مش بالزبادى

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

زوجتى العزيزة بتشترى مش بلدى من الأسواق الشعبية وبتحضره للأكل بأن تضع جزء من المش فى علبة وتقلب معاه شوية طحينة وشوية زيت – بيكون طعمه تحفة
لكن المشكلة إنه بيتعبنى لو أكلته فى العشاء ونمت بعدها – بسبب الطحينة والزيت
وده دفعنى لإنى أجرب طريقة جديدة تكون أخف على المعدة بالذات بالليل – وطلع الطعم هايل وبيعمل كمية أكبر بكتير
إليكم إكتشافى الخطير – المش بالزبادى

المفادير
2 ملعقة كبيرة مش بلدى خام – بنى اللون
2 كوب زبادى سادة

اضغط هنا

الطريقة
فلب المش مع الزبادى جيدا فى علبة بلاستيك – ثم غطيها وإحفظها فى الثلاجة لوقت الإستخدام
لو بتحبوا الطعم حادق أكثر – أو لو المش غير معتق – ممكن تزودوا نصف ملعقة مش أو ملعقة كاملة حسب الرغبة
الخلطة دى هايلة لعمل السندويتشات مع حلقات طماطم طازجة – أو تتغمس مع عيش بلدى مقمر ومناسبة لوحدها أو لو غاويين زيى جبنة أو حاجة حرشة جنب الأكل – فطار أو غداء أو عشاء

جربوها وإن شاء الله حتدعولى
وعلى فكرة لو تحبوا تعملوا زبادى فى البيت يكون أنظف وأطعم – جربوا الطريقة دى

لو الموضوع نال اعجابك اضغط هنا لدعم الكاتب (جزاكم الله خيراً)

One Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *