لو اشتركت فى حاجة على النت بيبعتولك ايميل به اسم المشترك وكلمة السر – الباسورد – لكن كتير بندخل ونغير الباسورد – وبعد مدة طويلة ممكن ننساها فنرجع للايميل نلاقى الباسورد القديمة مش الجديدة – فى مواقف زى كدة بتقول يا سلام لو فيه طريقة نضيف بها كلام الى الايميلات اللى بتجيلنا تفكرنا بحاجات زى كدة – صح؟

الحل بسيط وموجود فى جيميل نفسه – دون حاجة لاستخدام اى اضافة extension او برامج apps – الحل هو استخدام خاصية المسودة draft الموجودة بالفعل فى جيميل

افتح أى ايميل جالك – جديد او قديم – ثم دوس فى المستطيل اللى تحته بتاع الرد – واكتب الملحوظات الخاصة بك

بس كدة خلاص – دوس على اسم جيميل او انبوكس – المسودة حتتحفظ وحدها – وفى اى وقت فى المستقبل حتلاقى ملاحظاتك موجودة تحت الايميل – وكمان ممكن تعدل ملاحظاتك فى اى وقت

المسودة طبعاً مش بتتبعت للراسل – دى بتفضل فى جيميل بتاعك انت – الا طبعا لو دست على send – وعشان ماتغلطش مرة وتبعتها بالخطأ: دوس بالماوس فى الخانة اللى فوق المستطيل على طول – حيظهر لك اسم الراسل وبجواره علامة اكس – دوس على الاكس عشان تمسح اسم الراسل – وبكدة حتى لو دست غير قاصد على زر send ملاحظاتك مش حتتبعت لأى حد

وعلى فكرة تقدر مش بس تكتب كلام – تقدر تضيف روابط وصور – وحتى تقدر تحط صفحات ويب كامة او اجزاء منها بطريقة النسخ واللزق copy & paste

اختار الصفحة او الجزء من الصفحة اللى عايزها – واضغط على Ctrl + C وبعدين تعالى تحت ملاحظاتك ودوس فى مكان فاضى وبعدين اضغط على Ctrl + V

The easiest way to add notes to your received emails is to use Gmail’s built-in Draft feature. Here is how

Under any email, click inside the rectangle under it as if you’ll reply

Type your notes

go back to your Inbox – that’s it. Gmail will save your notes as a draft, and will always display it whenever you open that email in the future – you can also add or edit more text to your notes anytime in the future – you can also add links and images, and copy webpages, all into your notes

to guard your notes from being accidentally sent, click inside the small rectangle located immediately on top of the content box where your notes are, then click the X next to the sender’s name to delete it