آخر تحديث : 14-06-2015 الساعة 05:47 ص
منظومة الخبز الجديدة تسمح لآى مواطن لا يشترى كل حصته الشهرية من الخبز – ان يحصل على بدل نقدى يستخدمه فى الحصول على سلع تموينية يصرفها مجانا من بقال التموين – قدره 10 قروش عن كل رغيف لم تشتريه
ولكى تعرف كل شهر مقدار البدل النقدى الذى حققته من توفير شراءك للخبز – صممت لكم جدول بسيط يجسبها لكم
لاستخدام الجدول الان اون لاين اضغط هنا
للتوضيح
انا عندى مشكلة تم طباعة ريسيت الخبز عشان اصرف نقاط الخبز
مكتوبة فيه تم سحب275 رغيف والمتبقى 500 عملين 2.50 جم
الارقام دى مش مظبوطة – المفروض الفرد له 150 رغيف فى الشهر – يعنى لو الاسرة 4 افراد يبقوا 600 رغيف – ولو 5 افراد يبقوا 750 رغيف – ولو ستة يبقوا 900 رغيف – لكن 775 رغيف دى تيجى ازاى ما ينفعش – ياريت حضرتك تراجع الايصال مرة ثانية او تصوره لنا
انا عندى مشكلة تم طباعة ريسيت الخبز مكتوبة فيه 840 رغيف المبلغ 36.50 مش فاهم حاجة المفروض يكون 84 جم
أريد دراسة جدوى عن فتح بقالة تموين واريد معرفة هل يوجد مشاكل كثيرة فى التقديم على اعتماد تاجر تموينى وعند فتح البقالة هل ساشترى البضاعة من معى ثم اصرفها للمواطن واحصلها ام يتم تسليمى السلع واقوم ببيعها برجاء معرفة كل التفاصيل بدقة اشكركم
تفضل التفاصيل تجدها فى الروابط التالية:
http://www.msit.gov.eg/mss/ar-eg/ourservices/%D8%A7%D9%84%D8%AA%D8%A7%D8%AC%D8%B1%D8%A7%D9%84%D8%AA%D9%85%D9%88%D9%8A%D9%86%D9%89.aspx
http://www.vetogate.com/1291625
http://moheet.com/2015/01/27/2208141/%D9%83%D9%8A%D9%81-%D8%AA%D8%AD%D8%B5%D9%84-%D8%B9%D9%84%D9%8A-%D8%B1%D8%AE%D8%B5%D8%A9-%D8%A8%D9%82%D8%A7%D9%84-%D8%AA%D9%85%D9%88%D9%8A%D9%86%D9%8A%D8%9F.html#.VWn18fmqqko
http://mssg.own0.com/t17-topic
شكرا لاهتمام حضرتك عاوز بس اتاكد من شرط انى اجمع بطاقات تموينية . فية مواقع بتقول اتلغى وفية لاء اى منهم الصحيح وجزاك الله كل خير
عاوز اعرف لو حد هنا تاجر تموينى بالفعل عند فتح البقالة هل ساشترى البضاعة نقدا من معى ثم اصرفها للمواطن واحصلها ام يتم تسليمى السلع واقوم ببيعها برجاء معرفة كل التفاصيل بدقة اشكركم
صباح الخير
صرف نقاط الخبز من يوم 1 الي يوم 10 في الشهر
وهل صرف الخبز من اي مكان ام في مكان اقامتى
ولكم جزيل الشكر
شكرا على المعلومة
وبالنسبة للسؤال تقدر تصرف الخبز من اى مكان داخل نفس محافظتك
برجاء الإفادة لماذا يتم حساب فرق النقاط عن كل رغيف خبز عشرة قروش فقط بالرغم من صاحب المخبز يتم حسابه عن كل رغيف خبز تقريبا ٣٣ قرش أليس من حق المواطن استرداد نفس القيمة التى يأخذها صاحب المخبز على اعتبار ان المواطن اصلا هو صاحب الحق فإذا. لم يأخذه من المخبز كسلعة يأخذه كاملا بدلا من صاحب المخبز صح او انا مخطئ او مش فاهم ممكن حد يفهمنى الموضوع ده مشكورين اخوانى الأعزاء
حضرتك بتتكلم وكأنك فى دولة محترمة بتراعى حقوق مواطنيها – لكن الحقيقة انت فى مصر – حيث المواطن مسحوق من جميع قطاعات الدولة بلا استثناء – والحكومة مش عاملة نظام نقاط الخبز عشان سواد عيونك – وانما عشان مصلحتها هى – وهى خطوة نحو رفع الدعم كلياً – فبدلا من ان تدفع الحكومة 33 قرش لصاحب المخبز تدفع لك انت 10 قروش وتلهف هى 23 قرش – بل انها تضع عراقيل كثيرة امام صرفك حتى للعشرة قروش – فمثلا يضيعوا عليك بعد يوم 5 فى الشهر – عشان كل الناس تتكدس على البقال مرة واحدة مثل يوم الحشر على امل انك تتعب وتروح بدون صرف شئ – وهو ما يحدث بالفعل مع كثيرين خصوصا المرضى وكبار السن – ويضيعوا عليك لو لم تصرف خبز طوال الشهر – ويمكن بعد كدة يضيعوا عليك لو هرشت اكثر من 3 مرات فى الشهر – واحيانا يحسبوهم لك 5 قروش بدلا من 10 – واحيانا يخنسروا فى عدد النقاط وتفاجأ بانها نصف ماتستحق وربما ربعه ومتعرفش تشتكى – ففى مصر “الشكوى لغير الله مذلة” سياسة حكومية عريقة
مش عارف حضرتك لاحظت وللا لأ لكن هناك حقيقة واضحة كالشمس ملخصها أن الغلبان فى البلد دى بيتهرس هرساً وبيتفرم فرماً وليس له أى شئ يتعلق بكلمة “حقوق”.
لو عايز حقوق سافر سويسرا – حتعيش ملك – واهو كدة توفر للحكومة ال33 قرش كلهم ياعم.
ياحج محمد ليه بس التشاؤم الشديد ده بصراحه فيه سلبيات اه وحاجات مش مفهومه اه بس ادينا بنحاول لأن فعلا فيه شوية تغيير يعنى احنا فين وقبل ٢٠١١ موضوع تانى خالص اصلا بصراحه ماكنتش يشترى خبز مدعم اصلا لانى والله وأقسم بالله اصحاب المخابز كانوا يعاملوننا كأننا عبيد عندهم اولا خبز سيئ جداً نفس الطيور والحيوانات كانت تستعفف ان تأكله مش البنى آدمين ومعامله سيئة من اصحاب المخابز وزحمه لا لا لا الان الوضع مختلف بس بصراحه حاسس ان السرقة انتقلت من اصحاب المخابز للوزارة نفسها زى ماقلت فى رسالتى السابقة يعنى ايه أكون انا المواطن صاحب الدعم الأصلي أخد مقابل كل رغيف عشرة قروش وصاحب المخبز بأحدهم برضه عن نفس الرغيف ٣٣ قرش مش فأهمها دى بجد طيب ليه مأخذ ش ال ٣٣ قرش نقداً وأحط عليهم ال ٥ قروش واشترى من اى مكان يريحنى حتى لو هازود اكتر مقابل خدمه أفضل وبلاها مخابز ومنظومة من اصله ولا انت مش معايا ف الاقتراح ده انا شايف انه أفضل بكتير والدقيق حر والتنافس بين اصحاب المخابز هايكون لصالح المواطن دا برضه رأى قابل للنقد والمناقشة وأهو كلها أفكار للقضاء على ( منظومة ) الفساد وربنا يكتب لمصر كل خير يارب ومشكور جداً على اهتمامك وردك
يا أدمن الصفحة هو تعليقى الأخير ليه مانزلش ممكن اعرف
هل الرد كتبت فيه كلمة تحتوى على احد الحروف بطريقة متكررة؟
انا لقيت تعليقك وحذفت لك الحروف المتكررة عشان يقبل النشر
اخى حاج محمد انا عاجز عن الشكر وبجد ماخدتش بالى خالص ان فيه حروف مكرره المهم أنى لم أكحل عينى بعد بردك على الكلام اللى قلته ولا انت ايه رأيك بجد بيسعدنى جداً اقرأ لك كلامك جميل وآرائك ممتازة
رأيى قلته لحضرتك – ومن حقك تقبله او ترفضه طبعا وتعتبره تشاؤم
الحكومة لا تضع فى اعتبارها من الاساس مصلحة محدودى الدخل – وبالتالى اقتراحك لايمكن تطبيقه الان
اخى حاج محمد هو انت مسؤل الموقع هنا انا مش عارف ازاى قدرت توصل لتعليقى وتحذف الحروف المكررة أرجو ان أتعرف على حضرتك ممكن ولو عبر الموقع هنا مش لازم تعارف شخصى ممكن
يا عزيزى انا مجرد مواطن بسيط متقاعد واحب اقضى وقتى فى مساعدة الناس على قدر استطاعتى – وهذا يسعدنى جدا
صباح الخير
هل نقاط الخبز للازم افتح الشهر بجنية ام اكثر وهل الشهر دة فية زيادة رمضان
فعلا لازم تشترى خبز مرتين وللا حاجة فى الشهر عشان يحسبولك باقى نقاط الشهر
والشهر دة فيه زيادة 7ج لكل فرد اتصرفوا بالفعل مع نقاط الشهر السابق اللى اتصرفوا من 1-6 الى 5-6
شكرا علي الاهتمام
نحن من سوهاج وسوف نسافر الى مرسى مطروح لمدة شهر فهل نستطيع صرف ( الخبز )و( نقاط الخبز ) من مرسى مطروح ام لا
الصرف يتم فى محافظتك فقط
من فضلك انا عدد الافراد ٤فى البطاقه منهم اخويه ميش بياخد عيش طول الشهر عوزة اعرف حصته فى النقط كام علشان مشيلش ذنبه ارجوا الافادة من فضلك وزوجى حاول يعمل بطاقه علشان ينقلنى انا واولادى بس اترفضت ممكن اعرف ليه
الفرد له 5 ارغفة فى اليوم يعنى 150 رغيف فى الشهر لو لم يصرفهم الحكومة بتصرف له 10 قروش عن كل رغيف يعنى 15 جنيه فى الشهر
وبالنسبة لزوج حضرتك هل دخله الشهرى اكثر من 1500ج ؟
السلام عليكم
من فضلك لو لم اقم بصرف اى رغيف عيش خلال الشهر هل لى الحق في صرف بدل نقاط العيش الشهر التالى ؟
شكرا جزيلا
طبعا – حضرتك ليك 150 رغيف لكل فرد فى شهريا – مالم تصرفه يتحول الى نقاط تشترى بيهم فى الشهر التالى أى سلع من أى فرع من فروع فاميلى ماركت او البقال التموينى
كل رغيف لم تصرفه يتحسب لك ب20 قرش
لكن يشترط ان تكون قد اشتريت أى خبز خلال الشهر – اما اذا لم تشترى خالص تضيع عليك نقاط الخبز
هل اليوم اللى بيعدى من غير م اخد عيش بيروح عليا كعيش ويضاف كنقاط وهل ينفع اخده عيش قبل نهايه الشهر مع العلم ان المخبز اخره 3 ايام يديك بيهم عيش بس انا مش فاهم ال3 ايام دول من المجمل ولا بالتحديد 3 ايام عدوا ولا 3 ايام جايين
مفيش حاجة بتروح عليك – رصيدك من نقاط العيش بيتحسب فقط آخر الشهر – وبالفعل اقصى صرف 3 ايام فقط فى المرة الواحدة – يعنى مينفعش تصرف اللى سبته الا كنقاط خبز – والمتبقى حيبقى رصيدك من نقاط آخر الشهر – وتقدر تتابع فاضل لك كام رغيف الشهر دة من كل ايصال من ماكينة العيش
مكتوب فى ورقه العيش الارغفه المصروفه والنقاط المستحقه وباقى الحصه ايه هيه بقى النقاط المستحقه دى ﻻنها بيتخصم عيش ومبنخدهوش
لو سمحت الله يكرمك انا متجوزة من سنه وتموينى لسه مع اهلى وخايفه انقل نفسى يمنعو منى التموين اعمل اىى…وكمان عاوزة اعرف انا وجوزى هيجيلنا سلع قد اى ف التموين والعيش
السلام عليكم
هو مبلغ فرق الخبز بنشترى بيه سلع بتمنها العادى
ولا سلع مدعمة لان العيش اللي لم احصل عليه كان عليه دعم
يعنى مثلا اجيب كيلو الارز ب ٢ جنية زى ما بتشتريه من المخبز بدل الخبز
مبلغ فرق العيش بتشترى بيه سلع مدعمة
زى ما في بعض المخابز لو لك ٢ جنية تاخد بيهم كيلو ارز بدل الخبز ولا بسعر السلع العادى