جداول حساب شهرى لتاجر التموين

Posted by on

آخر تحديث : 09-07-2018 الساعة 02:55 م

بناءا على طلب السادة تجار التموين – قمت بتصميم جداول حسابية تساعدهم على الاتى

  • جدول يسجل فيه التاجر ارقام بطاقات زبائنه ويحسب لكل زبون ما سيدفعه بعد اختيار السلع التى يريدها وعدد كل منها – هذا الجدول يغنى عن الالة الحاسبة التى قمت بتصميمها لكم سابقا – وهو اكثر فائدة للتاجر لانه يحسب لكل زبون حسابه وفى نفس الوقت يحفظ كل عمليات البيع على جهاز التاجر
  • جدول يدخل فيه التاجر البضاعة التموينية التى يستلمها اولا باول – ويوضح له الجدول المخزون السلعى من كل صنف – بناءا على مايتم استلامه وايضا بناءا على المبيعات لحظة بلحظة – أى ان كل عملية بيع تغير من ارقام المخزون السلعى اولا باول
  • جدول جرد يومى يوضح للتاجر عدد السلع التى تم بيعها من كل صنف بصفة يومية – وكذلك الحصيلة النقدية لمبيعات اليوم – كما يوضح له اجمالى حصيلة المبيعات واجمالى الاعداد المباعة من كل سلعة خلال الشهر كله
  • اذا اردت الاحتفاظ بجداول حسابية مستقلة عن كل شهر – قم بعمل نسخة من الملف اللى حتنزله من هنا – وسمى النسخة باسم الشهر الحالى – وخلى الملف الاصلى فاضى بدون ادخال بيانات فيه – عشان كل شهر تعمل برضه منه نسخة جديدة فاضية تسميها باسم الشهر الجديد وهكذا
  • لا تنسى عند بدء العمل بلمف شهر جديد ان تدخل أولا تاريخ الشهر فى صفحة الارشادات – وايضا تدخل الاعداد المتبقية فى مخزنك من الشهر السابق تحت كل صنف فى جدول المخزون السلعى (اذا كانت عندك سلع متبقية)
  • الجداول يتم تدوين تواريخ عمليات البيع فيها تلقائيا – لذلك تأكد من أن التاريخ فى جهازك مضبوط

لاستخدام الجداول تحتاج الى تنزيل البرنامج المجانى التالى: LibreOffice Portable 

لتنزيل جداول حساب تاجر التموين تتسع لعدد 5000 بطاقة تموينية اضغط هنا

تحديث:

بناءا على طلب السادة التجار تم تحديث الملف ليستخدم مبالغ الدعم الجديدة – 50ج لاول 4 افراد و20ج لبعد الرابع
وكمان عزيزي التاجر تقدر فى المستقبل تعدل بنفسك هذه المبالغ لو الوزارة غيرت المبالغ المخصصة للأفراد
وكمان خليت الباسورد فاضية عشان تقدر ترفع الحماية وتعدل اسعار السلع اولا بأول كلما احتجت لذلك

لتنزيل الملف المعدل اضغط هنا

اما ان كنت تاجر تموين تتعامل فى عدد قليل من السلع – وتتعامل فى حدود 1000 بطاقة تموينية او أقل –  او لو تجارتك فى سلع أخرى غير تموينية – وتفضل ان تستخدم جداول فاضية وتكتب انت بنفسك اسماء الاصناف واسعارها وربح كل منها فيمكنك الضغط هنا

27 Comments

  2. بالنسبة للجدول اللى تحت عندما نريد تنزيله ينقلنا الى صفحة تقول العنوان خطا وتطلب ان نضغط على ايقون اضغط هنا فنجدها اعادتنا مرة اخرى لنفس الصفحةوهكذا الرجاء وضع رابط للجدول بتاع السلع قليلة العدد نستطيع من خلاله تنزيل الجدول لانه سينفعنا لان عدد السلع المطروحة اقل من السلع اللى فى الجدول مما يجعلنا نبحث فى اكثر من 30 سلعة فياخذ وقت اكثر وشكرا لحضرتك

    رد على هذا التعليق << to this comment

  3. شكرا يا حاج محمد وكل عام وانتم بخير
    بكتب لك استفسارات والكتابه لم تظهر ولم يتم الرد عليها وكمان كما قال الاخ ناصر ان :
    بالنسبة للجدول اللى تحت عندما نريد تنزيله ينقلنا الى صفحة تقول العنوان خطا وتطلب ان نضغط على ايقون اضغط هنا فنجدها اعادتنا مرة اخرى لنفس الصفحةوهكذا الرجاء وضع رابط للجدول بتاع السلع قليلة العدد نستطيع من خلاله تنزيل الجدول لانه سينفعنا لان عدد السلع المطروحة اقل من السلع اللى فى الجدول مما يجعلنا نبحث فى اكثر من 30 سلعة فياخذ وقت اكثر وشكرا لحضرتك)
    ودا من اكثر من يوم
    ياريت لو جدول يتسع لعدد 1000 بطاقه فقط لان الملف بطىء جدا
    وكمان زيادة مساحة رقم البطاقه التموينيه ليتسع رقم مكون من 12 عدد
    شكرا لحضرتك

    رد على هذا التعليق << to this comment

    • دا اللى بيظهر عند فتح الرابط
      الرابط ده مش موجود للأسف – ممكن تكون الصفحة هنا بس عنوانها إتغير
      إذا كانت الناس نفسها بتتغير – والدنيا بتتغير – يبقى عنوان صفحة مش حيتغير؟
      ممكن تكون الصفحة اللى بتدور عليها هنا – إن شاء الله حتلاقيها
      بس قول بسم الله الرحمن الرحيم .. وبعدين : إضغط هنا

      رد على هذا التعليق << to this comment

    • كما ذكرت للاخ ناصر تم تصحيح الخطأ فى الرابط امس
      وقمت اليوم بتنفيذ طلبك وصغرت الملف ليتسع لعدد 1000 بطاقة بدلا من 5000 – ودة حيخليه اسرع باذن الله
      بس عايزك تعيد تنزيل برنامج LibreOffice من الرابط الحالى فوق – لان دى نسخة جديدة حتخلى استخدام الجداول افضل ويوفر وقتك اثناء الحساب وتسجيل اعداد السلع – وعلى فكرة النسخة الجديدة دى portable يعنى تقدر تاخدها معاك على فلاشة وتشغلها من اى كمبيوتر او لاب توب حتى لو مش جهازك – ومش بتحتاج تنصيب – وحجمها اصغر فى التنزيل

      وبالنسبة لردودك السابقة فلم اراها – على فكرة لو حد كتب حرفين متكررين 3 مرات ورا بعض الرد لا ينشر تلقائيا – ودة عشان امنع الناس اللى بتكتب مثلا كلمة زى “مشكو و و و و و و و و و و و و ر” او اى كلمة شبيهة فيها حروف متكررة بلا داعى – فحاول تتجنب تكرار الحروف عشان اقدر اشوف ردودك – اما لو كان مش دة السبب فمش عارف الحقيقة ليه لم اعثر على اى رد منك طوال اسبوع – مع ان يستحيل ان يمر اى رد فى الموقع دة من اى حد من غير ما أقراه واهتم بيه

      رد على هذا التعليق << to this comment

  6. كل عام وحضرتك بخير ياحاج محمد بمناسبة عيد الاضحى اعادة الله عليكم وعلى الامة الاسلامية بالخير واليمن والبركات اللهم اجمعنا بكم فى العام القادم على صعيد جبل عرفات ان شاء الله , تقبل اللهم منا ومنكم صالح الاعمال ,,,,,,,,,,

    رد على هذا التعليق << to this comment

  9. السلام عليكم يا حج محمد ارجو الرد ضروي لأهميه الموضوع
    حضرتك انا لو فضلت اشكرك علي تعبك من هنا الي ان يحين الاجل مش هيكفيك تعبك
    ارجو مساعدتي في فتح التعديل علي الخانات المحميه لأن دعم الفرد اختلف في التموين
    ولم اجد اي طريقه للتواصل معك شخصيا حتي لو برقم تليفون وشكرا علي الاهتمام

    رد على هذا التعليق << to this comment

    • اشكرك على كلماتك الطيبة وانا باكون سعيد جدا لما اعرف اني قدرت اخدم أى أخ لوجه الله
      واشكرك على تنبيهي بالتعديلات اللازمة
      ستجد بالاعلى ملف معدل كما طلبت
      وياريت تبلغنى بأى تعديلات أخرى تريدها
      وربنا يبارك لك

      رد على هذا التعليق << to this comment

      • انت من تستحق الشكر يا حج محمد ولا احد ينكر هذا المجهود الرائع
        نتمني ان نتعرف عليك شخصيا سيكون من عظيم الشرف لنا
        الرجاء المساعده في هذا الموضوع لأني اواجه نفس المشكله
        ولا نحب ان نثقل عليك اكثر من ذلك تحياتي لك

        رد على هذا التعليق << to this comment

        • تحت امرك يا اخي العزيز
          انا بالفعل قمت بتحديث الملف ودلوقتي لو نزلت النسخة الجديدة حتلاقي فيها مبالغ الدعم الجديدة – 50ج لاول 4 افراد و20ج لبعد الرابع
          وكمان تقدر فى المستقبل تعدل بنفسك هذه المبالغ لو الوزارة غيرت المبالغ المخصصة للأفراد
          وكمان خليت الباسورد فاضية عشان تقدر ترفع الحماية وتعدل اسعار السلع اولا بأول كلما احتجت لذلك
          وبرضه لو لقيت اي شئ آخر محتاج تعديل انا تحت امركم دايماً
          وتأكد انني اكون فى غاية السعادة عندما يطلب مني حد أى خدمة اقدر اقدمهاله لوجه الله – فلا تتردد في طلب أى تعديل في أى وقت
          مع تمنياتي لكم بالتوفيق وسعة الرزق الحلال باذن الله

          رد على هذا التعليق << to this comment

          • مشكور جدا اخي الفاضل ولكن انا قمت بتحميل نفس لتاجر تموين مرن ولم يحدث اي تغيير عفوا علي الازعاج ولكن هذا ما حدث الرجاء وضع الرابط الجديد في تعليق وشكرا

          • شكرا جزيلا لحضرتك تم التعديل على ملف التاجر الكبير ولكني اريد التعديل على ملف التاجر المرن وأيضا انه محمي كما هو وأريدك أن تضع قيمه الفرد 50حتي الرابع وبعد الرابع 25وليس عشرون واني اعتذر إذا كنت قد ارهقتك كثيرا وشكرا
            01270799986 للتواصل

اترك رداً على رامى نجم إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.