منيو الجنية من اتصالات يجعل الدقيقة ب1 قرش

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

اذا كنت من مشتركى اتصالات يمكنك الاستفادة من “منيو الجنيه” اللى بيتيح لك 30 دقيقة مكالمات لارقام اتصالات بنص جنيه – يعنى الدقيقة بقرش صاغ واحد بدلا من 14 قرش! – بمعنى آخر تقدر تتكلم 30 دقيقة بنفس التكلفة اللى كنت حتدفعها فى 3 دقائق فقط – طالما لارقام اتصالات

أو ممكن بالنص جنيه تختار انك تعمل 15 دقيقة مكالمات لأى شبكة – وتتحاسب ب7 قروش للدقيقة

واذا كنت عاوز تتكلم اكثر يبقى ادفع جنيه ويبقى عندك 60 دقيقة مجانية لاتصالات أو 30 دقيقة لأى رقم وتتحسب لك الدقيقة ب7 قروش – أو بجنيه تستخدم 15 ميجا انترنت

منيو الجنيه متاح لكل انظمة اتصالات اهلا – ومن مزاياه انك تقدر تتكلم خلال 3 ساعات من دفع النص جنيه او الجنيه – وممكن تختار ال3 ساعات دول فى الوقت اللى يناسبك صبح ليل طوال ال24 ساعة – المهم انك لما تدفع بيبقى ليك 3 ساعات تتكلم خلالهم وبعد كدة لو تبقت دقائق مجانية بتروح عليك

طريقة طلب منيو الجنيه كالاتى:

  • اطلب #101*
  • حتلاقى اختيارات – اختار اللى انت عاوزه – يا اما مكالمات لاتصالات – او مكالمات لآى رقم – او موبايل انترنت
  • اختار عاوز تدفع كام – 50 قرش وللا 100 قرش وللا 150 قرش
  • فى الخطوة الاخيرة أكد طلبك
  • ستصلك رسالة sms تبلغك ان ليك مثلا دلوقتى 30 دقيقة اتصالات تستخدمهم خلال 3 ساعات – او 60 لو كنت اخترت تدفع جنيه – او 120 دقيقة لو اخترت 150 قرش

بمجرد ما تؤكد اختيارك بيتخصم من رصيدك المبلغ اللى اخترته فقط بدون أى رسوم اضافية – بس لو اخترت تعرف الدقائق المتبقية بيتخصم قرش واحد

لو موبايلك اندرويد ممكن بسهولة تعرف الدقائق المتبقية من خلال آب صغير جميل من جوجل ستور اسمه Call Timer – حيحسب لك اتكلمت كام دقيقة حتى لو عملت مكالمات متعددة ويجمعهم لك ويبين لك رصيد الدقائق المتبقية – وينبهك قبل ما الدقائق الكلية ما تخلص – وممكن تظبطه ينهى المكالمة لوحده لما الدقائق المجانية تخلص عشان ما يتحسبش فلوس زيادة

منيو النص جنيه اتوقع افبال كبير عليه نظرا لانه يوفر الكثير ولا يكلف سوى سعر 3 دقائق تاخذ بيهم 30 دقيقة

لو الموضوع نال اعجابك اضغط هنا لدعم الكاتب (جزاكم الله خيراً)

2 تعليقان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *