آخر تحديث : 10-08-2013 الساعة 03:29 م
منجز ماكس 25 بيبطأ السرعة بعد استهلاك واحد ونص جيجا – ومنجز ملكس 20 بيطلب دفع 20 جنيه جديدة بعد وصولك الى استهلاك 1 جيجا
عشان كدة لو عاوز تقتصد فى استخدامك للنت وتستمر فى الاستمتاع بالسرعة العالية من غير ما تخش فى البطئ اللى يشل بقية الشهر حتى ميعاد التجديد – انصحك بالنقاط التالية:
الغى الصور:
فى متصفح جوجل كروم – ادخل على الاعدادات
Settings > Show Advanced settings > Content settings
وتحت Images ضع نقطة امام
Do not show any images
الغى الفلاش
تحت Plug-ins ضع نقطة امام
Block all
الغى الجافاسكريبت
ملفات الجافاسكريبت بتكون ساعات حجمها اكبر من الصفحة نفسها – ممكن تلغىيها من متصفح جوجل كروم واليك الطريقة – انقر بالزر الايمن للماوس على ايقونة جوجل كروم واختار الخصائص properties – وعند خانة Target اضف التالى فى آخر السطر:
-disable-javascript
يعنى سطر target حيبقى شكل آخره كدة:
“C:\Program Files (x86)\Google\Chrome\Application\chrome.exe” -disable-javascript
خللى المتصفح يفتكرك موبايل
معظم المواقع يوجد منها نسخة خفيفة تظهر لمن يستخدم سمارت موبايل – ممكن تستخدم الاضافة التالية اللى حتخللى المواقع تفتكرك بتتصفحها من خلال موبايل:
https://chrome.google.com/webstore/detail/ultimate-user-agent-switc/ljfpjnehmoiabkefmnjegmpdddgcdnpo?hl=en
لو اتبعت النصائح الاربعة دول حتستمتع بتصفح سريع جدا ورصيدك الشهرى مش حيخلص بسرعة
وطبعا حاول تستخدم شات تكست يعنى محادثة بالكتابة – لان الشات الصوتى يخلص رصيدك هوا – وطبعا الشات المرئى يخلصه اسرع
سؤال … انا عندى يو اس بي مودم اتصالات … حبيت اعملله سوفتوير ابديت … و نزلت الابديت بتاعه من موقع اتصالات .. لكن البروجرس ” Progress ” بتاع الابديت وقف عند 31 فى المية ” مع العلم باتباعى كل التعليمات … سيبك م النقطة دى … المفروض اليو اس بي يظهر كإنه “usb storage ” كمان … فوجئت بإن بعد ما الابديت فصل مبقاش الستوريدج ظاهر خالص … و جربت ع كذا جهاز تانى نفس النتيجة برضو … ايه المشكلة .. و ايه حلها ؟؟؟؟
بالمناسبة الراجل دا ونا بدور ع حل المشكلة ع النت لاقيته عنده نفس مشكلتى بالظبط … اقرا البوست و شوف الردود و هتوصلك مشكلتى بالظبط لو مكانت وصلت فى البوست بتاعى
تفضل اللينك اهو http://www.silkroad4arab.com/vb/showthread.php?t=508720
ملاحظة كمان … اليو اس بى بيخش ع النت عادى جدا … بس كان بيخش ع النت و كمان بيظهر يو اس بي ستوريدج … ناو هو شغال مودم بس .. الكمبيوتر مش شايف اي يو اس بي ستوريدج
انت مش محتاج غير الدخول عالنت – ظهوره كبرتيشن سببه انه بيتحط فيه كارت ميمورى لكن محدش بيعمل كدة
هل برنامج اتصالات بيفتح عندك وبتكونكت منه؟
خدها لفرع اتصالات حينزلولك الابديت فى دقيقة واحدة
