آخر تحديث : 04-10-2015 الساعة 09:26 ص
ايوة هى
اللى هى
اللى كافحت واللى ربت
قلب فى الاحلام متبت
فكرة بتغير قضية
…..
غنوة حلوة تقولها سومة
بنت بتخوف حكومة
حضن ام يلم عيلة ويبنى بيت
ايد بتبنى وايد بتروى الخير فى غيط
…..
روح بهية الحلوة هى
بس مُرة فى حلق ظالم
دعوة بترد المظالم
قلب حالم
…..
كلهم
لأ كلهن
جمع مؤنث سالم
كلهم
لأ كلهن
جمع مؤنث سالم
…
أغنية بسيطة فى كلمتين – لكنها تهز مشاعرك من الاعماق – وتخليك عايز تبوس ايد كل بنت مصرية جدعة
كلمات الشاعر محمد السيد
ألحان وأداء ياسر المناوهلي