صدور فراخ بانيه

آخر تحديث : 02-12-2018 الساعة 09:17 م

13762506197158-001

صدور الفراخ البانيه من ألذ اطباق الفراخ وربما الذها على الاطلاق – وعملها سهل وسريع – بس بتحتاج اننا نتبلها قبلها ب4 ساعات – ودة هو السر فى اننا نحصل على صدور بانيه تذوب فى الفم ذوبان وطعمها خطيييير! – اليكم الطريقة

المقادير

مقادير الخلاط :

  • بصلة
  • 3 فصوص ثوم او معلقة مفروم
  • معلقة كبيرة لبن رايب او زبادى او حليب جاموسى بالقشطة
  • معلقة كبيرة صلصة
  • عصير ليمونة او معلقتين خل
  • قرن فلفل حامى (اختيارى)
  • معلقة صغيرة ملح
  • نصف معلقة صغيرة روزمارى مطحون
  • نصف معلقة صغيرة ورق لورا مطحون
  • نصف معلقة صغيرة كبابة صيني مطحونة
  • نصف معلقة صغيرة فلفل اسود مطحون
  • ذرة قرفة

باقى المقادير :

  • نصف كيلو صدور فراخ مخلية من العظم والجلد
  • بيضة
  • بقسماط مطحون
  • معلقتين زعتر اخضر مطحون
  • بقدونس مفرى للتجميل

الطريقة

  • نقشر البصلة ونضربها فى الخلاط مع باقى مقادير الخلاط – نضربهم حتى نحصل على خليط ناعم كالعجينة
  • لو صدور البانيه اشتريناها صحيحة نقطعها شرايح – بطريقة سهلة كتبتهالكم هنا
  • نضع شرائح صدور الفراخ فى وعاء ونصب عليه الخليط ونقلبهم كويس بحيث نغطى كل الشرائح بالخليط
  • نغطى الوعاء فى الثلاجة 4 ساعات
  • فى طبق كبير عميق نخلط جيدا البقسماط مع الزعتر المطحون
  • نخرج الشرائح من الثلاجة ونضرب بيضة  ونصبها على الفراخ ونقلب الكل – نمسك شريحة بايدنا اليمين ونفردها (بخلطة البصل العالقة فيها) فى طبق البقسماط ونهز الطبق عشان البقسماط يغطى شريحة البانيه – وبعدين نقلبها على ظهرها ونكرر هز الطبق وبايدنا الشمال نضغط على البانية عشان البقسماط يمسك فيه على الوجهين
  • نرفع الشريحة من البقسماط بايدنا الشمال الناشفة ونهزها قيلا لننثر البقسماط الزائد ثم نرصها فى طبق
  • نكرر نفس الخطوة مع باقى الشرائح
  • نسخن زيت فى طاسة ونحمر الشرائح حتى يصبح لونها ذهبى على الوجهين
  • نرش بقدونس مفرى على طبق التقديم ثم نرص البانيه عليه
  • يقدم مع مخلل بيتى بطريقة البروبيوتيك

والف هنا وشفا

 

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.