حصل و خدتها هناك قالولى مفيهاش اي حاجة و كمان ادونى برنامج افتح بيه النت … المشكلة ان خلاص الجهاز معادش شايف اليو اس بي مودم على انخ يو اس بى … مش موجود ليه ايكونة زى ما تيجى تدخل فلاش ميمورى كدا ع الجهاز
مش لما تدخل اليو اس بي مودم ع الجهاز بيظهرلك علامة اليو اس بى تحت جمب الساعة ؟؟؟ و بيفتح ملف اوتو رن ؟؟؟ … اهو كل دا معادش ببيظهر
طب عدم امكانية ظهوره كبارتيشن دا سببه ايه ؟؟؟!!! ممكن تقوللى ؟؟؟ و هل فيه امكانية لجعل البارتيشن بتاعه يظهر تانى ؟؟ … مع العلم ان معايا السوفتوير اللى ادوهولى فى فرع اتصالات و مشغلنى نت تمام الحمد لله
واضح ان سببه عدم اكتمال نزول الفيرموير
عايزك تطمن وتعرف ان كل اللى انت محتاجه الدرايفر بتاع اليو اس بى – عشان تقدر تتصل بالنت – ودة موجود عندك
ظهوره كبارتيشن لا فائدة منه ولا يستخدمه احد – انت بس زعلان عشان حاسس ان فيه حاجة نقصت منك – لكن الحاجة دى مالهاش فايدة اصلاً
سؤال: هل فرع اتصالات حطولك السوفتوير داخل اليو اس بى مودم؟ وللا على اللاب توب بتاعك او فلاشة ميمورى؟
انت فعلا عندك حق انا جدا مدايق ان فيه فانكشن نقصت … بس اما روحت الفرع ادولى السوفتوير على فلاشة كانت معابا مش على المودم خالص
المشكلة مش فى البارتيشن يظهر وللا لأ – المشكلة ان كدة المودم مش حيشتغل على اجهزة أخرى غير جهازك
انصحك تروح لهم باليو اس بى مودم نفسها عشان ينزلولك الفيرموير بنفسهم عليه
انا لاغي البلاج انز ولاغي الجافا بس الغي الصور دي تبقي حاجه صعبه اوي !! مفيش حل اخر ؟
استخدم متصفح Opera واستخدم خاصية Turbo فيه – بيقولوا بيستهلك ميجات اقل بكتير فى التصفح – جرب وقول لنا
http://lifehacker.com/5791586/how-and-why-to-set-up-a-secondary-browser-optimized-for-slow-internet-connections
http://www.ghacks.net/2012/03/02/4-options-to-save-bandwidth-speed-up-web-browsing/
بجد انت برنس انت بجد مش معقول
انا من يومين بس بالصدفه اوبرا فتح معايا ولاقيت السرعه فيه احسن من جوجول كروم اللى انا بشتغل عليه بقالي اكتر من 4 سنين
انا كنت جربت اوبرا زمان ومعجبنيش
بس من يومين بس فتح ولاقيت لاالسرعه فيه احسن بكتير
وانا فعلا عليه دلوقتى بس هشوف واخد باي من حكايه ان الميجات اقل فيه دي والاحظها
الف شكرررررررررررررررر
مشكور مجهودك
يسعدنى ان معلوماتى المتواضعة أفادتك
ان شاء الله تلاقى فرق كبير فى استهلاك الميجات – لكن بعد استخدام فترة مش من اول يوم
البرنامج اللي علي فلاشة اتصلات قديم مش حديث وبالعربي ازي اعرف الباقة اللي انا مشترك فيهاانا كنت19وبعدين ارسلت رساله ل583وكل ما اعمل اتصال يقولي معاودة الاتصال اعمل ايه
سجل اشتراك جديد فى self care بالضغط هنا
سجل فيه رقم شريحة الداتا بتاعتك
بعد كدة تقدر تعرف كل حاجة – انت نظام ايه – ورصيدك – وتقدر تحول لنظام منجز