برنامج ريجيم صحى متكامل

آخر تحديث : 29-03-2019 الساعة 11:12 ص

اذا كنتم تبحثون عن أفضل طريقة للتخسيس بطريقة صحية للوصول الى جسم رشيق ومتناسق – لكن لا تريدون ان تعانوا من الجوع وزهقتوا من اكل الرجيم التقليدى اللى بلا طعم – فانتوا جيتوا للمكان المناسب – فهنا سأقدم لكم نظام ريجيم متكامل يتميز بأنه

  • صحى
  • لذيذ
  • مشبع
  • يستبدل الارهاق والخمول بالقوة والنشاط
  • يعتبر اسلوب حياة وليس مجرد ريجيم وقتى

النظام يعتمد فى كلمتين على الغاء النشويات والسكريات من حياتك – والاعتماد فى امداد جسمنا بالطاقة والشبع على تناول الدهون الطبيعية والبروتينات والخضروات – معظم من يقرأ عن هذا النظام يستغرب ولا يصدق انه حيخس مع تناول الزبدة والسمن البلدى – لكن القليلين اللى كان عندهم الشجاعة انهم يجربوا ذهلوا من النتائج واستمروا على النظام بعد ان ثبت لهم بالتجربة العملية فوائده الرائعة سواءا من ناحية الرشاقة او من الناحية الصحية – واختفت مشاكلهم الصحية كلها تقريبا

لكى نبدأ فى اتباع هذا النظام الرائع نحتاج اولا الى شراء ما سنأكله – ثم نستعرض معا جدول الوجبات اليومية وطرق اعدادها وطهيها

قائمة المشتريات

  • فراخ
  • لحمة (كندوز ستيك – مكعبات – مفروم – ضانى)
  • سمك – جمبرى – تونة – سلمون – سردين
  • بيض
  • خضروات: كوسة – باذنجان – قرنبيط – ملوخية – سبانخ – بروكلى – جزر – طماطم – خيار – خس – جرجير – بقدونس – شبت – كزبرة
  • فاكهة: تفاح – برتقال – كمثرى – توت – فراولة
  • منتجات البان: جبنة شيدر – قشطة – زبادى
  • دهون: زبدة – سمن بلدى – زيت زيتون – زيت حار (زيت بذر كتان) – زيتون أخضر مخلل

جدول الوجبات اليومية

الافطار

  • جرجير او خس – زيتون أخضر – مع واحد من الاختيارات التالية
    • بيض بالبسطرمة والزبدة
    • بيض باللحمة المفرومة المحمرة فى الزبدة
    • عجة بيض بالزبدة
    • كوسة بالبيض والزبدة

الغذاء

  • خضروات سوتيه او متشوحة فى الزبدة
  • طبق سلطة خضراء – زيتون أخضر – خس او جرجير
  • واحد من الاختيارات التالية:
    • ربع فرخة محمرة او مشوية
    • لحمة ستيك محمرة أو مشوية
    • لحم كباب حلة
    • سمك مقلى او مشوى

العشاء

  • طبق سلطة خضراء – جرجير او خس – زيتون أخضر
  • واحد من الاختيارات التالية
    • هامبرجر بالجبنة والطماطم بدون خبز
    • شاورمة
    • باذنجان مقلى

وجبات خفيفة/سناكس

اذا شعرنا بالجوع بين الوجبات الرئيسية يمكننا تناول احد الاختيارات التالية بعد الاكل بساعتين أو أكثر

  • قطعة فاكهة (مسموح بواحدة فقط فى اليوم)
  • شريحة جبنة شيدر او رومى ملفوفة فى ورقة خس/جرجير
  • بيضة مسلوقة ملفوفة فى ورقة خس/جرجير
  • كوب زبادى نغمسه بورق خس او جرجير
  • زيتون أخضر مخلل

المشروبات

  • مسموح بأى مشروبات ساخنة لكن بدون أى سكر (شاى – قهوة الخ)
  • يمكن تناول مشروبات غازية خالية من السكر لكن يفضل الاستغناء عنها بالتدريج

الرياضة

ضرورى جدا فى هذا النظام ممارسة أى نشاط رياضى حتى لو كان مجرد المشى نصف ساعة – و الافضل ساعة يومياً – او حتى ممارسة تدريبات ايروبيكس فى المنزل مرتين صباحا ومساءا

مع الرياضة توقعوا ان ينخفض الوزن من 10 الى 15 كيلو خلال 3 شهور – وأحيانا أكثر – اما بدون أى رياضة ولا أى نشاط حركى فسيكون فقد الوزن اقل بكثير – حوالى 3 كيلو فقط خلال نفس المدة

ملحوظات

  • غير مسموح اطلاقا بالعيش  (ولا أى مخبوزات أو أى طعام يحتوى على دقيق) ولا الارز ولا المكرونة ولا البطاطس ولا السكر – كل الوجبات تؤكل المعلقة او الشوكة
  • الاكلات المذكورة فى الجدول مجرد أمثلة – يمكنكم تنويع الاكلات كفيما شئتم – بشرط الا تحتوى على أى من الممنوعات المذكورة فى النقطة السابقة
  • لا يوجد فى هذا النظام يوم أجازة – وجبة واحدة مخالفة تعيدنا أسبوع كامل للوراء
  • يمكن تناول خس – جرجير – زيتون أخضر مخلل مع أى وجبة طوال اليوم – ويفضل نقع الزيتون فى ماء مع تغييره أكثر من مرة للتخلص من الملح الزائد
  • استخدموا اوراق الخس والجرجير كبديل للعيش – سواءا فى الغموس او كسندوتشات وذلك بوضع الاكل فيها ثم لفها وكأنها سندوتشات سورى – سندوتشات بيض – سندوتشات شاورمة – سندوتشات هامبرج – سندوتشات جبنة وطماطم …
  • بالنسبة للبيض نستخدم 3 بيضات فى الوجبة
  • يمكن استبدال الزبدة بالسمنة البلدى فى أى وجبة
  • الزبدة يجب ان تكون زبدة طبيعية وليست زبدة من دهون نباتية – معظم الزبدة السايبة بتكون نباتية فلا تشتروها – اشتروا الزبدة المغلفة وتأكدوا انها زبدة طبيعية ولا تحتوى على دهون نباتية – حتعرفوا من سعرها – فالزبدة الطبيعية 3 اضعاف سعر النباتية – اشتروا ماركة مثل روتانا مثلا او لوربارك
  • نفس الشئ بالنسبة للسمن البلدى – ابتعدوا تماما عن شراء السمن المصنوع من دهون نباتية او زيوت مهدرجة – اشتروا فقط السمن المستورد مثلا من نيوزيلاندا – مثل ماركة افانتى – خشالة – روتانا
  • مسموح باستخدام المستردة والكاتشب والمايونيز مع أى وجبة
  • فى حالة عدم توفر زبدة طبيعية او سمن بلدى او زيت زيتون يمكن استخدام زيت دوار الشمس للتحمير والقلى – ممنوع تماما استخدام السمن او الزبدة النباتى المصنوعة من زيوت مهدرجة او دهون نباتية
  • ممنوع استخدام الجبنة البيضاء المصنوعة من دهون نباتية – مثل الفيتا ودومتى وباندا وجرين لاند وغيرها – اشترى فقط جبنة شيدر مستوردة – فان لم تجد فاشترى جبنة رومى

فوائد صحية بالجملة

التخسيس ليس الميزة الوحيدة لهذا النظام – فبعد بضعة أيام من اتباعه ستكتشف الاتى

  • اذا كنت حاليا تعانى من أى مشاكل فى الهضم – انتفاخ – امساك – ارتجاع المعدة/ارتجاع المرئ – فكل هذه المشاكل ستختفى
  • اذا كنت تعانى من السكر او ارتفاع ضغط الدم فستقترب من المعدلات الطبيعية وتصبح اقل اعتمادا على الادوية
  • اذا كنت كثير العدوى بامراض البرد والزكام واللوز واحتقان الزور – فستجد ان كل تلك الامراض ستصبح ذكريات من الماضى ولن تهاجمك مرة أخرى – الا اذا عدت الى طريقة أكلك القديمة
  • اذا كنت حاليا تعانى من الارهاق والتعب من أقل مجهود – او تشعر بالنعاس بعد الأكل – فستفاجأ ان كامل نشاطك وحيويتك قد عادوا اليك بقدرة قادر! وستلاحظ انك أصبحت مفعم الطاقة والنشاط
  • اذا كانت رائحة العرق لديك كريهة – او رائحة الحمام بعد استخدامه منفرة – فكل ذلك سيختفى
  • اذا كنت تعانى من صدور ريح كريهة تسبب لك الاحراج بصفة متكررة – فستصبح من الذكريات – بالاضافة لاختفاء التجشوء (التكريع) تقريبا – وذلك كله بفضل عدم تكون غازات فى جهازك الهضمى بعد التوقف عن تناول النشويات والسكريات
  • لو بتنام كتير حاليا وتقوم تعبان – حتلاحظ انك مبقيتش محتاج تنام كتير زى الاول – ومع ذلك تصحى فى كامل نشاطك وحيويتك
  • أى التهابات يعانى منها الجسم حاليا ستختفى او على الأقل تتحسن كثيرا – التهابات فى المفاصل – روماتيزم/روماتويد – التهابات جلدية – اورام – الزهايمر – التصلب المتعدد MS – حتى مرضى الاورام السرطانية يستفيدون كثيرا من اتباع هذا النظام

وصفات الاكل

حتلاقوا وصفات اكل صحى كثيرة ومتنوعة كتبتها لكم فى قائمة طعامى الصحى

27 تعليق

  1. ده رجيم الاكل فيه طعم جدا ومش حيخلي الواحد يجوع وكمان مش حيحس بالحرمان والتقييد اللي موجودين في الانظمة التانية ،هو صحيح ممكن الواحد يحس انه مفتقد السكر شوية لكن معلش علشان صحة افضل نتحمل بقي

