أحسن هوت دوج / فرانكفورتر فى مصر

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

شركات كثيرة فى مصر تنتج هوت دوج وفرانكفورتر – انا جربت 3 ماركات: المراعى وامريكانا وفرجللو – وستكون المقارنة هنا بين تلك الاصناف الثلاثة

لا يوجد فرق بين الهوت دوج والفرانكفورتر الا فى الحجم – فالهوت دوج حجمه كبير اما الفرانكفورتر فهو حجم مصغر منه – بالاضافة الى انه بينما الهوت دوج يكون مجمد دائما – نجد ان الفرانكفورتر نوعان: نوع مجمد ونوع طرى فى اكياس مفرغة من الهواء

لا انصحكم بشراء النوع الطرى من أى ماركة – فهو سريع الفساد – اشتروا فقط المجمد

 
IMG_1255

بالنسبة للطعم فان فرانكفورتر المراعى المجمد هو الأفضل من بين كل الانواع التى جربتها – لان نسبة البروتين فيه أعلى بينما نسبة الدهون أقل من الماركات الاخرى

شركة امريكانا تخدع الناس فتكتب على كيس الهوت دوج: 25% زيادة – يعنى 30 هوت دوج بدلا من 25 – وهى خدعة لان الوزن لم يتغير – فهو كيلو زى ماهو – الفرق انهم صغروا الهوت دوج – فى حجم الفرانكفورتر او اقل – بحيث فى النهاية الوزن هو هو بدون زيادة كما يدعون – وهذا ينم عن عدم احترام المستهلكين – اعتقد ان شركة بهذه العقلية الخداعية شركة غير جديرة بشراء منتجاتها

فرانكفورتر المراعى عالى الجودة – رائحته جميلة جدا وطعمه رائع – انا باقطعه حلقات رفيعة واحمره ثم اقلب معه بيض مخفوق بيبقى الطعم خطير – وطبعا ممكن وضعه حلقات برضه للبيتزا او حشو باتيه بيه – ولو قطعناه فتافيت ممكن نحشى بيه الساموسا تبقى خطيرة

لتقطيع الفرانكفورتر حلقات رفيعة يستحسن نعمل كدة وهو مجمد – بيبقى اسهل بكتير – يادوبك نشطفه بعد ما نطلعه من الفريزر ونقطعه حلقات على طول باستخدام سكين حامى

وممكن تقطيعه حلقات ونضربه فى الكبة على شكل نبضات – حيبقى فتافيت – بنفس الطريقة السريعة لتقطيع البسطرمة – نحطها فى علبة فى الفريزر – ونستخدمها مع البيض كبديل للبسطرمة – الاطفال بيحبوه قوى

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *