آخر تحديث : 14-04-2017 الساعة 06:12 م

عندى لكم طريقة هايلة لاتقان المحادثة بالغة الانجليزية – وانتم تعلمون مدى أهمية ان تتحدث الانجليزية بطلاقة – فهذا يفتح لك مجالات عمل كثيرة بمرتبات كبيرة – حيث يقومون بعمل اختبارات شخصية ولا يقبلون الا من يتحدث الانجليزية بطلاقة

وحتى لو كنت بتقفل الانجليزى فى كل سنوات الدراسة – فهذا ليس معناه انك تتقن المحادثة الانجليزية – ببساطة لأن أغلب الطلبة لا يمارسون المحادثة فى المدارس – كما أن المدرسين أغلبهم ينطق اللغة الانجليزية بطريقة مضحكة ليس لها علاقة باللغة الانجليزية السليمة

لإتباع طريقتى ستحتاجون الى

• برنامج KMPlayer
• برنامج uTorrent

الخطوات

• قم بتنزيل البرامج المذكورة ونصبها على جهازك (عند تنصيب برنامج KMPlayer اختار Custom وشيل علامة الصح من أمام Mobogenie وأى برامج اعلانية قد يضيفونها مستقبلاً للبرنامج الأصلى – وغالبا ستجدها فى آخر القائمة أثناء التنصيب)
• قم بزيارة موقع الأفلام (تجده فى الأسفل فى آخر الموضوع) واختار الافلام التى تفضلها بالضغط عليها – ثم فى صفحة الفيلم اضغط على صورة حدوة الحصان او اضغط على زر Download torrent
• اضغط على الملف على جهازك ليبدأ برنامج يوتورنت فى تنزيل الفيلم – سيستغرق ذلك من ساعة الى 5 ساعات – حسب سرعة النت عندك
• بعد اكتمال نزول الفيلم ستحتاج الى ملفين subtitles واحد باللغة الانجليزية والثانى باللغة العربية – ابحث عن تلك الملفات فى موقع ٍSubscene – ابحث بنفس اسم الفيلم كما هو مبين فى uTorrent
• فك ضغط كل من الملفين ثم انسخ الملفين من نوع srt وضعهم فى نفس المجلد الذى يوجد به الفيلم
• لتشغيل الفيلم اضغط على الفيلم سيبدأ العرض من خلال برنامج KMPlayer
• لعرض النص الانجليزى والعربى اضغط بالزر الأيمن للماوس (الفأرة) واختار Options ثم Preferences

 

 

 

 

• ثم اضغط OK
• والآن لاظهار النص الانجليزى اضغط فى الكيبورد على ALT + O لاختيار النص الانجليزى
• ولاختيار النص العربى اضغط يمين بالماوس على شاشة عرض الفيلم واختار Subtitles ثم Sbtitle Languages ثم 2nd Subtitle ثم Load Subtitle كما هو موضح بالصورة التالية – سيفتح لك مجلد الفيلم – اختار ملف النص العربى

يمكنك الآن مشاهدة الفيلم ومتابعة النص الانجليزى والنص العربى اسفل كل مشاهد الفيلم – للانتقال الى الجملة السابقة اضغط على زر > وللانتقال الى الجملة التالية اضغط زر <

يمكنك ضغط الزر لاعادة الجملة السابقة أكثر من مرة – لتتمكن من متابعة الحوار – ثم حاول ان تقوم بتمثيل الدور بصوتك بحيث تنطق الجملة بنفس طريقة الممثل وبنفس اللكنة – انطق الكلمات فى نفس الوقت مع الممثل وبنفس السرعة – قد تجد ذلك صعباً فى البداية – وخصوصاً فى الافلام اللى الممثلين بيتكلموا فيها بسرعة – عشان كدة اختار فى البداية افلام يكون الحوار فيها هادى مش سريع عشان تقدر تقول مع الممثلين – ومع الوقت والتدريب حتقدر تنطق الجمل اسرع

ميزة الطريقة دى انها ممتعة لانك بتختار بنفسك الافلام اللى انت بتحبها – وكمان حتتعلم تتكلم باللكنة الامريكية او الانجليزية حسب نوع الافلام اللى حتختارها – وحتتعلم ان لغة الحوار الدارج مختلفة كثيرا عن اللغة الانجليزية اللى بتدرسها فى الكتب – ولغة الحوار دى هى اللى بتفرق لو عملت اى انترفيو واتكلموا معاك انجليزى – لانك حتفاجئهم بلهجة لم يعتادوا سماعها من الطلبة وخريجى الجامعة التقليديين – وحيفتكروا انك عشت برة – وبكدة باذن الله تضمن انك تشتغل فى وظائف محترمة بمرتبات عالية

مع تمنياتى لكم بالتوفيق – وتحت امركم فى اى اسئلة او استفسارات

وعلى فكرة – الأفلام الكرتون هى أكثر أفلام مناسبة لتعلم الانجلزية – لأنهم بيتكلموا انجليزى واضح ومش بسرعة زى الافلام العادية

أمثلة لأفلام كرتون مناسبة لتعلم الانجليزية:

• Despicable Me
• American Tale
• Up
• Frozen
• The Croods
• Tangled
• Lilo and the Stitch
• Rio

لتنزيل افلام الكرتون السابقة بالاضافة لأحدث الأفلام اضغط هنا