    • برافو عليكى المهم البداية – مش لازم تبدأى ستركت قوى – بس مع الوقت حاولى تستغنى عن السكر خالص
      هى القهوة التركى ممكن تكون صعبة بدون سكر لكن جربى قهوة سريعة الذوبان بحليب كامل الدسم بدون ماء حتلاقيها جميلة بدون سكر ومقبولة جدا

  2. السلام عليكم .. انا مشكلتي اني نباتيه مابحبش اللحوم والدهون بس بحب جدا العيش الاسمر ..انا ممكن استغنى عن السكريات والنشويات بس هل ممكن اكل عيش اسمر عادي ؟؟؟؟

    • انا كنت نباتى زى حضرتك وبعد سنين طويلة لاحظت ان بقت تجيلى دوخة فى المخ تستمر ثوانى ، وبعدين عرفت ان دة سببه ان فيتامين ب12 مش موجود فى عالم النبات ، ويبدو ان النباتيين من شعوب اسيا تعودوا عبر اجيال طويلة فاجسامهم عدلت نفسها للتاقلم مع الاكل النباتى ، ودة مش عندنا
      للاسف نظام lchf غير متوافق مع النباتيين والاختيار لحضرتك

  3. اشكركً ياغالي ربنا يجعلو ف ميزان حسناتك انا بس ابغي من خدمة هذا رقمي ممكن اكلمك علي الوتساب او الجوال لاني اعاني من هذا المرض الثقيل هذا لي سنين ٠٠٩٦٦٥٤١٨٠٨٢٣٢ انا في انتظاركً وربنا بجزيك الخير باذن الله

  4. انا اعاني من ضيق في النفس وصعوبة وغازات وتجشؤ وامساك عند الفحص قال لي الطبيب انك تعاني من الارتداد المريئي بماذا تنصحني اخي العزيز خاصة انني ما زلت تشكو من ضيق في التنفس

  5. بسم الله
    رجاء كتابة فطار +غداء + عشاء
    و مستعد أمشي عليه علي طول
    عندي ضغط مرتفع
    عملت أسترا في القلب
    عملت ثمانية مناظير معدة و منظار قولون
    عندي مرئ إرتجاعي من سنين بآخد امبرازول و رانتيدين
    إذا ما أخدتش الرانيتيدين ضغطي بيرتفع جدا و يرجع طبيعي بعد قرص الرانيتيدين بحوالي ربع أو نصف ساعة
    برجاء كتابة نموذج للفطار و الغداء و العشاء
    و بارك الله فيكم
    مع شكري و تقديري

  6. آسف لكثرة الأسئلة
    القرحة عندي بتخليني أجوع فجأة أحيان كتير و أنا في الشارع فأشتري بسكويت بعجوة بيقوم باللازم إيه ممكن أشتريه من السوبر ماركت علشان أسد جوع القرحة والعطش ينفع معاه الكانز الدايت ولا لأ
    و شكرا جزيلا لحضرتك

    • علاج القرحة هو تخليل الكرنب او الخيار او اللفت فى البيت بطريقة البروبيوتيك والمداومة على تناوله دائما – وتوقف فورا عن شراء اى بسكوت لان كله مصنوع بدهون مهدرجة مدمرة للصحة
      ولو جعت فى الشارع اشترى زبادى او جبنة مثلثات – بس خد بالك اوعى تشترى جبنة بدهون نباتية – اشترى لافاش كيرى او بريزيدن او لبنيتا او ميلكانا فقط – باقى الماركات دهون مهدرجة خطيرة على صحتك

  7. السلام عليكم أنا أرسلت سؤال و عندما دخلت علي الصفحة لم أجده و لذلك أرسلته مرة أخري و لكني لم أعرف أني أرسلته في صفحة تانية .. فأعتذر لتكرار السؤال..و سأبحث عن إجابة حضرتك علي سؤالي في الصفحات الأخري لعلي أجده و أشكرك علي المتابعة و سرعة الرد جزاك الله بالخير في الدنيا و الآخرة ..
    مر أول يوم لي في هذا البرنامج بسلام و الحمد لله رب العالمين و فعلا وجدت تغيير شديد فأول إمبارح ليلا كان ضغطي فوق ال ١٩٥ علي ١٠٠ و كنت حأروح المستشفي من الضغط العالي و من آلام المرئ الفظيعة و لكني قررت ان أخوض في هذا البرنامج و الحقيقة من الصبح لغاية الظهر كان صعب شوية لكن بعد كده كان تمام و بعد المغرب كان فيه تغيير كبير في التنفس للأحسن صحيح فجر النهاردة جعت قوي فأكلت قطعة لحم و جبنة و قثاء و خس فشبعت الحمد لله رب العالمين ..
    نسيت أقول لك إني من إمبارح الصبح لغيت جميع الأدوية للمرئ و للقرحة و الحمد لله رب العالمين ما حسيتش إطلاقا إني محتاجها
    السؤال الآن طبيعتي كان بيحصل عندي هبوط في السكر شديد علي فترات قريبة فكنت أعمل كباية ميه بسكر و أشربها أرجع كويس في لحظتها فما العمل إذا حدثت أثناء هذا البرنامج
    و آسف للإطالة و جزاك الله خير

اترك رداً على كريمان إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.