آخر تحديث : 23-01-2014 الساعة 01:50 م

انا كنت بارفض اشترى اى حاجة لولادى فيها جلوتامات صوديوم – لكن دلوقتى انا عندى فى المطبخ على طول وباشتريه فى كيس كيلو (ب28 جنيه من اولاد رجب بيقعد اكتر من سنة لانى بحط نصف معلقة صغيرة منه فقط على الاكلات – محاشى – مشويات – الشوربة – الصلصة – الارز – كباب حلة – خضار أى حاجة تقريبا بيديها طعامة وبيظهر نكهة الأكل ويوضحها خالص)

السبب انى قريت كتير عنه وقتلته بحثاً – واتضح ان بدايته من عالم يابانى وهو صغير كانت مامته بتعمل له شوربة قواقع طعمها تحفة – ولما كبر قرر يعمل تجارب فى المعمل عشان يعرف سر طعامة شوربة مامته – ايه المادة المسئولة عن النكهة الطعمة دى – و قدر سنة 1908 انه يتوصل الى المادة دى ويستخرجها من قواقع وبعدين من اعشاب بحرية – ولما جرب يضيفها لأكلات تانية اعطت نفس الطعامة – المادة دى هى MSG او احادى جلوتومات الصوديوم – او سر الطعامة كما يسمونها – اللى بعد كدة عملوا تجارب على استخلاصها من مواد أخرى أقل تكلفة – والصينيين قدروا يستخلصوها من العسل الاسود وبكدة بقت رخيصة – واشتهرت باسم الملح الصينى

نفس المادة دى بتتكون بطريقة طبيعية فى اكلات كتير جداً بناكلها كلنا – تقريبا فى أى حاجة طعمة – مثلاً الجبنة الرومى القديمة والشيدر والجودة والركفور وحتى البراميلى الناشفة المعتقة- لما بتعتق بيتكون فيها msg – يعنى مثلا لو قبل ما تشترى جبنة دقتها ولقيتها جديدة بيكون السبب انها لسه ما عتقتش فلسة ما اتكونش فيها احادى جلوتومات الصوديوم – والجمبرى والبسطرمة وحاجات كتير – لو طعمة يبقى فيها جلوتومات صوديوم – كل اللى العالم اليابانى عمله انه قدر يعزل المادة دى ويوفرها للناس لاضافة نفس الطعامة لأى طعام آخر

وعشان هى مادة طبيعية مستخرجة من مواد غذائية مثل القواقع والاعشاب البحرية والعسل الاسود فهى آمنة ولا تسبب أى اضرار – وكل اللى كان بيتكتب عنها غير صحيح – بدليل ان جنوب شرق آسيا كله بيستخدمها فى كل اكلاته طوال ال100 سنة اللى فاتوا وصحتهم زى الفل – وحاليا منظمة الاغذية الامريكية FDA والاتحاد الاوروبى بيصنفوها كمضاف غذائى آمن

لو عايز تقرأ بنفسك التفاصيل وتطمن اضغط هنا