تجربتى مع بطارايات فارتا للسيارات

آخر مرة اشتريت بطارية لعربيتى كانت منذ اكثر من 5 سنوات – كانت بطارية فارتا B18 45A 420 – طبعا هذا زمن قياسى فالبطاريات العادية تدوم سنتين على الأكثر – وهى لم تحتاج طوال تلك السنوات الخمس الى صيانة من اى نوع – فهى من نوع البطاريات الجافة وبالتالى لا تفتح ولا تزود باى سوائل

والان حان وقت شراء بطارية جديدة – طبعاً صممت انى اشترى فارتا – لكن التوكيل قال لى ان موديل B18 اصبح لا ينتج (بحثت ولقيته مازال بيباع فى المانيا – لكن بسعر أقل من B19) – ويوجد بدلا منه B19 45A 400 – وهى نفس الحجم – ابعادها 207x175x190mm

اشتريتها من توكيل فارتا – اسمه ممدوح مبروك غطاطى – وله فروع كثيرة فى القاهرة والمحافظات

نصيحتى لكم قبل الشراء ان تفاصلوا مع البائع – فقد قال لى ان سعرها بعد ان اعطيه البطارية القديمة 400 جنيه – فقلت له طب آخر سعر كام قال لى 380 – وفى الآخر أخذتها ب360 جنيه – يعنى نزلت معاه 40 جنيه – فلو واحد تانى مش بيعرف يفاصل حيدفع 40 جنيه زيادة!

الغريب ان نفس البطارية سعرها فى بلدها – المانيا – 78 يورو اى مايعادل 685 جنيه! – هى فى مصر انتاج الاتحاد الاوروبى – لكن فرق السعر اقل بكتير جدا

بطاريات فارتا معروفة بالقوة وطول العمر – عيبها الوحيد ان مفيهاش مؤشر يبين لك نسبة الشحن – لكن قوتها وعمرها الطويل لا يقارن الصراحة – وهى موجودة عند محلات كتيرة بس الافضل الشراء من الوكيل عشان ما تكونش مركونة – ويفضل تشترى من فرع قريب منك لان الضمان سنة وبيشترطوا انك تعدى عليهم كل شهر خلالها عشان يعملوا تشك على الدينامو

لمعرقة أقرب فرع من فروع غطاطى – وكيل بطاريات فارتا – اضغط هنا

 

شارك هذا الموضوع
error

2 تعليقان

  1. بصراحة اللى انتى بتكتبة انا بستفيد منة اكتر من الرغى الكتير اللى ملوش فايدة فى التلفزيون و من اللى الواحد اتعلمة فى المدارس و الجماعات و بعد ما اتخرج لقى انة ما بيعملش حاجة ب 99% من اللى درسة, هما لو يعلموا الحاجات اللى نستفيد منها و ازاى نعيش و بعد كدة لو احتجنا كمياء و خزعبلات نبقى ندرسها
    جزاك الله خيراو جعلة فى ميزان حسناتك

اترك رداً على عمو محمد إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.