آخر تحديث : 15-09-2013 الساعة 12:04 ص
التعليم فى مصر متقلب ومتغير – وطبعا مادام جاء وزير جديد يبقى لازم يعمل نظام جديد – والطلبة تولع مش مهم
يبدو ان الوزير الجديد بيحب يعكنن على الطلبة – لذلك قرر ان الثانوية العامة الجديدة هذا الاسبوع ستكون 7 مواد بدلا من 6 – حيث قام بتعديل القرار الوزارى رقم 88 الخاص بتوزيع مواد الثانوية العامة الجديدة وتوزيع الدرجات
- أصبحت عدد المواد المقررة على الصف الثالث الثانوى 7 مواد لكل شعبة بدلا من 6 مواد
- اللغة العربية واللغة الأجنبية الأولى واللغة الأجنبية الثانية اجبارى على كل الشعب الثلاث وتضاف للمجوع الكلى حسب درجات كل مادة الموضحة فى الجدول ادناه.
- لا توجد مواد اختيارية.
- التربية الدينية والتربية الوطنية والاقتصاد والاحصاء يدرسها جميع الشعب ولا تضاف للمجموع الكلى – لكن يشترط النجاح فيها
- اللغة العربية مخصص لها 80 درجة وفى ورقة واحدة لجميع الشعب
- اللغة الانجليزية مخصص لها 50 درجة لجميع الشعب
- اللغة الاجنية الثانية مخصص لها 40 درجة لجميع الشعب
- اجمالى المواد المشتركة ( 80 + 50 + 40 ) = 170 درجة
- هناك 4 مواد مخصصه لكل شعبة وهى كالتالى :-
مواد علمى علوم
الفيزياء والأحياء والجيولوجيا والعلوم البيئية والكيمياء وكل مادة مخصص لها 60 درجة يعنى 4 مواد × 60 درجة = 240 درجة يضاف لها المواد المشتركة 170 درجة اذن الاجمالى 410 درجة
مواد علمى رياضيات
الفيزياء والكيمياء والرياضة التطبيقية والرياضة البحتة وكل مادة مخصص لها 60 درجة يعنى 4 مواد × 60 درجة = 240 درجة يضاف لها المواد المشتركة 170 درجة اذن الاجمالى 410 درجة
مواد أدبى
التاريخ والجغرافيا والفلسفة والمنطق وعلم النفس والاجتماع وكل مادة مخصص لها 60 درجة يعنى 4 مواد × 60 درجة = 240 درجة يضاف لها المواد المشتركة 170 درجة اذن الاجمالى 410 درجة
طبعا هذا النظام الجديد – ككل حاجة تخص التعليم فى مصر – غير دائم وقابل للتعديل فى أى وقت – ومع اى وزير جديد توقعوا مفاجآت جديدة – الحقوا انجحوا قبل ما يغيروا رأيهم ويخلوا الثانوية العامة 43 مادة – أويمكن 93 – مين عارف!
