صوص البيرى بيرى

آخر تحديث : 23-04-2014 الساعة 03:07 ص

صوص البيرى بيرى يعطى للفراخ المشوية طعم ولون رائع – وممكن ندهن به أى مشويات غير الفراخ – مثلا السمك او اللحم المشوى – يباع جاهز فى زجاجات من انتاج سلسلة مطاعم ناندوز للفراخ المشوية – لكن ممكن نعمله فى البيت بسهولة (ملحوظة: صوص البيرى بيرى مفيهوش زبادى او حليب – لكن انا باضيفه لانه بيتشرب التوابل وبيظهر نكهتها مثل الفراخ التندورى)

المقادير (تكفى لدجاجة واحدة)

  • 1 قرن فلفل احمر او اخضر حامى (او معلقة صغيرة شطة)
  • 3 فصوص ثوم
  • معلقة كبيرة صلصة
  • 2 معلقة كبيرة خل
  • 2 معلقة كبيرة زيت
  • ربع كوب زبادى أو لبن رايب أو حليب
  • نصف معلقة صغيرة ملح فقط (لإن الفراخ منقوعة فى محلول ملحى ليلة)
  • معلقة صغيرة فلفل اسود
  • معلقة صغيرة بهارات
  • نصف معلقة صغيرة كبابة صينى
  • نصف معلقة صغيرة ورق لورا مطحون

الطريقة

  • نضرب كل المكونات فى الخلاط
  • نصبهم على قطع الفراخ ونقلب جيدا بحيث تغطى كلها بالخلطة
  • نغطيها فى الثلاجة ساعتين او اكثر حتى وقت الشوى

لمعرفة طريقة عمل فراخ مشوية بالبيرى بيرى اضغط هنا

2 تعليقان

اترك رداً على الشيف محمد حفناوى إلغاء الرد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.