امبارح الامام فى خطبة الجمعة أعطانا فكرة جميلة – فقمت بتطويرها الى لعبة مفيدة

احنا على ابواب الصيف وكل الولاد والبنات حيستمتعوا بأجازة طويلة

كتير من ولادنا بقوا منغمسين فى العاب الكمبيوتر والبلاى ستيشن . لو حاولت قبل كدة تعلم ولادك حفظ القرآن وفشلت – جرب اللعبة دى: خللى ولادك يتنافسوا على حفظ صفحات من القرآن ويكسبوا دنيا وآخرة

قواعد اللعبة:

• حدد قيمة للنقطة الواحدة – مثلاً 1 جنيه – أكثر أو أقل حسب مستوى معيشتك وعملتك المحلية طبعاً)
• الغى مصروف الولاد طوال شهور اجازة الصيف – وقول لهم ما يزعلوش لأنهم ممكن الصيف دة يكسبوا أكتر بكتير من مصروفهم
• كل صفحة قرآن ابنك يحفظها يكسب 5 نقاط – فى حالة ارتكاب أخطاء أثناء التسميع اعطى ابنك فرصة للمراجعة ثم التسميع مرة أخرى – وكرر ذلك ولا تعطيه النقود الا بعد ان يسمع الصفحة بدون أخطاء.
• بعد 30 يوم من حفظ كل صفحة لو استطاع ابنك تسميع نفس الصفحة بلا أخطاء يكسب 5 نقاط أخرى – لكن أى خطأ فى التسميع هذه المرة يخصم نقطة من الخمسة نقاط
• بعد 60 يوم لو استطاع ابنك تسميع نفس الصفحة بلا أخطاء يكسب 5 نقاط ثالثة – لكن أى خطأ فى التسميع هذه المرة أيضاً يخصم نقطة من الخمسة نقاط
• عند تحديد قيمة النقطة راعى ان تكون على الأقل نصف قيمة المصروف اليومى أو اكثر – مثلا لو مصروف ابنك 2 جنيه فى اليوم خللى النقطة ب1 جنيه على الأقل – عشان لما يحفظ الصفحة اليومية يكسب 5 جنيه بدلا من ال2 جنيه الى متعود عليها – لكن لو مصروفه أصلا 5 جنيه يبقى لازم يكسب 10 عن الصفحة عشان يبقى عنده حافز للإجتهاد فى الحفظ

ان شاء الله الآباء والأمهات يجربوا هذه اللعبة – ولو كنت انت ابن او ابنة: اقترح على والديك هذه اللعبة – واكسب دنيا وآخرة!