الطريقة الصحية لتسخين العيش

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

معظمنا بيقمر العيش لما يكون بايت على عين البوتاجاز – لكن الابحاث الجديدة بتقول ان الاجزاء السوداء المحترقة فى أى أكل بتتحول الى مواد مسرطنة والعياذ بالله – عشان كدة قلت أقول لكم على طريقة جميلة لتسخين العيش بدون ما يسود

نكون محضرين ماسك معدنى كما فى الصورة – نمسك بيه الرغيف من طرفه ونقلبه بسرعة على الوجهين – بحيث الرغيف يسخن لكن ما يلحقش يكون بقع سوداء – نقلب الرغيف بمعدل مرة كل ثانية او ثانيتين تقريبا – يعنى مع تكة عقرب الثوانى بتاع ساعة الحائط كدة – نقلب كتير ونكرر حوالى 10-20 مرة لغاية ما نلاقى الرغيف بقى طرى زى الملبن فى ايدينا – أحلى من لو كان لسة طالع من الفرن – بدون مايكون اسود

ياريت مانكسلش ومانقولش ياه حنفضل نقلب كتير قوى – فكروا فى صحكتكم وصحة اسركم – أكيد أهم عندكم من شوية تعب صغنططين

مع تمنياتى لكم جميعا بدوام الصحة والعافية يارب

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *