طريقة عمل الكريب فى البيت

آخر تحديث : 23-01-2017 الساعة 04:26 م

المقادير

  • نصف كوب حليب
  • نصف كوب ماء
  • كوب دقيق
  • 2 بيضة
  • 2 معالق كبيرة زبدة سايحة او سمنة – او 4 معالق كبيرة زيت
  • 3 معالق صغيرة سكر
  • معلقة صغيرة فانيليا
  • ذرة ملح

الطريقة

  • نضرب كل المكونات فى الخلاط لمدة نصف دقيقة – ثم نترك العجينة تستريح ربع ساعة ليمتص الدقيق السوائل
  • نضع قطرات زيت على منديل ورق ونمسح به  طاسة كبيرة – ونسخنها على نار هادية
  • نصب قليل من العجينة – يادوبك 3 او 4 معالق كبيرة – ونمسك الطاسة بسرعة ونميلها بحيث تنتشر العجينة وتتكون على شكل دائرة تملأ الطاسة – لو الدائرة ناقصة نكملها بمعلقة عجينة اضافية – المهم أن نحصل على طبقة رقيقة من العجينة تغطى كل الطاسة بدون فجوات
  • نترك الطاسة على النار حوالى دقيقتين حتى تبدأ اطراف الكريب فى الارتفاع قليلا – فندخل السباتيولا تحت طرف الكريب ونقلبها على الوجه الآخر ونتركها دقيقة ثم ننقلها فى طبق ونصب عجينة جديدة فى الطاسة – بدون وضع زيت – نحتاج مسحة الزيت أول مرة فقط

أول واحدة بتكون فى الغالب مش ناجحة لإننا بنكون لسة مش عارفين مقدار العجينة المناسب لحجم الطاسة – وكمان عشان الزيت لو كتير الكريب مش بيستوى مضبوط – لكن بعد الاولى ان شاء الله حتظبط معاكوا

بعد كدة ممكن نحشى الكريب أى حاجة – لو عايزينه مسكر نحشية عسل نحل او شوكولاتة نيوتيللا مع حلقات موز – او مربى – ولو عايزينه حادق نحشيه أى حاجة متبقية عندنا من اكل سابق – سجق – فراخ بانيه – شاورما – لحمة مفرومة – جبنة مبشورة – شيش طاووق – ولو عندنا مايونيز وكيتشب يا سلام لو مسحنا الكريب بيهم قبل اضافة المكونات الحادقة

لما نيجى نحشى الكريب يفضل ان يتم ذلك وهو سخن لسة طالع من الطاسة – عشان نقدر نثنيه بسهولة – ونحط الحشو على نصف الكريب ونسيب النصف الثانى فاضى عشان نقلبه على النصف المليان – وبعدين نثنى النصف على بعضه بحيث يبقى على شكل ربع دائرة – ونحاول اثناء ما بنحشى اننا ندخل جوة شوية ما نحشيش الطروف عشان واحنا بنتنى الكريب الحشو ما يطلعش برة

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.