تشكن كرسبي:
جبت صدور فراخ مخليه وقطعتها صوابع تخينه
اول خطوه بنقعها في لبن رايب حوالي كوبايه ونسيبها في التلاجه 4 او 5 ساعات
وبعد كده نصفيها وننقعها في
ميه متلجه فيها
2 معلقه ملح
1 معلقه صغيره سكر
1 معلقه صغيره خل
2معلقه كبيره توم بودره
2 معلقه كبيره بصل بودره
1 معلقه كبيره فلفل اسود حب
1 معلقه صغيره جنزبيل
5 حبات قرنفل
3 ورقات لوري
روز ماري

ننقع الفراخ في الخليط ده لمده 4 ساعات في التلاجه
وبعدين نصفيه

بعد كده خليط القلي ودا مهم
هنجيب نص كيلو دقيق نضيف عليهم الاتي:
2 معلقه كبيره توم بودره
2 معلقه كبيره بصل بودره
1معلقه صغيره شطه
1 معلقه صغيره بابريكا
1 معلقه صغيره كركم
1 معلقه صغيره جنزبيل
1 معلقه صغيره زعتر
1 معلقه صغيره فلفل اسود
2 معلقه صغيره ملح
ا معلقه صغيره بيكنج بودر

نخلط كل المكونات مع بعض وبعدين نقسمهم 3 اجزاء
الجزء الاول هيفضل زي ما هو
والجزء التاني هنضيف عليه ميه متلجه لحد ما يصير سايل شويه زي الطحينه ودا اسمه (خليط التمبوره)
والجزء التالت هنعمل بيه القرمشه
هنضيف عليه شويه ميه متلجه صغيرين ونفركهم باليد لحد ما يعمل كتل رفيعه زي قشر السمك كده
وننخله عشان لو فيه دقيق زياده نضيف عليه شويه ميه تاني ونفركه
هنجيب الصدور ونحطها في خليط الدقيق الاول وبعدين في خليط التمبوره وبعدين القرمشه
ونقليها علي طول في الزيت نص قليه
ونشيلها ندخلها التلاجه ساعتين وبعدين نطلعها ونكمل قليها
وممكن نحفظها في الفريزر نص مقليه ونطلع منها ونقلي