آخر تحديث : 04-01-2017 الساعة 12:21 ص
باقات منجز من اتصالات نوعين
ماكس 25
ماكس 20
فيا ترى ايهما انسب لك؟
اذا كان استخدامك الاساسى تصفح ومنتديات وفيس بوك وتويتر وايميلات – ولا تحتاج يوتيوب ولا محادثة – تشات صوتى او مرئى – اختار ماكس 25 لانه يعطيك 1.5 جيجا تصفح فى الشهر (لكن يعطيك نصف جيجا فقط يوتيوب وتشات) – وحتى لو استهلكتهم سيظل بامكانك التصفح لكن بسرعات بطيئة
اما اذا كنت من هواة التشات – المحادثة الصوتية او المرئية – ويوتيوب – فالافضل ان تشترك فى نظام ماكس 20 – لأنه يعطيك 1 جيجا تشات ويوتيوب فى الشهر – واذا خلصوا يمكنك شراء 1 جيجا اضافية ب20 جنيه تنتهى صلاحيتهم عند موعد التجديد الشهرى – يعنى لو انت بتشيت خفيف 20 جنيه ممكن يكفوك – ولو بتشيت كتير حتتكلف 40 جنيه فى الشهر
اذا كنت على ماكس 25 وعايز تحول الى ماكس 20 ابعت رسالة فاضية الى 592 – رسوم التحويل 10 جنيه تخصم من رصيدك
لشحن الرصيد سواءا لتجديد الاشتراك الشهرى او التحويل – من برنامج اتصالات على جهازك اضغط على Prepaid Packages ثم فى التصف السفلى من الشاشة اكتب ال15 رقم الموجودين فى كارت الشحن ثم اضغط زر Recharge
انا حاليا على باقة ماكس 25
انا مش بعمل فيديو شات بس بعمل داون لود واب لود كتير وعشان كده بشتري اكسترا ميجا بايتس ومعنديش مشكله فى ده
بس مشكلتى هي التصفح لان الباقه لما بتخلص السرعه بتقل اوي والتصفح العادي بيكون حاجه تزهق جدا انك تفتح موقع واحد
كل الاكسترا ميجا للداون لود ومش بيزود سرعه التصفح وحتي اتصلت بخدمه العملاء وقال لي مفيش حال
انت رايك ايه ؟ هل فيه حل
انا بفكر اشتري شريحه تانيه واشغل واحده ولما تخلص الباقه اشغل التانيه ويكمل التصفح معايا باقي الشهر
لو عندك حل اخر ياريت تقولي
مثلا طريقة اخري او توزيع اخري اعملها بحيث اخلي التصفح معايا لاخر الشهر ؟
تقدر تبعت رسالة فاضية الى 512 عشان يعملولك reset لسرعة التصفح فى حدود 500 ميجا تصفح – وممكن تعمل reset اكتر من مرة فى الشهر – تكلفة الreset فى المرة 10ج
لكن الحل الى انت قولته أفضل: اشترى شريحتين أو أكثر حسب استخدامك – وبدل ما تدفع اكسترا تشحن شريحة تانية وهكذا – وعلى فكرة الداونلود والابلود بيستمر معاك بسرعة 512 ك لغاية ما توصل 1.5 جيجا استهلاك – مش بس نص جيجا
انت بجد برنس
انت بتقول معلومه اول مره اعرفها
انا اتصلت بخدمه العملاء ومقاليش كده ههههههههههههههههههه قال لى مفيش زياده لسرعه التصفح وعمل طلبي كاقتراح باسمي ينظروا فى امره بعدين
انا هجربها الحكايه دي من باب التجربه لغايه ما اشتري شريحه تانيه
كده النص جيجا تصفح ب 10 جنيه يعني الجيجا ب 20 جنيه يبقي شريحه تانيه ارخص هتديني 3 جيجا ب 25 منهم جيجا ونص بسرعه عاليه
والله كنت بعمل تعليق عندك من باب الزهق مكنتش متصور انك تجيب لى معلومه جديده
انت شكلك شغال فى اتصالات مش معقول هههههههههههههه بتوع خدمه العملا دول المفروض يدروا على شغلانه تانيه بعد ما فضلت اسمع 20 دقيقه اعلانات في الاخر قال لى مينفعش ههههههههههههه وانت جبتهالي بكل بساطة حل تاني
الف شكر هجرب وارجع لك تاني قريبا
مممممممممم جيت اجرب وبعت رساله ل 512
قالي
Sorry, you must have one of the Extra MBs bundle to enjoy this service.
لازم اكون مشترك فى اكسترا الشهري تقريبا
دة حقيقى – انا اقترحت عليك تبعت ل 512 عشان انت ذكرت انك بتشترى اكسترا على طول
لكن لو ما اشترتش الشهر دة اكسترا ما ينفعش تستفيد من خدمة reset – الا فى الشهر اللى اشتريت فيه اكسترا – لذلك الأفضل ليك انك تشترى اكتر من شريحة
ليست لى علاقة يشركة اتصالات – لكن موقعهم العربى به معلومات ناقصة – تلاقيها بس فى النسخة الانجليزى – وخدمة العملا معذورين لان كتير منهم لسه جداد
اه فعلا انا بشتري اكسترا بس اكستر السهير 300 ميجا لاني جربت الشهري ولاقيت ان تمن الجيجا فيه اغلي وان اكسترا السهير تمن الجيجا فيه هى الارخص
يعني 3 مرات من اكسترا السهير = تقريبا 900 ميجا = 9 جنيه بس
انا جربت اكسترا سرعه ولاقيتها هبل وجربت اكسترا 700 ميجا ولاقيت الافضل هو اكسترا السهير بس ينفع اكتر للى بيسهروا من بعد 2 صباح
المهم
انا اشتريت اكسترا شهري 700 ميجا ب 15 جنيه وهجرب موضوع خدمه ال reset
الف شكر 🙂
باقه ماكس 25 افضل ولا باقه كونكت 25 ؟؟ ا
مفيش علاقة بين الاتنين
الاولانية فلاشة والتانية لخط الموبايل العادى
بس الاتنين زفت عموما اتصالات النت بتاعها بطئ يشل
شوفي فودافون احسن
السلام عليكم
انا لو اشتريت فلاشه مستعمله من حد ع باقه ماكس 20
هل الباقه دى بتفضل طول الشهر زى باقه ماكس 25 ولا ايه
؟
انا اهم حاجه عندى تصفح طول الشهر