لمعرفة كل التفاصيل وقراءة قرار الوزير الجديد الخاص بشأن نظام الدراسة والامتحان لطلاب الصف الثالث الثانوى اضغط هنا
ياريت تجبولنا الامتحانات سهلة لان كدة احنا بنجرب فى نفسنا يعنى محدش هاينفعنا غير المزاكرة
حضرتك اتجوزتي ولا لسه😂😂💔
ربنا يوفقكم
امبارح كان فيه لقاء مع الوزير علي قناه سي بي سي وقال ان الجيولوجيا ماده اختياريه !! انا عاوزه اعرف لو هي اختياريه ايه المواد الي ينفع ندرسها بدالها ؟؟
ياترى جبتي كام في الثانويه العامه؟؟
ان عبقرية المسئولين في مصر وخصوصا في امتحانات الثانوية العامة هي ان يدرس الطالب شي ويمتحن امتحان جاء من كوكب اخر لا يقدر علية الا اينشتين وابن سينا فقط هل كل الطلبة مستوي واحد هناك تفاوت في القدرة والاستيعاب والفوق انا لاانكر ذلك ولكن كل سنة نسمع ان الامتحان متفاوت الصعوبة او طويل لا يكفي الوقت لحلة ولا يقدر علية الا الطالب المتفوق وايضا يشتكي من صعوبتة وقصر الوقت الامتحان فماذا نفعل نحن اولياء الامور ان ندعي رب العباد ان يحنن قلب المسئولين عل ي ابنائنا وبناتنا وان يضعو امتحان متوازن اقول متوازن ويتم مراجعتة مع المسئولينحتي يتعرف هل هو متنوع الاسئلة متفاوت الصعوبة والا زي كل سنة وضع الامتحان استاذ في الجامعة لا يعرف عن منهج الثانوية شي كنا نسمع كدة السنين اللي راحت استاذ المادة موجود ويجيبو واحد ميعرفش حاجةمن الجامعة لوضع امتحان ثانوي اتقو اللة في شباب عاوزين ينفعو نفسهم وبلادهم ولا تحطموهم السنة دي طلبة كثير اشتكو من مواد كثيرة ويطلع المسئولين الامتحان سهل وعادي اصدق مين الطالب اللي طالع يعيط ولا المسئول اللي طالع يضحك ويقول الامتحان متوسط اتقو اللة في الشباب دول فهم رجال المستقبل وامل مصر وعائلتهم انهم يخدمو بلادهم وانفسهم ويبقو حاجة مشرفة لبلادهم واللة الموفق وحفظ اللة مصر من كل سوء اللهم امين
هل نظام اللاب توب هو النظام الذى سوف يطبق والمدرس عليه فقط شرح او تبسيط جزء ما غامض واذا سوف يطبق هل سيطبق فى كل المحافظات حتى الصعيد
هل منهج الانجليزى والفرنساوى تبع اولى ثانوى تغيير
اللى عنده أحياء فى الصف الثالث الثانوى من العام الماضى يمتحنه بأى نظام لعام 2014 \2013
حسبي الله ونعمة الوكيل انا خايف يخلو مواد 3ثانوي 100 مادة مين عارف سترك يارب
ياجماعة ممكن اعرف هل هناك قانون في الثانوية العامة يفرق بين طلاب المنازل وطلاب الغير منازل من حيث الدرجات
يعني لطلاب الغير منازل ليهم 4درجات والمنازل ليس لهم هذه الدرجات
ارجوكم تردو علي في اسسرع وقت لأن اخي في ثانوية عامة ومرتبكين بسبب الموضوع دي هل اشاعة ولا لاء
معانا يارب
هوا احنا ملناش لزما لدرجادي عشان يجربو فينا فين الشباب توصلو معايه وانا والله عندي طريقه تنجحكم وانتم مطمنيم
(بسم الله الرحمن الرحيم) (وقل ربى زدنى علما) ( صدق الله العظيم)
حرام عليكوا ارحمونا شوية
ارحموا عبدا تخزقت عينه فى المزاكره احنا تعبنا مستعدين نعمل اى حاجه المهم ان احنا ننجح علشان اللى احنا عوزينه ان اهلنا يكونوا فرحنين منا لما كل واحد يدخل الكلية الى هو عوازها سعتها مش احنا اللى هنكون مبسوتين بل انتم عندما ترى دكتور يداوى امك او حد غالى عليك لما تلاقى المهندس يبنى بيت لابنائك لما تلاقى كل واحد من كلية شكل بيعمل حاجه تفيدك وتفدنا ايه يكون شعورك لما ابن يقول لابه اوامه انكوا احضرتوا الامتحانات سهله تخيل اب وام رفعين ايدهم لرب العالمين ويدعولك علشان ابنهم