مناهج الإنجليزى هالو على إسطوانات رائعة إنتاج وزارة التربية والتعليم

آخر تحديث : 21-09-2010 الساعة 12:49 م

أكيب لكم اليوم عن إسطوانات هالو التى يمكنكم تنزيلها مجانا من موقع وزارة التربية والتعليم

أنا قمت بتجربة إسطوانة هالو لسنة رابعة إبتدائى
الإسطوانة أكثر من رائعة – ومنفذة بطريقة جميلة جدا
طريقة النطق فى الإسطوانة لم أسمعها من قبل فى أى إسطوانة تعليمية مصرية – يبدو أن الوزارة إستعانت بأشخاص إنجليز لتسجيل الأصوات – وبكدة أطفالنا ممكن بسهولة يتعلموا النطق السليم للغة من بلدها رأسا – بدل العاهات اللى بيسمعوها كل يوم فى المدارس – وأخطاء اللغة الفادحة التى يقع فيها غالبية المدرسين فى مصر – حتى فى أعرق مدارس اللغات – فالمصرى لازمن وحتمن يضفى تراثه الصعيدى أو الفلاحى على أى شيئ يخرج من فمه – لذا فاللى عايز يتعلم لغة صح لازم يسمعها من أصحابها من بلدها – وحتى فى إنجلترا وأمريكا مش كلهم نطقهم سليم – فيه عاهات برضه عادى يعنى – لذلك محطة زى البى بى سى بتعمل إختبارات شاقى جداً فى النطق السليم لمن يرغب فى العمل لديها – هذا المستوى الفريد من النطق للغة هو المتوفر فى إسطوانة هالو للصف الرابع الإبتدائى – لذلك أنا أعتبر الإسطوانة دى تتاقل وزنها ذهب – لأ – ألماظ كمان – لإنها ممكن ترفع إبنك أو بنتك – لو قلدوا النطق بالتكرار مع الإسطوتنة – لمستوى يمكن أفضل كثيرا من بعض الإنجليز والأمريكان نفسهم

كم المعلومات فى الإسطوانة رهيب – اليونيت الواحد فيه 80 صفحة – أكرر 80 صفحة – بينما اليونت فى الكتاب المدرسى 4 صفحات فقط
ده غير الأغانى والأناشيد – أكثر من رائعة
وتشمل الإسطوانة أيضا قاموس إنجليزى مصور بكل مفردات رابعة
وكذلك بها طوفان من الإسئلة التى يجاوب الطالب عليها بطريقة تفاعلية ويأتى التصحيح فورى
وكل كلمة جديدة تظهر ومعها صورة توضح معناها – لأن الإسطوتنة مفيهاش كلام عربى خالص – وهذا أفضل شيئ لتعلم لغة على أصولها

مهما قلت لا أستطيع أن أوفى تلك الإسطوانة حقها – لازم تجربوها بنفسكوا عشان تتزهولوا زييى كدة – بجد حاجة تفرح إن فيه إسطوانات بالمستوى دة فى مصر
والله أنا شاكك تكون الإسطوانة دى صناعة إنجليزى – لإن الوزارة كلها من أول وزيرها معجزة زمانه الى أصغر موظف فيها مروراً بالسادة المستشارين والدكاترة والخبراء أشك لو فيهم واحد يعرف ينطق كدة

تفاصيل أكثر – ورابط التنزيل – موجودين فى الموضوع اللى كتبته هنا

تحديث
يمكنكم الآن تنزيل إسطوانة هالو رابعة إبتدائى بواسطة برامج التورنت – بدل ما تقعدوا شهور مع موقع الوزارة
لو عندك على الكمبيوتر برنامج تورنت إضغط هنا لتنزيل الإسطوانة
لو ماعندكش برنامج تورنت تبقى غلطان – وحارم نفسك من ملايين البرامج والأفلام والكتب والإسطوانات
أنصخك فى هذه الحالة تنزيل برنامج يوتورنت من هنا
وأنا كتبت لكم شرح مبسط لطريقة إستخدام يوتورنت الرائع – إضغط هنا
وبإذن الله حرفع لكوا إسطوانات أخرى كتيرة قريب بطريقة التورنت
بس رجاء من فضلكم – اللى ينزل الإسطوانة بالتورنت مايمسحهاش من على الكمبيوتر بتاعه ولا يغير مكانها – علشات تساعد زملاءك على تنزيلها زى مانت نزلتها – وكلما زاد عدد اللى نزلوها عندهم كلما زادت سرعة التنزيل للآخرين – وينوبك الأجر بإذن الله تعالى

تحديث
دلوقتى ممكن تنزل إسطوانات تعليمية كتيرة بالتورنت من هنا

شارك هذا الموضوع
error

10 تعليقات

  1. Pingback: البرامج التعليمية الجديدة – مهازل بديكورات شيك « my 2 cents

  2. انا مش عايزه لف و لا دوران انا عايزه المناهج المصريه سعدوني اللله يخليكم

  3. يا جماعه انا بدرس في السعوديه و انا مصريه و هدرس في مصر من الصف الثاني الثنوي ممكن اي موقع

  4. يا اخواني المحترمين الرابط لا يعمل عموما شكرا

Comments are closed.