صدور فراخ بانيه

13762506197158-001صدور الفراخ البانيه من ألذ اطباق الفراخ وربما الذها على الاطلاق – وعملها سهل وسريع – بس بتحتاج اننا نتبلها قبلها ب4 ساعات – ودة هو السر فى اننا نحصل على صدور بانيه تذوب فى الفم ذوبان وطعمها خطيييير! – اليكم الطريقة

المقادير

  • نصف كيلو صدور فراخ مخلية من العظم والجلد
  • بصلة
  • فلفلاية رومى صغيرة
  • معلقة كبيرة لبن رايب او زبادى
  • قرن فلفل حامى صغير (اختيارى)
  • معلقة ونصف صغيرة ملح
  • نصف معلقة صغيرة روزمارى مطحون
  • ذرة قرفة
  • بيضة
  • بقسماط مطحون
  • معلقتين كبار خلطة فيجيتار
  • بقدونس مفرى للتجميل

الطريقة

  • نقشر البصلة ونضربها فى الخلاط مع الفلفل واللبن الرايب او الزبادى والتوابل
  • لو صدور البانيه اشتريناها صحيحة نقطعها شرايح – بطريقة سهلة كتبتهالكم هنا
  • نضع شرائح صدور الفراخ فى وعاء ونصب عليه الخليط ونقلبهم كويس لكى نغطى كل الشرائح بالخليط
  • نغطى الوعاء فى الثلاجة 4 ساعات
  • فى طبق كبير عميق نخلط البقسماط مع خلطة الفيتيجار
  • نخرج الشرائح من الثلاجة ونضرب بيضة  ونصبها على الفراخ ونقلب الكل – نمسك شريحة بايدنا اليمين ونفردها (بخلطة البصل العالقة فيها) فى طبق البقسماط ونهز الطبق عشان البقسماط يغطى شريحة البانيه – وبعدين نقلبها على ظهرها ونكرر هز الطبق
  • نرفع الشريحة من البقسماط بايدنا التانية الناشفة ونهزها قيلا لننثر البقسماط الزائد ثم نرصها فى طبق
  • نكرر نفس الخطوة مع باقى الشرائح
  • نسخن زيت فى طاسة ونحمر الشرائح حتى يصبح لونها ذهبى على الوجهين
  • تقدم ساخنة بعد ما نرش على طبق التقديم بقدونس مفرى – مع سلطة خضراء وارز مفلفل بالشعرية

والف هنا وشفا

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *