عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

اضغط هنا
 

عمل العيش فى البيت هواية جميلة جدا – ونستطيع من خلالها الاستغناء تماما عن شراء الخبز من الافران – ليس هذا فقط – ولكن الطريقة اللى حأكتبها لكم هنا حتعملوا بيها عيش صحى ولذيذ جدا أحلى وأطعم وأفيد من أى أى مخبز

عيش المخابز له أضرار صحية متعددة

  • لأنه مصنوع من ماء الحنفية بدون أى تنقية – والماء نسبته عالية جدا فى الخبز – 75% من وزن الدقيق – وبالتالى كل ملوثات الماء تدخل معدتك عند تناول عيش المخابز
  • المخابز لا تستخدم انواع الملح النقى اللى بنشتريه فى البيت – بل فى الغالب يشترون ملح رخيص لانهم يستهلكون كميات كبيرة منه يوميا
  • الخميرة بيرة التى يخمرون بها العجينة لها اضرار صحية كثيرة – وبالمقارنة فان الخميرة البرية التى سنستخدمها فى وصفتنا تمدنا بفوائد صحية لا حصر لها – وتقى من امراض العصر كالسكر والسرطان (قبل عمل هذا الخبز يفضل ان نعمل اولا خميرة برية – حنعملها مرة واحدة وبعدين نستخدمها دايما وتعيش معانا طول العمر – الطريقة شرحتها لكم هنا)

IMG_1320

 

 

 

المقادير

  • 550جم دقيق
  • 150جم ردة ناعمة (فى حالة عدم توافر ردة نزود 150جم دقيق بدلها)
  • 480جم خميرة برية
  • 20جم ملح
  • 42جم عسل نحل او عسل اسود
  • 28جم زبدة او سمن بلدى او زيت
  • 170جم حليب
  • 400جم ماء

الطريقة

  • لو محتفظين ب300جم خميرة برية فى برطمان فى الثلاجة نخرجه ونضيف اليه الاتى:

     

    • ​300جم دقيق
    • 180جم ماء
  • كدة حيبقوا 780جم – ​نعجنهم كويس مع بعض – وبعدين نرجع 300 جرام فى البرطمان نغطيه ونتركه ساعتين على المطبخ قبل اعادته للثلاجة
  • كدة حيفضل معنا 480جم – نغطيهم ونتركهم على المطبخ
  • بعد خمس ساعات نضيف لل480جم الحليب والماء والملح والعسل والزبدة/السمن/الزيت ونقلبهم كويس مع بعض وبعدين نضيف الدقيق والردة ونقلب كويس بمعلقة خشب لغاية الدقيق ما يتشرب كل السوائل – ونغطى العجينة ونتركها نصف ساعة
  • نقلب مرة أخرى العجينة فى الوعاء بمعلقة خشب او سباتيولا بضع دقائق وبعدين نصبها فى قالبين عيش مقاس 9 بوصة × 5 بوصة – او فى صينية كبيرة مقاس 9 بوصة × 12 بوصة ونغطيهم بورق فويل جيدا ونضعهم فى الثلاجة 24 ساعة
  • فى اليوم التالى نخرج القوالب من الثلاجة ونتركهم بالغطاء يهدوا 3-4 ساعات – أو نضعهم فى فرن مطفى مع حلة ماء مغلى ونقفل عليهم ساعتين فقط
  • نخرج الماء ونشغل الفرن على القوالب وهى متغطية على 180 درجة مئوية لمدة ساعة ونصف
  • نخرج القوالب ونكشف الغطاء ونخرج العيش على شبكة تهوية – ونغطى وجه العيش بفوطة عشان يبقى طرى لما يبرد – ونتركه يبرد لمدة ساعة قبل تقطيعه شرائح

وبالف هنا وشفا

IMG_1341

بعد مايبرد نقطعه شرائح ونحفظه فى علبة صفيح

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *