آخر تحديث : 04-01-2017 الساعة 12:21 ص

منجز يحل مشكلة الناس اللى ما عندهاش تليفون ارضى وبالتالى الدى اس ال مش متاح ليهم – وللمصايف – فلو مضطر بس اشترك – لكن لازم تعرف ان منجز نظام زبالة بكل معنى الكلمة – فهو يعطيك 500 ميجا بيخلصوا فى 3 ايام او 4 – وبيعطيك واحد ونص جيجا تصفح لكن لا يوجد اى بيان باستهلاكك على موقعهم وبالتالى لن تعرف فاضل منهم كام – وياريت على كدة بس – دول مؤخرا عدلوا منجز 25 وبقوا بيدولك واحد وربع جيجا على بعضهم بدل ما كانوا 2 جيجا !! – المشتركين الحاليين فقط مازالوا يتمتعون ب2 جيجا شهرى – لكن اى مشترك جديد حياخذ واحد وبع جيجا فقط – ولو عدت 6 شهور بدون تجديد اشتراكك القديم حيتلغى وتضطر تشترى شريحة جديدة وكدة تفقد ميزة ال2 جيجا ليصبحوا واحد وربع فقط كل شهر!

الغريب ان انا جربت اتصفح بعد ضبط المتصفح بتاعى على الغاء الفلاش واى بلج ان وكمان الغاء اى صور – ومع ذلك التصفح العادى تكست فقط بيستهلك برضه من ال500 ميجا ستريمنج – ودة شئ غريب معاكس لشروط الاشتراك ويعتبر نوع من انواع النصب من شركة اتصالات

أدعو الله ان تفلس هذه الشركة تماما ان لم تتوقف عن هذا النوع من النصب العلنى – حتى تتعلم الدرس وتحترم بنود التعاقد مع المشتركين