نظام الدراسة لطلاب الصف الثانى الثانوى العام

آخر تحديث : 07-05-2017 الساعة 12:12 ص

اليكم تفاصيل نظام الدراسة المطبق حالياً على طلاب الصف الثانى الثانوى العام

أولاً مواد مقررة على القسمين العلمى والأدبى

  1. اللغة العربية على ترمين: 24+24+12 درجة أعمال سنة = 60 درجة (النجاح من 30)
  2. اللغة الانجليزية على ترمين 20+20+10 درجات اعمال سنة = 50 درجة (النجاح من 20)
  3. اللغة الاجنبية الثانية على ترمين 12+12+6 درجات اعمال سنة = 30 درجة (النجاح من 12)
  4. الجبر على ترمين 8+8+4 درجات اعمال سنة = 20 درجة (النجاح من 8)
  5. التفاضل وحساب المثلثات على ترمين 8+8+4 درجات اعمال سنة = 20 درجة (النجاح من 8)

ثانياً مواد تخصصية

مواد مقررة على القسم العلمى

أحياء ترم واحد: 12+4 درجات عملى+4 درجات اعمال سنة = 20 درجة (النجاح من 8)

كيمياء ترم واحد: 12+4 درجات عملى+4 درجات اعمال سنة = 20 درجة (النجاح من 8)

فيزياء ترم واحد: 12+4 درجات عملى+4 درجات اعمال سنة = 20 درجة (النجاح من 8)

ميكانيكا ترم واحد: 16+4 درجات اعمال سنة = 20 درجة (النجاح من 8)

مواد مقررة على القسم الأدبى

تاريخ ترم واحد: 16+4 درجات اعمال سنة = 20 درجة (النجاح من 8)

جغرافيا ترم واحد: 16+4 درجات اعمال سنة = 20 درجة (النجاح من 8)

علم نفس واجتماع ترم واحد: 16+4 درجات اعمال سنة = 20 درجة (النجاح من 8)

فلسفة ومنطق ترم واحد: 16+4 درجات اعمال سنة = 20 درجة (النجاح من 8)

كل المواد السابقة تدخل فى المجموع

المجموع من 260 والنجاح من 130 (علمى او ادبى زى بعض)

ثالثاً مواد مقررة على القسمين العلمى والأدبى خارج المجموع

  1.  تربية دينية
  2. مواطنة وحقوق انسان
  3. تكنولوجيا معلومات واتصالات

يشترط فى تلك المواد الثلاثة النجاح فقط ولا يضافوا الى المجموع الكلى

قرار الوزير التالى تم تعديل المادة رقم 3 فيه – وهى التى كانت تنص على ان الطالب له الحق فى التحويل الى الشعبة الأخرى (من علمى الى ادبى او العكس) خلال أول 30 يوم من بدء الدراسة – والتعديل الجديد جعل هذا الحق ممتد طوال الترم الأول بشرط أن يكون التحويل قبل بدء امتحانات الترم الأول

تحديث

كثير من اعزائى الطلبة يسألون عن درجات الترم الاول فى المواد الغير منتهية – مثل الجبر والتفاضل والعربى واللغات – وأحب أطمئنكم كلكم أنه فى تلك المواد مفيش سقوط ولا ملحق فى الترم الاول فى تلك المواد – حتى لو جبت صفر – المهم هو مجموع آخر السنة – يعنى مجموع الترم الاول + الترم الثانى + اعمال السنة
هناك شرطان للنجاح فى تلك المواد الغير منتهية (اللى بتكمل معانا فى الترم الثانى) :

  • الشرط الاول ان تكون درجة الطالب فى الترم الثانى  على الاقل ربع درجة الامتحان التحريرى (يعنى لو طالب جايب الدرجة النهائية فى الترم الاول وفى اعمال السنة لكن جاب اقل من الربع فى الترم الثانى – كدة يبقى عنده ملحق – اما العكس لو جاب صفر فى الترم الاول مفيش مشكلة طالما حقق الشرطين المذكورين)
  • الشرط الثانى الا يقل المجموع الكلى (الترم الاول + الترم الثانى + اعمال السنة) عن 40% – أى 8 من 20 – ما عدا العربى النجاح من 50%

لمزيد من التفاصيل وقراءة قرار الوزير اضغط هنا

شارك هذا الموضوع
error

337 تعليق

    • لا حد أقصي للملاحق في الدور الثاني ، يمكن أن تدخل المواد كلها ملاحق ، مع ملاحظة أن الدور الثاني من غير أعمال سنة

    • اذا كنت جايبة 7في الانجليزي لازم اجيب كام الترم الثاني ارجو الرد

      • دة يعتمد على درجتك فى اعمال السنة – اسألى المستر حطلك كام
        فمثلا لو حطلك 5 درجات يبقى كدة 7+5=12
        كدة تبقى محتاجة 8 فى امتحان الترم الثانى

  1. يعني لو جايبه في الجبر الترم الاول ٣ وفي الترم التاني جبت ٣ اساسي هاخد ٢ اعمال سنه وكده هنجح ولا ايه وشكرا

    • بالضبط كدة تبقى ناجحة باذن الله
      شرط النجاح فى الجبر انك تجيبى 2 على الاقل فى الترم الثانى ويكون المجموع الكلى 8 على الاقل

  2. السلام عليكم كنت عايزة اسال حضرتك بالنسبة للصف الثاني الثانوي العلمي عندي اربع دروس ملحق
    كدة ابقى انا ملحق ولا سنة جديدة لا قدر الله
    يعني ممكن اشيل 4 دروس ملحق ؟؟
    ارجو الرد.. و شكراً

  3. لو سمحت يا مستر انا فى سؤال موترنى اوى وخايف اوى بجد
    دلوقتى امتحانين الجبر من 16 والدرجه كلها من 20 والنجاح من 8
    وانا جايب 3 من 8 ف الترم الاول هل لازم اكون جايب 8 من 16 فالامتحانين بدون مساعده اعمال السنه؟ ماينفعش اعمال السنه تساعدنى؟

  4. معلش يا مستر انا اسف هعيد السؤال تانى علشان مش واضح خالص
    دلوقتى لو فى واحد جاب ف الجبر 3 من 8 فالترم الاول .و2 ف الترم التانى وواخد 3 ونص اعمال سنه .. هل هو كده ناجح؟ ولا لازم يجيب ال 8 من 20 بدرجاته ف ورقه الا متحان فقط؟

    • النجاح من 8 بما فيها درجة اعمال السنة
      يعنى 3 + 2 + 3.5 = 8.5 ناجح
      للنجاح شرطان:
      1- المجموع الكلى لا يقل عن 40% (8 من 20)
      2- درجة الترم الثانى لا تقل عن ربع الدرجة (2 من 8)

  5. ارجوكم فيدوني انا ف الرياضه بيكتبوا ف الشهاده الدرجه من 8 مش من 20 وجبت الترم الاول 3.8 من 8 يبقي اجيب كام الترم التاني من 8 عشان انجح

    • النجاح من 8 بما فيها اعمال السنة – يعنى فاضل لك 4.2 درجة
      فلو المستر حط لك 2 اعمال سنة مثلا يبقى محتاج 2.2 فى الترم الثانى
      وبالتوفيق ان شاء الله

  6. وهل انا مجموع درجات الترم الاول ف الجبر 3.8 من 8ولا لسه في درجات اعمال سنه

  7. شكرا يا مستر بجد ربنا يخلى حضرتك
    امال ليه فى واحد صاحبى كان جايب 1 من 8
    راح فى مستر رياضه جاله لازم تجيب الترم ده 7 من 8 عشان تنجح وبعديها بقى يبقى يضافلك اعمال السنه

  8. شكل توزيع الدرجات ف الاسئلة امتحان الاحياء هو اقل حاجة لازم تجيب 3 درجات ف الورقة يعنى سوال من الاربعة و هوا الاسئلة كلها زى بعضها ف الدرجات يعنى كل سؤال ب 3 درجات او ياريت اعرف بس توزيع ال 12 درجة ازاى

  9. لو سمحت انا دلوقتي جايب في الجبر الترم الاول ٠.٤ والتفاضل ٠.٦ لازم اجيب كام الترم الثاني وانا واخد اعمال سنة كاملة والعربي جايب الترم الاول ٦ لازم اجيب كام الترم الثاني وانا معفي من اللغة الأجنبية الثانية المجموع يبقى من كام و الي أعرفة لو الطالب كان جايب اكثر من ثلاثة ملاحق يعيد السنة كلها ؟؟ في حالة أني لأقدر الله أني سقطت مجموع الوضع هيبقى ازاي ……، و شكرًا ليك

    • لا يوجد حد أقصى لعدد الملاحق
      ولو رسبت فى المجموع تقدر تختار أى مادة تعجبك لتحسن مجموعك
      بالنسبة للجبر 0.4 + 4 اعمال سنة = 4.4 يبقى محتاج تجيب فى الترم الثانى 8-4.4= 3.6
      التفاضل 0.6+4=4.6 يبقى محتاج تجيب فى الترم الثانى 8-4.6=3.4
      بالنسبة للعربى انت جايب 6 يبقى عشان تنجح محتاج 30-6=24 اخضم منهم درجاتك فى اعمال السنة والباقى محتاج تجيبه فى الترم الثانى
      فمئلا لو واخد 12 اعمال سنة يبقى محتاج 24-12=12

  10. لو سمحت انا ف ٢،ثانوي عام و اتفصلت الترم التاني بسبب الغياب و اتحولت منازل
    لازم اجيب كام عشان انجح ف الامتحانات سواء ف المواد المنتهيه او المش منتهيه

    • طب ما تعمل اعادة قيد ب30 جنيه وتدخل الامتحان عادى مع زمايلك
      اما لو منازل فاعتقد مالهاش اعمال سنة
      يبقى كدة مفروض تجيب 40% على الاقل فى كل امتحان عشان تنجح ماعدا العربى 50%
      مثلا الكيمياء محتاج تجيب 8 من 20 فى الامتحان وهكذا

  11. لو سمحت انا تانية ثانوي عام انا كنت مش بروح المدرسة ولا دخلت امتحانات الشهر بس متفصلتش وحضرت العملي عادي فكدة لية اعمال سنة والا لا

    • غالبا لأ لان اعمال السنة بتتوقف على الحضور وأداءك فى الفصل وامتحانات الشهر وملهاش دعوة بالعملى – عموما اسأل المدرسين بتوعك عشان تعرف درجاتك فى اعمال السنة

  12. لو سمحت يعني ايه رسبت ف المجموع … ويعني ايه اختار ماده احسن بيها

    • واحد رسب فى المجموع يعنى جاب اقل من 50% من المجموع الكلى آخر السنة
      وفى الحالة دى يختار مادة يمتحن فيها ملحق لتحسين مجموعه

  13. امتحان الميكانيانيكا السوال عليه كم درجة لو الامتحان من 5 اسئلة؟ بعد القسمة

  14. انا في تانيه ثانوي لو جبت درجه النجاح في كل ماده الي هي (النهايه الصغري) ممكن اجيب ملحق مجموع ولا هترفع ولا هعمل ايه

    • النهاية الصغرى فى جميع المواد لا تكفى لانك حتبقى راسب مجموع
      فى الحالة دى لازم تختار مادة تعيد فيها ملحق عشان ترفع مجموعك

  15. انا كنت جايب 5.5 الترم الاول في الجبر و حليت الترم دا اختر و جزءيت من سؤال يبقي انا كدا ناجح

  16. مرحباً
    لو سمحت يا أستاذ محمد
    انا الترم الاول شايل ميكانيكا
    وحاسس اني هشيل جبر
    بس لو مجموعي جاب النجاح
    هل همتحن فيهم دور تاني ؟ ولا هعدي السنة ؟
    وشكرا لحضرتك

    • نجاحك فى المجموع دة حاجة وسقوطك فى أى مادة دة حاجة تانية ملهاش دعوة بالمجموع
      طبعا حيبقى عندك ملحق فى اى مادة شلتها

      • طب انا لو شلت 3 مواد اعيد السنة ؟
        لو مجموعي مجبش ال 130 اعيد السنة ؟
        وهل لو عدت السنة لا قدر الله في حاجة اعملها علشان اتجنب الاعادة ؟

        • متخفش انت حتى لو شلت جميع المواد حتدخل ملحق فيهم – ولو ساقط مجموع برضه عادى بتختار مادة تحسن بيها مجموعك
          مفيش سقوط فى الدور الاول – المهم ان شاء الله تشد حيلك وتنجح فى الملاحق

Comments are closed.