رقاق باللحمة المفرومة

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

رقاق-باللحمة-المفرومةمين مابيحبش الرقاق! فى رمضان – فى العيد – او فى وقت طوال السنة – مش بنزهق منه ابداً من جماله وطعامته – ناس كتير بتستتقل عمايله – لكن انا حأقول لكم على طريقة سهلة وموفرة لعمل صوانى الرقاق باللحمة المفرومة – بدون ما نحتاج نسلق لحمة او فراخ عشان نأخذ منها شوربة – وان شاء الله بالطريقة اللى حاشرحهالكم هنا حتلاقوه سهل جدا وحتعملوه دايما عشان تسعدوا احباؤكم

المقادير

  • نصف كيلو لحمة مفرومة
  • نصف كيلو بصل
  • ربع كيلو فلفل رومى
  • قرن فلفل حامى (اختيارى)
  • حبة طماطم متوسطة
  • معلقة ثوم مهروس
  • معلقتين سمن
  • ملح وفلفل وكبابة صينى اوبهارات – وملح صينى وورق لورا مطحون
  • ربع كوب خل
  • 12 ورقة رقاق

الطريقة

  • نشوح اللحمة المفرومة فى السمن مع الثوم المهروس على نار هادية
  • نضيف التوابل ونقلبهم مع بعض
  • نقشر البصل ونضربه مع الملح فى الكبة قطع صغيرة ونصبه على اللحمة
  • نقطع الفلفل والطماطم بنفس الطريقة ونضيفهم للحمة
  • بعد تشويح الكل – حوالى 10 دقائق – نصب 3 اكواب ماء فى الحلة ونقلب ثم نغطيها ونتركها على نار هادية نصف ساعة
  • نصفى الشوربة من خلال مصفاة فى وعاء واسع ونحتفظ باللحمة فى الحلة
  • ندهن 2 صينية فرن بالسمن بفرشة
  • بعد ان تصبح الشوربة دافية ونستطيع وضع اصابعنا فيها نكسر ورقة رقاق فى الشوربة ونقلبها بضع ثوانى ثم نفرش القطع فى الصينية – ثم نكسر ورقة ثانية بنفس الطريقة ونضعها فى الصينية الثانية
  • نكرر مع باقى ورق الرقاق – وعندما ننتهى من فرش 3 ورقات فى كل صينية نضع اللحمة المفرومة ونفردها بالتساوى على كامل مساحة الصينيتين
  • نكرر غمس باقى ورق الرقاق حتى ننتهى من فرش ال3 ورقات المتبقيين فى كل صينية
  • لا نضغط على وش الصوانى بايدينا والا حتعجن ومتستويش من جوة
  • نسيح معلقتين سمن ونقلب معهم 4 معالق الحليب ثم ندهن بفرشة على وجه الرقاق
  • ندخل الصوانى فى الفرن على الرف العلوى مع وضع ورق فويل تحت الصوانى حتى لا يحترق قعر الرقاق
  • نشعل الفرن على 180 درجة حتى يحمر وجه الصوانى – حوالى 45-60 دقيقة
  • نخرج الصوانى ونقلبها فى طبق واسع للتقديم
  • نقسم الرقاق بالسكين 4 ارباع او 8 حسب الرغبة (وحسب مستوى الجوع وقدرة الاكيلة اللى عندك على التهام الطعام)
  • تقدم ساخنة مع زيتون مخلل وطبق ضخم من السلطة الخضراء

وبالف هنا وشفا

 

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *