آخر تحديث : 30-06-2017 الساعة 11:35 م

اليكم طريقة سهلة جداً لتحضير خلطة فيجيتار بيتى تغنينا عن شراء الجاهز

المقادير

• كوب دقيق
• نصف كوب نشا

معلقة صغيرة من كل من:

• روزمارى مطحون
• ملح
• فلفل
• بودرة ثوم
• بودرة بصل

نصف معلقة صغيرة من كل من:

• ملح صينى
• جنزبيل
• قرفة
• ورق لورا مطحون
• كبابة صينى
• شطة (اختيارى)

نخلط كل المكونات مع بعض ثم نحفظ الخلطة فى برطمان – ونأخذ منه معلقة كبيرة لكل 4 معالق كبيرة من البقسماط المطحون اللى حنتبل بيه الفراخ البانية او الكينتاكى ونقلبهم كويس مع بعض – نغمس قطعة الفرخة الفيليه فى البقسماط المختلط بخلطة الفيجيتار البيتى – ونرصهم فى طبق بجانب بعض استعداداً لتحميرهم فى زيت ساخن – بالنسبة للفراخ بالعظم او الكينتاكى يفضل تقطيع الفرخة 10 قطع ثم سلقها اولا ربع ساعة – ثم نترك الحلة مغطاه 20 دقيقة لتكمل سواها فى الشوربة الساخنة – ثم نصفيها تماما من الشوربة ونتبلها بالبيض ثم الفيجيتار البيتى ونقليها فى زيت ساخن – ونلاحظ اننا لو عايزين الفراخ كريسبى (مقرمشة) نستبدل الدقيق بكورن فليكس مجروش (بس نتأكد انه كورن فيكس سادة مش مسكر)

طبعاً صدور الفيلية لا تحتاج ان نسويها قبل تحميرها – اما لو فرخة كاملة يبقى الأفضل نسلقها خفيف الاول – لمعرفة أفضل طريقة لسلق الفراخ بحيث تكون متماسكة وفى نفس الوقت تذوب فى الفم ذوبان اضغط هنا