اليكم قائمة اسعار السلع التموينية الجديدة – وآلة حاسبة تسهل عليكم اختيار السلع وعددها حسب المبلغ المخصص لاسرتك – كل فرد فى البطاقة التموينية له مبلغ 15 جنيه تعطيه له الحكومة فى شكل سلع يختار منها مايشاء – يعنى لو بطاقتك التموينية مقيد بها مثلا 5 افراد يبقى ليك 5×15 يعنى 75 جنيه – المبلغ دة تشترى بيه اللى انت عاوزه بالاسعار الموضحة فى الجدول التالى – بدون مقابل – يعنى مجاناً طالما لم تتجاوز المبلغ المخصص للبطاقة – حتدفع بس مبلغ بسيط عمولة للبقال التموينى عن كل كيس او زجاجة تاخذها – ربح للبقال – حسب ماهو موضح فى الجدول التالى – وللابلاغ عن أى مخالفات او شكاوى يمكنكم طلب الخط الساخن 19280 المخصص لشكاوى المواطنين من منظومة التموين الجديدة
القائمة الجديدة:
القائمة القديمة:
لاحظوا ان كل بطاقة كانت تدفع 2 جنيه رسوم فى شهر 7 (رمضان) لكن ابتداءا من شهر 8 والشهور التالية تدفع 1 جنيه رسوم فقط – وهذا المبلغ محسوب ضمن اجمالى المطلوب دفعه فى ايصال الماكينة الذى يستلمه المواطن من البقال التموينى – ولا يحق للبقال طلب أى مبلغ يزيد عما هو موضح فى هذا الايصال – وعلى المواطنين التأكد من استلام الايصال قبل الدفع لمنع أى استغلال لهم من بعض البقالين الذين يحاولون فرض مبالغ على المواطن ليست من حقهم
وقد اعددت لكم آلة حاسبة يمكن ان يستخدمها التجار كما يمكن ان يستخدمها اصحاب بطاقات التموين لتساعدكم على معرفة المبلغ الذى يمكنكم شراء سلع به – كما تساعدكم على تحديد الكميات التى تريدونها من كل سلعة فى حدود المبلغ المخصص لكل بطاقة
ملحوظة
الالة الحاسبة تحسب على اساس 15 جنيه لكل فرد – لكن لو البطاقة لم تصرف شئ فى الشهر الماضى يمكنك تعديل دعم الفرد بادخال دعم الشهرين مجموعين على بعض – ولو هناك رصيد متبقى من الشهر السابق يمكنك ايضا تعديل رصيد البطاقة
اكتب تحت كل سلعة تريدها العدد المطلوب منها – ستجد المبلغ المتبقى ينقص امام عينيك – استمر فى ادخال مزيد من اعداد السلع حتى ترى ان المبلغ المتبقى اصبح صفر
الالة الحاسبة يمكنكم استخدامها فورا وايضا يمكنكم حفظها على اجهزتكم (بالضغط على زر Ctrl + S مع بعض) واستخدامها فى أى وقت وأى مكان بدون الحاجة الى الاتصال بالنت – كما يمكنكم استخدام الالة من خلال الموبايل او التابلت بنفس الطريقة من خلال متصفح الانترنت على جهازك – ادخل على الصفحة من أى مكان به نت وبعد ذلك تستطيع استخدام الالة بدون اى اتصال بالنت بشرط عدم غلق المتصفح او الجهاز
لفتح الآلة الحاسبة : اضغط هنا
حلوه
جهد عظيم
الوزارة نسيت سعر الهواء محلات التموين لا يوجد بها الي الهواء اليوم 15 رمضان ولا يوجد الي الهواء وعلي فكرة انا مختش زيت شهر 5/6 وذهبت الي محل التموين ان شاء الله لما الجديد ينزل ادفع الفرق وخد الزيت اين زيت 5/6 وتموين 7 يا وزير يا فاشل العيش فترتين يا كداب من الساعه9 الي 12 وشكرا
تعديل علي الة حساب التموين اضافة 2 جنية حافز التاجر+الخدمات الالكترونية
تعديل علي الة حساب التموين اضافة 2 جنية حافز التاجر+الخدمات الالكترونية
انا اول مرة اسمع عن المبالغ الاضافية دى – حضرتك متأكد؟ ايه مصدر المعلومة د من فضلك؟ يا ريت لو تكتب لى رابط منشور فيه هذا الكلام عشان أعدل الآلة الحاسبة بناءا عليه
الرجاء من سيادتك اضافه 2 جنيه حافز التاجر +الحدمه الالكترونيه +50 قرش المعونه تظهر فى هامش الربح
حافز التاجر 2 جنيه مبلغ ثابت على كل زبون؟
50 قرش معونة مبلغ ثابت برضه؟
والخدمة الالكترونية دى كام؟
من فضلك تعطينى رابط رسمى يقول هذا الكلام بالنسبة للنظام الجديد عشان اقدر اضيفه للآلة الحاسبة – لانى اعتقد ان النظام الجديد لغى الحافز الثابت للتاجر وحل محله ربح على كل عبوة كما هو موضح بجدول الاسعار المرفق بالموضوع
ياباشا الكلام ده مظبوط انا تاجر تموين وجالى منشور بكده جنيه للبقال على البطاقه ده ماشى فى كل الشهور
وفى جنيه كمان ده فى رمضان بس لشركه الكروت الزكيه
وفيه 50 قرش معونه شتاء على كل بطاقه دى طول السنه برضو
امتى جالك المنشور دة لو سمحت؟ هل المنشور اللى جالك دة للنظام الجديد ل20 سلعة تموينية ام للنظام القديم؟
ده جالى من 4 ايام للنظام الجديد وتم تعليق المنشور فى كل محلات التموين ارجو اضافه هذا المبلغ على الاله الحاسبه
تمت اضافة المبلغ كما طلبت – من فضلك شوف الالة دلوقتى ولو هناك اى ملاحظات أخرى يسعدنى تعديلها لكم فى أى وقت – وياريت كمان تلقى نظرة على جداول التجار اللى عملتها اليوم – الرابط على يمينك – ويسعدنى قراءة ملاحظاتك واى اضافات تحبنى اضيفها للجداول – مع تحياتى
أنا عاوز أنزل أل أله دى عندى علشان أحسب كل شهر هل هذا ممكن؟ وشكراَ
طبعا ممكن تحفظ الصفحة على جهازك – اضغط على زر Ctrl و S مع بعض لحفظ الصفحة على جهازك وتقدر تستخدمها بدون اتصال بالنت
أنا عاوز أنزل أل أله دى عندى علشان أحسب كل شهر هل هذا ممكن؟ وشكراَ والله أنا أول مرة أدخل على هذا النوقع
ممكن اعرف ازاي استخدم الالة وشكرا
اكتب عدد الافراد فى اول خانة – حيظهر لك المبلغ المخصص لك – بعد كدة اكتب الاعداد اللى حضرتك عايزها من كل سلعة – حتلاقى المبلغ المخصص بينقص – استمر فى كتابة اعداد أخرى الى ان يصل المبلغ المتبقى الى صفر – وحتلاقى المبلغ اللى عليك دفعه نقدى شامل عمولة البقال والرسوم
الالة لا تظهر عندي وجربت على كل المتصفحات عندى المشكلة فين؟
احتمال النت عندك بطئ – انتظر شوية وان شاء الله الالة حتظهر عندك – او جرب وقت ما يكون النت سريع
أنا فتحت اللنك من على جهاز آخر فتح وهذا مجهود رائع بارك الله لك فيه. ولكن المشكلة معاية أنا فى جهازي كل الذى يظهر لى هو
حساب سلع بطاقة التموين : أكتب عدد الأفراد المقيدين ليظهر لك المبلغ المتاح للبطاقة (15 جنيه للفرد)
عدد الافراد فى بطاقة التموين
——————–
يمكنك شراء سلع بما قيمته
——————–
فقط ما هي المشكلة وما الحل من وجهة نظرك وشكراً.
النت بطىء
يمكنك حفظ الالة على جهازك لتستخدمها بدون حاجة للاتصال بالنت – اضغط زر Ctrl و زر S مع بعض
يعنى اشترى ف حدود الملغ المخصص بس ولا ممكن اخد كل احتيجاتى من السلع اللى ف الجدول وادفع الفرق ؟
تاخدى كل الكميات اللى انتى عايزاها وتدفعى الفرق – بس لاحظى ان معظم السلع ارخص فى الاسواق فنصيحتى تشترى فى حدود المبلغ المخصص لك فقط
أنا فتحت اللنك من على جهاز آخر فتح وهذا مجهود رائع بارك الله لك فيه. ولكن المشكلة معاية أنا فى جهازي كل الذى يظهر لى هو
حساب سلع بطاقة التموين : أكتب عدد الأفراد المقيدين ليظهر لك المبلغ المتاح للبطاقة (15 جنيه للفرد)
عدد الافراد فى بطاقة التموين
——————–
يمكنك شراء سلع بما قيمته
——————–
فقط ما هي المشكلة وما الحل من وجهة نظرك وشكراً.
يمكن النت بطئ عندك – انتظر شوية حيظهر الباقى ان شاء الله
حضرتك فى خطاء فى سعر الزيت انت كاتبه ب6 جنيه هو ب9.75
تجد عندك فى الالة انواع متعددة من الزيت باسعار مختلفة
البقال خد منى 20 جنيه على 7 افراد واخذت 17 زجاجة زيت مخلوط صافى التر لماذا ؟ عايز افهم برضوووو سرقة
المفروض تدفع له 6.80 فقط – يعنى اخد منك 13.20 زيادة عن حقه – اذا كنت لم تطالب بايصال الماكينة فكدة حضرتك سبت حقك – نفسى اعرف ليه مش بتطلبوا ايصال الماكينة من البقال؟
على فكرة حضرتك ليك كمان 22.80 رصيد فى البطاقة كان ممكن تاخد بيهم سلع اكتر (كان ممكن تاخد 20 زجاجة زيت – من حقك)
ممكن حد يفهمنى اعمل ايه ؟
معلش ياباشا انت بوظت الدنيا خالص
زيت خليط 800جم = 6.50 جنيه ده المفروض ب9.75 مين قالك على 6.50 دى
وبعدين ال2.5 الى انا طلبت منك تضيفهم انت خصمت 1 جنيه من الدعم ليه ده المفروض يضاف على المجموع ويبقى 1.5 بعد رمضان وفى رمضان 2.5
من فضلك بص على قائمة الاسعار اللى جتلك من التموين للتاكد بنفسك من الاسعار
اما حافز البقال فهو 1ج فقط + 1ج خدمة الكترونية – اليك صورة من احد ايصالات الماكينة لبطاقة بها 9 افراد – اذا كنت بقال تموينى فعليك الا تاخذ من المواطنين اكثر مما هو موضح فى ايصال الماكينة
ياباشا انا ممكن اصور ليك صوره قايمه الاسعار الى جايه من مكتب التموين فيها 50 قرش معونه شتاء ودى من سنين وهما بيخدوها مش جديده دى وبرضو هترقى فيها اسععار الزيت ب9.75 وبعدين السلع بقت 34
والله مصر بخير طول مافيها ناس بتحب مصر زى سيادة الرئيس السيسى وانشاء الله ربنا هاينصره ويحقق لمصر كل اللى بنتمنوه ليها وربنا ينصرك ياسيسى واحنا معاك حتى نرى مصر قد الدنيا
حضرتك هو السلع اللى بنصرفها هى نفسها السلع القديمة بنفس جودتها انا ايه اللى يجبرنى انى اشتريها وبأسعار مرتفعة
حضرتك مفيش اجبار – لكن الموضوع هو ان ليك مبلغ مجانى مستحق لك – تأخذه على شكل سلع – انا متفق معك ان بعض السلع جودتها لم تتغير وربما اسوأ – مثل زيت كهرمان فهو اسوأ من زيت التموين السابق واغلب البقالين يبيعوه على انه زيت دوار شمس – لكن ما باليد حيلة – ونتمنى من وزارة التموين ان تلغى تعاقدها مع زيت كهرمان وأى سلعة يثبت انها رديئة
لو سمحت عايز تعدل الآله الحاسبة لأن السلع بقت 35 سلعة على الماكينة بعد رمضان
فيه أرز ب 2,25 قرش وصابون ومرقة دجاج وصلصه حجم أصغر و……….الخ
ممكن حضرتك تراجع السلع على الماكينه بنفسك .
لتسهل علينا حساب السلع المختلفة على النظام الجديد الل 35 سلعة .
وجزاك الله خير الجزاء .
سيدى الفاضل للأسف انا مش بقال تموين ولا تاجر – انا باعتمد على ربنا وعليكم فى انكم تمدونى بالبيانات الصحيحة عشان اقدر اساعدكم واعدل لكم الالة الحاسبة – لكن انا محتاج من حضرتك انك تصور لى قائمة الاسعار الجديدة اللى فيها ال35 سلعة عشان اقدر انشرها واعدل لكم الالة على اساسها – طلبت كدة من زملاء لك لكن لم اجد استجابة – ياريت حضرتك تصورها لى – ابعتها لأى محل تصوير وخليه يحطهالك على فلاشة – وبعدين ارفعها على موقع http://www.gulfup.com/ – واكتب لى رابط الصورة هنا
فى انتظار ردك الكريم – وجزاك الله كل خير
من فضلك عايزة اسأل زيت كهرمان هوة اللى سعرة 9.75 ولا سعرة كام لان دة النوع اللى انا اخدتة وحسبلى الزجاجة ب 10 جنية بالربح بس فى الايصال لم يضيف الزيت مش انا بس فى ايصالات كل الناس ولما اصر ياخد اربعة جنية ونص على عدد 3 افراد على 2 زجاجة زيت و5 سكر محلى يعنى 20 + 25.75 وقال الفرد علية جنية ونص لكنى رفضت ودفعت ال 75 قرش الزيادة + 1 جنية للبطاقة ولما حاولت افهم الناس ان كل واحد يحسب ثمن السلع اللى عايزها وميدفعش اكتر ويعرف حقة اتخانق معايا لو ممكن حضرتك تقولى لو حبيت اشتكى اروح فين لاننا كتير اشتكينا للمكتب التابع للمنطقة لكن لا حياة لمن تنادى هوة مظبط معاهم واحنا اللى بنضيع بينهم وفى ناس كتير مش فاهمة مثلا جارتى 10 افراد يعنى فى رمضان كان لها سلع ب 220 جنية اخدت سلع ب 110 وكمان اخد منها 15 جنية وطبعا هى مبسوطة انها دفعت مبلغ بسيط ومش عارفة انها منهوبة وغيرة اسفة على الاطالة وياريت تفيدنى بمكان الشكاوى
حضرتك اطلبى الخط الساخن 19280 لشكاوى المواطنين من منظومة التموين الجديدة
السلام عليكم
سيديالفاضل ……
الجنيه بتاع الخدمات الإلكترونيه رجع تاني على البطاقات التموينيه
ودي صوره من باتج صرف أحدي البطاقات عن شهر أغسطس موضح به جميع السلع الجديدة
وموضح به أيضاً جنيه الخدمات الإلكترونية .