او بنتهم حتحقق امنيتهم فى الكلية اللى كانوا بيحلموا انهم يشفونا فيها انا لسه فى الصف الاول الثانوى بتمنى ان كل اللى ارى كلامى يدعيلى بتفوق ذى انا مابدعى لكل الطلبة بنجاح اللهم ما لا تحزن قلب اى ام او اب ولا تجعلنا نخزلهم بل اجعلنا نرفع رؤسهم دنيا و اخره اللهم امين بتمنى يكون الكل فهمنى وحس بيا انا عرفه ان مافيش رحمه ذى رحمه الله عزوجل بس ربنا خلق بداخلنا الرحمه و الحب فارحمونا يرحمكم الله والحمد لله الذى علمنا هذا وما كنا لنهتدى لولا ان هدانا الله مع تحيات اختكوا منى حلمى القماحى
طب لو الامتحانات اتعملت اسهل من السهولة زى مانتى عايزة يا موشا – والكل جاب 100% والابهات والامهات فرحوا ودعولنا دعوات حلوة آخر حاجة وتمام التمام
مين اللى حيدخل طب وهندسة؟ ومين اللى حيدخل معهد سنتين؟
تقترحى الحل ساعتها يكون ازاى؟
لو حد قدراته العلمية متواضعة لكن بالامتحانات السهلة دخل طب – هل حيشترط فى مرضاه انهم يكونوا عيانين بامراض سهلة برضه وكدة؟
انا مقصدش اللى حضرتك فهمته مهو خير الامور الوصت ولا تجيبوا الامتحان سهله بحث اللى مكبر دماغه ونايم مرتاح ينجح بس انا اقصد انكوا تجبوها بحث اللى مذاكر مايعدش متنح لغاية الوقت ما يخلص دائما كنت اشوف الطلبة طالعين من الامتحان بيعيطوا ليه طلبة شعب مصر كله فاشل لاتنسوا قبل ما تعقبونا عقبوا المدرسين لما احنا نلاقى الشرح فى المدرسة كويس سعتها مش هناخد دروس مسئلتوش نفسكوا احنا ليه وقتنا مش فاضيين فيه لاننا فى المدرسة المدرس مايشرحش كويس نطلع وناخد دروس احسب كام مادة بناخد فيها دروس ولما يكون ابى فى الغربة تعبان عشان احنا نتعلم ومبنلحقش نكلمه ايه اللى يخليه يسافر السبب المدرسين اذا كان بيتشرح لنا كويس فى المدرسة مكنش لو لزوم لدروس لكن اذاى لازم المدرس ميشرحوش كويس علشان ناخد عنده درس ومتقلش انه مبيحصلش لان انا بشوفف دا بعينى وانا عايزه اسئل سؤال ليه لما يكون فيه موجه جاء لزياره للمدرسه يظبطوا المدرسه ويشرحوا كويس وكل واحد يظبط فصله ولما الموجه يشوفف الكشكيل المدرس يلم الكشكيل المعدوله ويورهاله علشان يثبت انهم بيشرحوا ولو الموجه سئل بنت واتلغبتط بعد ما يمشى الموجه يعد يشخط وكانه بيشرح وهى اللى ما بتزاكش ليه الحق دايما بيبقى علينا احنا العيب مش مننا العيب علي كل مدرس ما بيئديش ضميره كويس ادام ربنا وعشان ما ابقاش كذبت ففى مدرسين عندنا شرحهم كويس بس لما يكون 2او3 بس اللى شرحهم حلوا دا يبقى عيب ولا انا كلامى غلط ولو عايزين اسم المدرسه كمان ادهلكوا وكمان اورلكوا نفسى لان انا مبخفش وبحب الصدق
كلامك جميل ومظبوط – برافو عليكى يا موشا – عندك حق
المنظومة كلها غلط – الدولة بتدى ملاليم للمدرسين – يعنى كانها بتقول لهم لقطوا رزقكم من الدروس – وكثير من معدومى اضمير ما بيشرحش كويس فى الفصل – وبيعتبر المدرسة مصيدة يصطاد منها زباينه
مفيش حاجة من دى بتحصل فى بقية دول العالم – اقرأى كدة عن المدرسة دى وشوفى الفرق وليه هما متقدمين ووصلوا القمر واحنا لسة بنستورد الاستيكة وابرة الخياطة :
http://my2cents.gawaher.com/8451
كويس ان انا لقيت حد يفهم الكلام اللى انا قولته بتمنى ان حضرتك تكون مدرس و اب صالح تعلم تلاميذك وابنائك الصراحه و عدم الخوف اللا من الى خلقهم فانا لا اخشى شئ غير ربى عزوجل بتمنى انكوا تدعولى بالنجاح وتحقيق احلامى انا وكل الطلبه وبتمنى ان كلامى يوصل للكل
التعليم بايظ نزلوا التنسيق شويه