البلوتوث فى الويندوز به مشاكل وغالبا بنفشل فى نقل الصور والملفات من خلاله – عشان كدة حأقدم لكم النهاردة أسهل طريقة لنقل أى صور او ملفات بين أى جهاز اندرويد وبين اللاب توب او الكمبيوتر – من خلال تطبيق رائع وبسيط جدا اسمه Wifi File Transfer

استخدم الطريقة دى لما يكون الجهازين متصلين بواى فاى واحد – لان البرنامج بينقل من خلال الواى فاى وليس من خلال البلوتوث – لذلك انت ممكن تنقل الملفات حتى لو الجهاز ليس به بلوتوث

• قم بتنزيل هذا التطبيق على جهازك الاندرويد – ثم افتحه ودوس على زر Start
• افتح المتصفح فى جهازك الثانى (لاب توب او كمبيوتر او تابلت او موبايل آخر) واكتب العنوان التالى فى اعلى الصفحة:
  • http://192.168.1.5:1234
• حتلاقى كل محتويات جهازك الاندرويد ضاهرة أمامك فى الصفحة – اختار الملفات اللى عايز تنقلها وحدد عايزها تروح فين
• لو عايز تنقل من الجهاز الثانى الى الجهاز الاول حتلاقى على يمينك مربع مكتوب فوقه “transfer files to device” دوس على زر “Choose files”  حتلاقى محتويات الجهاز الثانى تتفتح فى شباك صغير – روح عند الصور او الملفات بتاعتك ودوس عليهم عشان تختارهم وبعدين دوس تحت على “Open” – والاخر دوس على “Start Upload”
• أى استفسار انا تحت أمركم – اكتب اى سؤال فى التعليقات وانا اساعدك

شارك هذا الموضوع