اللحم البرازيلى المجمد هو البديل الارخص والافضل للحم البلدى فى مصر – لكن اسعاره ترتفع بسرعة غريبة – كان دائما السعر ثابت عند الكيلو ب28ج لسنوات طويلة – ثم بدأ منذ سنتين تقريبا فى الاتفاع التدريجى على استحياء – فاصبح 29ج ثم 30ج ثم 32ج – وفجأة ارتفع منذ ايام الى 37ج واليوم ارتفع مرة أخرى الى 39ج قبل عيد الأضحى باربعة ايام فقط
باعة اللحم البرازيلى يرجعون الزيادات المتسارعة الجنونية الى الدولة التى قررت فرض ضرائب على اللحم البرازيلى – بعد أن كان معفى من الجمارك لكونه سلعة لمحدودى الدخل – لكن يبدو ان الحكومة اصبحت تركز نشاطها الان على المواطن الغلبان وتفرغت لنشاط اساسى واحد: جباية الضرائب – بشكل فاحش لم نراه من قبل – ولم تسلم حتى لحوم الغلابة فى العيد من جبروت الحكومة – ولا يبدو ان هناك اى بادرة لوقف هذا الهجوم على الغلابة – اذ تدفع سياسات الحكومة الناس دفعا الى الدخول تحت خط الفقر بمعدلات مخيفة والمسئولين لا تشغلهم هموم الفقراء ولا أناتهم – بل كل ما يفكرون فيه هو الجباية ومزيد من الجباية كل يوم
لكن يظل اللحم البرازيلى الخيار الافضل – ليس فقط لمحدودى الدخل – لكن للمصرين بصفة عامة – فاسعار اللحوم البلدى اخرجتها من المنافسة اصلا ولم يعد قطاع عريض من المستهلكين يفكر فى الاقتراب منها – بعد ان تخطت حاجز ال70ج للكيلو – بل ان بعض القطعيات تخطت ال100ج – علاوة على ان اللحم البرازيلى صحى أكثر فالبرازيل كلها مراعى خضراء والابقار البرازيلية ييهافت كل دول العالم المتقدم على شراءها لمواطنيها لجودتها العاليو ولوجود رقابة صحية صارمة فى تربيتها وتغذيتها ورعايتها الصحية ولحمومها خالية من الهرمونات والملوثات والامراض التى كتيرا ما تصيب مواشينا الغلبانة الهزيلة فى مصر التى يوجد فيها كم مرعب من الاهمال فى الرعاية البيطرية وفى قذارة السلخانات والرقابة الهشة على الاعلاف المهربة والهرمونات الضارة التى يغذونها عليها
طيب ايه راى حضرتك فى الدواجن البرازيلى هى بتتباع هنا فى الخليج هل اشترى البط او الرومى البرازيلى
الدواجن البرازيلى فى الخليج متاحة أكثر من مصر – فمثلا فى مصر مفيش صدور فيليه برازيلى أو أى قطعيات دجاج (دبوس – وراك – الخ) لكن فى الخليج تقدرى تشترى كل دة بسهولة – فى مصر لو عايزين نعمل فراخ بانيه مثلا لا يوجد أمامنا غير الفيليه المصرى من فراخ تغذت على الهرمونات وحبوب منع الحمل – ربنا يستر على ولادنا – لذلك بنشتريه مضطرين ومتضررين تحت الحاح على فترات متباعدة ونادرة
لم أجرب البط او الرومى البرازيلى – لكن أعتقد أنه سيكون بنفس جودة الفراخ من الناحية الصحية
شكرا على الرد حضرتك عندك حق الفراخ المصريه مليانه هرمونات والهرمونات دى بوظت الدنيا بس لازم يكون فيه حل للموضوع ده فعلا استفدت جدا من صفحه حضرتك
وماداراك ان اللحوم المستوردة اصلا من البرازيل او اصلا صالحة للاستهلاك الادمى
طب نورنا يا استاذ طه – هل عندك معلومات تثبت انها مش من البرازيل؟ وعندك كمان معلومات انها غير صالحة للاستهلاك الادمى؟
انا باشترى اللحم البرازيلى صحيح ومغلف تغليفه الاصلى وعليه بيانات المصدر والمستورد وتاريخ الانتاج ونهاية الصلاحية واسم السلخانة وعنوانها فى البرازيل – عندك ما يثبت عكس ذلك؟
هل اللحمة البلدى اللى بتشتريها عليها أى بيانات مماثلة؟ هل تعرف اندبحت فين؟ هل تعرف تاريخ الذبح؟ هل تعرف تاريخ انتهاء صلاحيتها؟ هل الجزار بتاعك بيديلك مع اللحمة البلدى شهادة بصلاحيتها للاستهلاك الآدمى – او حتى شهادة بخلوها من الامراض وسموم المبيدات والهرمونات الضارة والاعلاف المختلطة بالدم وبقايا وأحشاء حيوانية لسرعة التسمين؟
ملايين المستهلكين المصريين بالاضافة لبقيه دول الكوكب اللى بتشترى نفس اللحم البرازيلى كلهم فى تلهف انتظارا وترقبا للمعلومات اللى عند سيادتك.. دة لو عندك حاجة تقولها
طيب حضرتك بتجيبه اكتر مكان مضمون فين اصل الصراحه انا كنت بجيب من اولاد رجبو قرفت منهم الصراحه؟؟؟
جرب المحلاوى حضرتك ساكن فين؟
الهرم