آخر تحديث : 14-09-2013 الساعة 06:50 م
تحديث
الوزير الجديد طبعاً غير فى نظام الثانوية العامة الجديدة – على اساس ان طلبة مصر فئران تجارب وكدة
لمعرفة التغييرات الجديدة: اضغط هنا
آخر تحديث : 14-09-2013 الساعة 06:50 م
تحديث
الوزير الجديد طبعاً غير فى نظام الثانوية العامة الجديدة – على اساس ان طلبة مصر فئران تجارب وكدة
لمعرفة التغييرات الجديدة: اضغط هنا
الموضوع هو اضافة مادة الجغرافيا كمادة اساسية للثانوية الجديدة وهى مادة كانت تدرس كمادة مستوى رفيع باختيار الطالب واضافة الى ذلك هو عدم وجود معلمين كفاءة لتدريسها وتسهليلها على الطالب وتصحيحها من خمسة وسبعين درجة فهذا كثير جدا على هذة المادة لانها مليئة بالحشو الذى لا قيمة له بالنسبة للطالب فنرجو منكم خلق حل لهذة المادة اما الغائها او كونها
مستوى رفيع او تخفيض درجاتها وشكرا لكم
لأ يا آية انتى فاهمة غلط
فى النظام القديم الطالب كان بيدرس كل منهج الجغرافيا فى ثانية وكل منهج التاريخ فى ثالثة
فى النظام الجديد الطالب بيدرس نصف منهج التاريخ ونصف الجغرافيا فى ثانية – والنصف الثانى للمنهجين فى ثالثة
هى هى العملية مش اكثر ولا أقل
جميل
بتكلم جد؟
ده مرسى وقنديل ولاد كلب خربو التعليم يرايت حسنى مبارك يرجع والله كان فيه الخير
ماشي يا عبد البيادة
حسبى الله و نعم الوكيل فيك ياليكاتب الكلام ده ما صح إنتوا عايزين تعيشوا عبيد للمخلوع حسنى
النظام الجديد ظلم مادة علم النفس والاجتماع فبعد ان كانت اجباريه على طالب الادبى ويختارها طالب العلمى اصبحت اختيارى على طالب الادبى وهذا ظلم بين – ونحن كمدرسين لمادة علم النفس حرمنا من تدريس طالب القسم العلمى ولم يصبح لدينا دور ف تخريج الاطباء والمهندسين وغيرهم من النابغين
معك حق – لكن هذا من وجهة نظر المدرسين ففيه ضرر بالغ لمصالحهم
اما الطالب فيتمنى لو خفضوا المواد لتتبقى مادتين او حتى مادة واحدة يدروسنها فقط !!
لإن الشعبة العلمية مش محتاجه الكلام إلى مابيتفهمش الموجود فى كتاب علم النفس فى حاجة
والله حرام عليهم دة اللي بيعملوا فينا طب واللي مايقدرش يجيب المجموع دة يعمل اي؟
انا عايزة اعرف لو انا اخترت علمي علوم ومجموعي مجابش العلمي العلوم دة اعمل اي هل ساعيد السنة من الاول ام لا؟ ارجو من حضرتكم التوضيح
السؤال مش واضح
يعنى ايه “لو مجموعي مجابش العلمي العلوم” ؟
ودى هتبقى اصعب ولا ايه بالظبط
السلام عليكم و رحمة الله و بركاته عايزأعرف هل سيتم تطبيق نظام اختبار القدرات للقبول فى الجامعات وهل لو النظام ده اتطبق سيتساوى الطلاب اللى جايب 100% و الطالب اللى جايب 50% وايه الاسئلة اللى هتيجى فى هذا الاختبار.
أرجو الرد من حضراتكم
النظام الذى ذكرته غير مطبق حاليا – وهو مجرد أفكار لم يتم اتخاذ قرار بشأنها بعد
ولو طبق فهو سيقلل كثيرا من ضغط الثانوية العامة وسباق المجاميع المحموم والدروس والسناتر
لكن عيبه أنه ممكن يخترق عن طريق الوسايط والرشاوى – لذلك يجب ان يعد نظام محكم له لا يسمح بأى تلاعب ويضمن فرص متكافئة للجميع
وانا مع عدم الاعتداد بمجموع الثانوية العامة ويكفى فيها النجاح فقط والمعيار الحقيقى يكون فى اختبارات القبول لكل فئة من الكليات – يعنى اختبار قبول لكليات الطب – وأخرى لكليات الهندسة – وهكذا
ياريت تكون سهله
في سؤالين الاول: بالنسبة لطلبه المدارس اللغات علمى علوم هل اجباري ان تكون الفيزيا والكيمياء والاحياء باللغة الانجليزية ام يمكن اخذها بالعربية السؤال الثانى بالنسبة لابنائنا في الخارج مملكة البحرين هل ستدخل سنة تانيه ثانوى في المجموع ام لا
أنا أٍسأل هل هناك تعديلات فى مقرر علم النفس والاجتماع للصفين الثانى الثانى الثانوى والصف الثالث الثانوى
وما الاختلاف فى تقديم المنهج للصفين
أرجو التوضيح واذا فعلاً هناك تعديلات أو تغير على المقرر أرجو التوضيح وأين أجدها
لو حضرتك مدرسة يبقى سؤالك دليل ادانة واضح لوزارة التربية والتعليم اللى عايشة فى منتهى التخبط وسايبة المدرسين يبحثوا عن اى معلومة عشان يقدروا يحضروا للعام الدراسى الجديد – امال الطلبة بقى يعملوا ايه
كل سنة التعليم فى مصر من سئ الى أسوأ – واقتربنا من الانهيار التام للعملية التعليمية – وجهابذة الوزارة وخبراءها ومستشاريها نايمين فى العسل
عموماً: تفضلى يمكنك تنزيل توزيع مناهج علم النفس والاجتماع – تانية وثالثة ثانوى للعام المنتهى 2012-2013 – من هنا:
ثانية ثانوى ترم اول ftp://distribution-ftp.moe.gov.eg/Sec2/Psychology_sec2.rar
ثانية ثانوى ترم ثانى ftp://distribution-ftp.moe.gov.eg/Sec2/Psychology_sec2-2.rar
ثالثة ثانوى http://portal.moe.gov.eg/elearning/Sec/Documents/Psychology3.rar
أما العام الجديد فالظاهر لسة بدرى على ما ياخدوا بالهم ان فيه سنة دراسية جديدة اصلاً – هما عادةً بيفوقوا بعد اجازة نصف السنة – دة لو فاقوا
طب وبالنسبة للحضور ؟؟ عليه نسبة ولا ايه ؟؟
أرجو الرد
القرار الوزارى لم يذكر شئ عن الدرجات بالنسبة للغياب – لكن ذكر ان الطالب اللى يتغيب اكثر من 15 يوم متصلة او 30 يوم منفصلة يفصل من المدرسة – ولو الطالب حضر اقل من 85% من ايام الدراسة لايسمح له بدخول الامتحان كطالب منتظم وانما يحول الى نظام المنازل
يبقي حرام والله اننا نروح مدرسه لان ممكن في الوقت ده نقعد نزاكر احنا مش بنستفاد حاجه من المدرسه كده كله يحول منازل احسن
والله انتو ناس مش عندكو رحمه فينا
هو الكلام ده بجد ولا انتو بتخوفونا
ازاى العربى عليه 100 درجة هى عملية تعجيزية طب خلوها فى اى مادة تانية العربى فيه موضوع تعبير وتقديرى لكن اى مادة اخرى سوف يكون فيها عدل مش ناوين نتغير لافضل
ازاى العربى عليه 100 درجة هى عملية تعجيزية طب خلوها فى اى مادة تانية العربى فيه موضوع تعبير وتقديرى لكن اى مادة اخرى سوف يكون فيها عدل مش ناوين نتغير لافضل وازاى فى مدارس احنا مش بنستفاد منها خالص ونروح كل يوم وكمان نروح الدروس طب امتى هنذاكر بجد دا ظلم
ممكن اعرف 65% ادبى ممكن الكليات المتاحة اية
كليات ومعاهد كتير جدا – الحد الادنى للقبول السنة اللى فاتت حتلاقيه هنا:
http://tansik.egypt.gov.eg/application/LimitA2012.htm
يا جماعة انا طالبة ثانوية و طالعة تالتة و مش عارفة ان كان القصة الملحقة بمادة الانجليزى هتتغير زى السنة اللى فاتت و لا هيسيبوا القديمةوكمان ازاى هنمتحن المواد العلمية التلاتة (الفيزيا_الكيميا _الاحياء)ازاى يعنى فى اخر العام و لا على ترمين .
و شكراً على الجهد الكبير المبذول من قبلكوا و ربنا يبارك فيكم يا رب
مفيش معلومات بتقول ان قصة انجليزى تالتة حتتغير عن السنة اللى فاتت
ورالنسبة لكل المواد فى تالتة امتحانهم آخر السنة فقط – مفيش ترمين فى تالتة
وبالتوفيق ان شاء الله وشكرا لدعائك وكلماتك الكريمة
بالنسبة لتوزيع المنهج بتفكرنى برنامج كل مرشى في الانتخابات زيى الفل ولكن ايه العائد على الطالب وهو الاتى
1- عدم احترام المنهج ( عن طريق ضعف اكفائة بعض المدرسين – والغاز كتب الوزارة)
2- الكفاءات الغير متوقع من واضعى المتحانات ( اختراع فيى وضع الامتحانات )
3- غياب الطالب الادبى عن بعض المواد العلمية والعكس
المقترح من جهة نظرى ويتحمل النقد
1- ان تكون المادة العلمية زات وضوع وترسيخ للحياة المستقبلية
2- ان تكون الماده مرتبطة ببعض الابحاث حت تفيد الطالب فى الحياه الجامعية
3- رغم عيوب النظام القديم ولكن هناك ميزه وهى ان كل ماده على الاقل مرتبطة بكلية من كليات الجامعة
افكار جميلة بس اللى يفهمها
هو ده نظام الواسطة بيجبرنى اخذ درس مع مدرس الفصل وهو اصلا مابيفهمش حاجة
فى ثالثة ثانوى لاتوجد أعمال سنة – يعنى مدرس المادة لا يستطيع التحكم فيك – وتقدر ما تاخدش عنده اى درس