل خير عنا

  9. Pingback: مناهج الإنجليزى هالو على إسطوانات رائعة إنتاج وزارة التربية والتعليم « my 2 cents

Comments are closed.