باذنجان مقلى بالثوم والخل

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

الباذنجان المقلى من أحلى الاطعمة – وهى مناسبة جدا لمن يتبع نظام LCHF

اضغط هنا

المقادير

  • 2 كيلو باذنجان رومى
  • كوب خل
  • 4 فصوص ثوم
  • 2 حبة فلفل رومى اخضر
  • 1 قرن صغير فلفل حامى (اختيارى)
  • معلقة صغيرة ملح
  • معلقة صغيرة كمون
  • نصف معلقة صغيرة ملح صينى – جلوتامات صوديوم

الطريقة

  • نقطع عناقيد الباذنجان الخضراء ثم نغسله جيدا
  • نسخن طاسة القلى
  • نقطعه حلقات طولية – بمعنى ان مكان العنقود المقطوع يكون تحت نسند عليه الباذنجانة ونقطع حلقات بالطول من فوق لتحت (نتجنب تقطيعه بالعرض والا حيشرب زيت كتير جدا)
  • نحمر الحلقات بمجرد تقطيعها اولا بأول – بدون نقع فى ملح ولا أى شئ – يشترط فقط اننا نقطع بالطول واننا نحمر الحلقات فورا بلا ركن
  • نخرج الحلقات عندما يصبح لونها وردى – نصفيها جيدا من الزيت ونضعها فى حلة
  • نضرب باقى المقادير كلها فى الخلاط لغاية مايبقوا عصير
  • نصب العصير على الباذنجان المقلى فى الحلة – ونقلبه من فوق لتحت عشان كل الحلقات تنغمس فى العصير
  • ممكن ناكل منه فى نفس اليوم – لكن لو حطينا الحلة مغطاه فى الثلاجة – عشان الباذنجان يتخدًع فى الثوم والخل – فى اليوم التالى الطعم حيكون خطيييييييييير وما لوش حل
  • ممكن يفضل فى الثلاجة أسبوع وبكدة يبقى وجبة جاهزة فى أى وقت
  • ينفع يتعمل سندوتشات لذيذة للولاد مع لحسة جبنة بيضاء
  • انا شخصيا بآكله بالشوكة مع هامبرجر مشوى بطريقتى المفضلة وحلقات الطماطم وعيدان الجرجير الطازجة – بتبقى وجبة مشبعة تماما التمام
لو الموضوع نال اعجابك اضغط هنا لدعم الكاتب (جزاكم الله خيراً)

2 تعليقان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *