آخر تحديث : 05-09-2014 الساعة 11:38 م
صممت لكم جدول اكسيل يساعدكم بسهولة على اختيار السلع التموينية ويحسب لكم المطلوب دفعه بدقة – أدعوكم أعزائى المواطنين لاستخدامه قبل التوجه لبقال التموين لمعرفة كمية السلع التى يسمح بها مبلغ الدعم المخصص لكم – حتى لا يضطروا الى دفع مبالغ زائدة (الا لو كنتم تريدون سلع اضافية ومستعدين لدفع زيادة) الجدول مصمم باستخدام برنامج LibreOffice Calc – يمكنكم تنزيله على جهازكم وفتحه باستخدام البرنامج المجانى لتنزيل LibreOffice مجانا اضغط هنا
او يمكنكم استخدام الجدول اون لاين من خلال الموقع بدون حاجة الى تنزيله ولا استخدام أى برامج – وسيكون بهذا الشكل: 
ملحوظة: تم خفض سعر السكر بدئا من سبتمبر 2014 – وقد تم تعديل الالة الحاسبة بالسعر الجديد
فى الصورة يظهر مثال لاستخدام الجدول: مواطن أدخل عدد الافراد 5 فظهر له فى خانة رصيد البطاقة مبلغ 74ج (لانه يتم خصم 1ج خدمات الكترونية ) ثم اختار هذا المواطن:
- 5 كيلو سكر قصب
- 5 كيلو زيت تموينى
- 2 كيلو دقيق
- 4 مكرونة 800جم
هذا المواطن استفاد من كل الدعم المخصص له ولم يترك شئ من حقه – لذلك يظهر 0.00 فى خانة “الدعم المتبقى” ذات اللون الاحمر أما الخانة الصفراء فيظهر فيها مبلغ 6.75ج وهو المبلغ المطلوب دفعه – وهو نفس المبلغ الذى سيظهر فى ايصال ماكينة التموين – اطلبه من البقال ولا تدفع أى مبلغ يزيد عن ذلك تحت أى مسمى أو سبب بعد تنزيل الملف وفتحه – ابدأ أولا بكتابة عدد افراد البطاقة – فى أول خانة يمين فوق – ثم ابدأ فى كتابة عدد السلع التى تريدها – ستلاحظ أن الملبغ المتبقى يقل – استمر فى اضافة سلع أخرى حتى يصل مبلغ الدعم المتبقى لك الى صفر – وسيظهر لك فى الخانة الصفراء المبلغ الذى عليك دفعه للبقال بالضبط – لا تدفع أكثر من هذا المبلغ وأطلب ايصال ماكينة التموين من البقال ستجد ان المطلوب دفعه هو نفس المبلغ الذى ظهر فى الجدول كما أدعو السادة بقالى التموين الى استخدام هذا الجدول لمساعدة زبائنه على التوصل الى اعداد السلع المناسبة لقيمة الدعم المخصص لكل بطاقة
يمكنكم الآن استخدام الجدول مباشرةً بالضغط هنا
أو لتنزيل الملف اضغط هنا
ارغب في عمل برنامج يربط بين جدول حساب السلع مع جدول المخرون
بمعني الرابط ده : http://my2cents.gawaher.com/live-virtual-classes/7795-2
مع الوارد والمنصرف
الجدول دة فعلا معمول جاهز هنا:
http://my2cents.gawaher.com/7761
اولا جزاكم خيرا علي مجهوداتكم ثانيا قمت بتنزيك الملف السابق وهو رائع مطلبي هو برنامج اكسل يربط الاسعار المقررة كما هو موضح وربطه بالمخزون بمعني انا موجود في المخزن 1000 كيلو زيت وقمت باستخدام البرنامج السابق كيف اعرف المخزون من الزيت عندي لو في الامكان التواصل معكم
الملف يحتوى على 2 شيت – واحد للوارد وواحد للصادر
فى جدول الوارد بتقيد اعداد العبوات وتاريخ دخولها المخزن
وفى الشيت التانى بتكتب اسماء زبائنك وبعدين كل ما واحد تصرف له تقيد الاعداد اللى بعتهاله تحت كل سلعة
حتلاقى رصيد السلع بيقل مع كل بيعة وبيوضح لك المتبقى كام عبوة فى المخزن
بس لازم الاول تسجل اسماء كل زبائنك – وكمان هل حيكون عندك موظف يتخصص فى تقييد عدد السلع اللى اتباعت بعد كل بيعة؟
هل شفت الاثنين شيت دول؟ دة اللى انت عايزه وللا حاجة مختلفة؟
لطاقتى من 9 افراد وصرفت ب 3 ونص خبز ورحت اصرف نقاط الخبز من البقال اعطانى ب 87 جنيه سله هل هذا صح ام فى خطأ وطبعا مبيرضاش يدى ورقه بالحساب
مع انى الشهر الماضى اخدت اكتر من كده خبز وكانت نقاط البقال اكتر عكس الشهر ده ارجو الرد وشكرا
9x5x30=1350
3.50/0.05=70
1350-70=1280
1280*0.10=128
حضرتك ليكى 128 جنيه – يعنى البقال سرق منك 41 جنيه
لازم تبلغى عن هذا اللص السارق – اتصلى بالخط الساخن 19280 وبلغى عنه
مش عارف ازاى بتقبلوا تمشوا من غير ما تستلموا ايصال الماكينة من البقال
مش حضرتك بس – ملايين من المصريين بيرضوا يمشوا كدة
لو كلنا اصرينا ناخد الايصال ميش حرامى جيقدر يسرقنا تانى
المشكلة دى حتخلينى اعمل لكوا الة حاسبة تحسب لكم ليكم كام بالظبط متبقى من رصيد العيش على البطاقة
ياريت يبقى جزاك الله خيرا لو عملت اله حاسبه للمتبقى من نقاط العيش
يا اخى كل ما حد يطلب الايصال بعلو صوته يقول الى مش عجبه يحول البطاقه من عندى
ايه حلها فى الضمير الى مات
انا والله محروق دمى لانى شكيت ان ممكن يكون فى خطأ راح على صوته وهالى قو ده الى متسجل عندى اعملكو ايه وكأنه بيشحتنا من جيبه حسبى الله ونعم الوكيل
لو كان صادق كان سلمك الايصال – لكن عشان عارف ان الايصال حيفضحه بيرفض – انا لاحظت ان البقالين معدومى الضمير دايما بيلجأوا للصوت العالى وقلة الادب عشان المواطن يقصر الشر ويسكت حتى لا يتعرض لقلة ذوقه والفاظه الغير محترمة – واحيانا يفتعلوا الصوت العالى والشتائم عشان باقى الطابور يتجنب مناقشته لما ييجى عليهم الدور
الحل بح صوتى من تكراره – ان تقوم الحكومة بالغاء نظام البقالين التموينيين وتسلم كل مواطن الدعم المخصص لبطاقته نقدا – والمواطن حر يشترى من المكان الافضل له معاملةً وسعراً – وفى هذا وفر للحكومة بدل المخازن والنقل والموظفين والفاقد والتالف من السلع – والمواطن سيستفيد ويشترى أرخص من السوق وعروض الهايبرات
ياريت يبقى جزاك الله خيرا لو عملت اله حاسبه للمتبقى من نقاط العيش
والحل ان يبقى فى اكتر من مكان اخد منه السلع المكان الى ميعجبش المواطن من حقه يغيره خصوصا نقاط العيش لان مبتبقاش معروف ثمنها للمواطنين
اتفضلى الالة الحاسبة من هنا:
http://my2cents.gawaher.com/8125
لا حول ولا قوة الا بالله والله للاخر كنت مستحرمه اشتكى البقال
الاله الحاسبه الى حضرتك عملتها ظهرت ان ليه ب 131 جنه سلع فرق العيش
كل ده سرقه !!!!!! حسبى الله ونعم الوكيل
ومن غير ما حد يفهمنى غلط حرقة الدم مش علشان الفلوس بس ليه مستكترين علينا الخير الى جايلنا ولما بطاقتى سرق منها 41 جنيه يبقى بيطلعلو كام من السرقه ده علشان كده ربنا عمره ما بيبارك لا فى ناس بينا بالاشكال ده
وتفتكر لو اشتكيت يجيلى وييجى لباقى الناس حقها ؟؟؟
والله لو متاكده هشتكى انا بعت رساله على 6888 لتنشيط البطاقه وعلشان اعرف ليا كام بس للاسف ما جالى الرد للان
حاولت تنزيل الملف يعطينى لم يتم التعريف على هذا الملف برغم انه بيظهر على برنامج الاكسيل . اما ان يكون البرنامج تالف او شئ ىخر
ارجو اهتمامك الشخصى
شكرا جزيلا ولدى العزيز
حضرتك نزل البرنامج المذكور LibreOffice وافتح الملف من خلاله