طاسة مقلاة نوفال بروموشن جديدة والأخرى بعد استخدام شهرين وقد تبخر الطلاء السام وانتشر فى الهواء
اشتريت طقم حلل وطاسات ماركة نوفال Nouval فى كرتونة مكتوب عليها Promotion بروموشن – واكتشفت ان شركة نوفال تخدع المستهلك الذى يقبل على الشراء اثناء العروض فتصنع له خصيصا منتجات أردأ وأقل جودة من منتجاتها العادية – أى ان السعر المخفض مجرد خدعة لان الطاسة او الحلة البروموشن يبدو أنها أخف فى الوزن والأخطر أنها مطلية من الخارج بطلاء رخيص لا يتحمل حرارة البوتاجاز – ففى كل مرة تضع فيها الطاسة على النار يسيح الطلاء وتنبعث منه روائح كريهة سامة تنتشر فى الهواء وقد تسبب السرطان لمن يقف بجوارها ويستنشقها
هذا يعتبر غش تجارى ولا أدرى أين الرقابة على هذا المصنع – وكيف يسمح له باستخدام مواد طلاء تسبب اضرار صحية جسيمة للمستهلك – وكيف يسمح له بخداع الناس البسيطة التى تبحث عن توفير بضعة جنيهات فيبيعهم منتجات أقل جودة يصنعها خصيصا للعروض والتخفيضات؟
وبما ان نوفال شركة تتبع سياسة الخداع فلا اعتقد انها تستحق ان نشترى منتجاتها ولا حتى الانواع ذات الجودة العادية وليس فقط البروموشن – فلا يصح ان نشجع مثل تلك الشركات التى لا تحترم زبائنها
نوفال بروموشن تباع باسعار مخفضة لكن المشترى لا يعلم انها مصنوعة من مواد رديئة
الفرق بين طاسة مقلاة نوفال بروموشن وهى جديدة وبعد شهرين من الاستخدام تبين اختفاء الطلاء بعد ان ساح وتبخر ناشرا سموم ضارة جدا بالصحة لمن يستخدمها او يستنشق روائحها الكريهة أثناء القلى
اولاً واضح جدا جدا استخدامك السيء للمقلاية وان النار مش في مركز المقلاية النار وصلت للاجناب .. واي منتج والله هيعمل معاك كدا واسوأ من كدا .. ثانياً نوفال بروموشن دي اقل خامة تيفال في الشركة .. في ناس معهاش تمن الحاجات الغالية فاكيد يعني مش هيشترو .. لا في حاجة زي البروموشن دا حاجة تأدي الغرض بالاستخدام الصحيح ..
أهم حاجة ان حضرتك اعترفت ان نوفال بتضحك على الغلابة ومحدودى الدخل وتستغل لهفتهم لشراء حاجة ارخص – فتقدموا لهم خامات أقل جودة ولا تذكروا ذلك بل تدعون انه بروموشن – ومن الاسم ينخدع الناس البسطاء ويعتقدوا ان السعر رخيص بسبب تخفيضات العروض ولا يخطر على بالهم انهم يشترون منتج ردئ وضار بصحتهم
سيدى – من حقك ان تنتج منتجات بخامات متفاوتة كما تريد – لكن ليس من حقك استخدام خامات مسرطنة او ضارة بالصحة بأى شكل من الاشكال – وبشرط أن تذكر ذلك للمشترى وبخط واضح على كل منتج من منتجاتكم – فتذكر مثلا “خامات درجة اولى” “خامات درجة ثانية” “خامات درجة ثالثة” – اما عدم ذكر ذلك فهو غش مكتمل الاركان ولن يجديك نفعاً الانكار او محاولة الهجوم على المستهلك كوسيلة للهروب من الاتهام
هل لديكم شجاعة أدبية وصدق فتذكروا بخط واضح على الكرتونة وتضعون لاصق على كل منتج “بروموشن” تذكروا فيه ان السعر مخفض لأن هذا المنتج مصنوع “بأقل خامات تيفال فى الشركة” كما اعترفت بنفسك؟
أم ستظلون على خداعكم للناس؟
حسبنا الله ونعم الوكيل فى كل من غشنا وسبب الضرر لصحتنا وصحة أولادنا – ولن تربحون دنيا ولا آخرة طول ما انتم بتغشوا الناس ولا تقولون لهم الحقيقة
حضرتك بتتهم شركة مسجلة لدى وزارة الصناعة انها بتستخدم مواد مُسرطنة .. انت ممكن يترفع عليك قضية تشهير وتتحاسب على الكلام دا .. نصيحة مني بلاش اتهامات مش موثوق منها .. لو في اي كرتونة لاي منتج من شركات صناعة ادوات الطهي في مصر هتلاقي مكتوب عليها without peofa المادة اللي ممكن تسبب امراض .. يعني مفيش منتج ف مصر بيستخدم المادة دي .. والخامات بتتعرف في السوق من ” سُمك المنتج ” اكيد العربية ام 10 جنيه مش زي العربية ام 1000 جنيه .. ياريت تفهم كلامي ..
يعني عشان بعشرة جنيه تقوموا تصيبوا الناس بالسرطان
حضرتك اذا كنت بتمثل الشركة دي فانصحك بالاستقالة والبحث عن مهنة محترمة لا تسبب اذى للناس
وبدل ما تضيع وقتك في التهديد اقضى وقتك في تجويد المنتج لان التهديد لن يوصلك الى شئ وسنظل نحارب أى شركة تؤذي صحة الناس بمنتجات غير مطابقة للمواصفات بحجة رخص ثمنها
الكومنت بتاعى اتمسح لييه ؟؟
ها ؟؟
ليه بقا
لان الايميل بتاع حضرتك خطأ
الله !
اومال بيظهر ازاااى 😁
حضرتك عايز تكتب اللى عايزه و محدش يرد
باين كده ف مراجعه التعليق معجبكش ف مساحته
حضرتك عرفت منين انها مواد مسرطنة حضرتك حللتها مثلا ؟؟
ثانيا واضح جدا جدا أن المقلايه اتحطت على نار عاليه جدا
و انا شخصيا عندى النوع ده ف البيت من ٢٠١٤ اه لونه اتغير بس مش بالطريقه دي
بس من جوة مش متخربش ولا حاجه
جربت تروفال و الهلال فال و زى الزفت على فكره
زهران لا يعلى عليه ✋
بس غالى
أى روائح كريهة او ابخرة ناتجة عن تفاعلات كيميائية فهى من مسببات السرطان – وربنا سبحانه وتعالى جعل فينا حاسة شم تفرق بين المفيد والضار – أى رائحة مزعجة ماهى الا رسالة تحذرية لك لكى تبتعد عن مصدرها حفاظاً على صحتك – تماما كحاسة التذوق فقد جعلها الله انذارا لنا – تخيل لو كان الطعام الفاسد طعمه مستساغ كم مرة كنا سنصاب بالتسمم دون ان ندرى
وعلى فكرة مازالت الطاسة يصدر منها نفس الروائح الكريهة عند وضعها على النار – على اصغر عين بوتاجاز – لا نار عالية لا حاجة
معلش سامحنى فى السؤال: هو حضرتك مستهلك عايز تحمى صحتك وصحة اسرتك وللا بتشتغل فى الشركة وعايز تلوى الحقائق لمصلحتك المادية؟