تجربتى مع منتجات فراخ كوكى

توجد فى الأسواق عشرات الماركات التى تقدم قطع الدجاج سابق الطهى – مثل كوكى – اطياب – ثرى شيفس – المراعى – جاهز

اضغط هنا

معظم هذه المنتجات مقلب – لأنها ليست لحم دجاج حقيقى وانما مجرد عجينة من النشويات مع طعم صناعى وربما جزء بسيط من الدجاج قد يكون من الجلد او الأجزاء التى لا تؤكل

لكن منتجات كوكى مختلفة تماماً – على الأقل منتجاتهم الجديدة – فقد اشتريت عبوة “كرسبى ستريبس” (Crispy strips) فوجدناها لحم صدور دجاج حقيقى وليس عجينة كالمنتجات الأخرى – وطعمها رائع يفوق الوصف – التتبيلة بتاعتهم تجنن ومختلفة خالص عن أى محاولات بيتى – عيبها الوحيد بس ان القطع مبعجرة مش مبططة – وانا بأحب احمر فى زيت قليل مش بطريقة الغمر – عشان ما استخدمش الزيت تانى – لكن ممكن التغلب على دة باننا نغطى الطاسة ونتركها على نار هادية خالص – وسأجرب عبواتهم الأخرى واكتب لكم عنها هنا قريبا باذن الله

اسعار كوكى معقولة جدا وربما أرخص حتى من الدجاج الطازج – فمثلاً صدور الفيليه وصلت 42 جنيه وقت كتابة هذا الموضوع – بينما عبوة صدور الدجاج البانيه سابق الطهى كوكى وزن كيلو ونصف سعرها 50.50 – يعنى الكيلو بحوالى 34 جنيه فقط – وعليه بطاطس هدية كمان!

وهناك عبوة 8 قطع صدور بانيه ب25 جنيه لكن وزنها مش مكتوب على الكيس

منتجات كوكى نوعين عادى وسبايسى – انا باشترى العادى عشان مش كل افراد الاسرة بيحبوا الشطة

ربما تكون هناك ماركات اخرى تستخدم لحم صدور دجاج حقيقى زى كوكى – لكن بالنسبة لى كوكى عن تجربة مضمون وطعامته خطيييييييييرة

والجميل فى هذه المنتجات اننا فى اى وقت مزنوقين ومفيش اكل فى البيت نطلع عدد القطع اللى احنا محتاجينها من الكيس فى الفريزر – وفى خمس دقائق تكون عندنا وجبة جاهزة كسندوتشات سريعة او مع ارز ابيض – مفيش اسهل ولا اسرع من كدة

تحديث
اشتريت صدور بانيه كوكى عبوة التوفير وزن كيلو ونصف – اكتشفت انها عجينة – بدليل ان كل القطع – وعددهم 31 قطعة – على شكل مثلث بنفس الحجم والابعاد – وطبعا قطع صدور الفراخ الطبيعية لا تكون بهذا الشكل وتكون مختلفة الأبعاد – اما العجينة فيشكلونها فى قوالب لهذا تأتى متماثلة فى الشكل والابعاد

طعم صدور البانيه لم يعجبنى – البانيه البيتى اطعم بكتير

وأيضاً اشتريت كفتة دجاج شرقى كوكى – سعر الكيس 12 جنيه مع بطاطس هدية – مكتوب على الكيس ان به 36 قطعة كفتة – لكننى وجدت 31 قطعة فقط – لكن وزن الكفتة سليم نصف كيلو – بس واضح انها قوالب عجينة ايضا من شكلها المنتظم المستطيل وكل القطع بنفس الابعاد ايضا

طعم الكفتة الشرقى سيئ جدا – الكفتة عبارة عن بقسماط بس تقريبا – وهناك شريحة رقيقة جدا من مادة مفرومة المفروض انها لحم فراخ لكن طعمها ابعد ما يكون عن لحم الفراخ او اى لحم الحقيقة! ممكن نقلى بقسماط معجون بماء والطعم حيبقى افضل من كوكى

الخلاصة – بعد تجربة منتجات كوكى – ان المنتج الوحيد الجيد هو الكرسبى ستربس – لانها مكونة من لحم صدور صحيح حقيقى – اما باقى منتجاتهم فعبارة عن عجينة خسارة فيها الفلوس – والريحة اثناء القلى بشعة تخللى الواحد يجيب اللى فى بطنه

بصراحة مفيش احلى ولا اطعم من اكل البيت – بلا كوكى بلا موكى – بس خلاص – توبة

لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

8 تعليقات على "تجربتى مع منتجات فراخ كوكى"

avatar
أم عبد الله
ضيف
أم عبد الله

فعلا دجاج كوكي طعمه جنان ولكن ماذا عن مادة أحادى جلوتومات الصوديوم”المسببة لذلك الجنان

ام سيف
ضيف
ام سيف

كلامك صح بس كان زمان دلوقتي كلها عجينة وجلد بجد تقرف كله عايز يكسب ويلم حق الإعلانات و مش مهم المستهلك

احمد
ضيف
احمد

تحياتي للجميع . لاكني قرات وعرفت ان صدور الدجاج الفراخ البيضاء – ضارة للغاية لانها تحتوي علي هرمون الاستروجين والذي يضر كثرته بالنسبة للرجال والنساء واعني الرجال خاصة – وايضا ضار للنساء فهو اصلا هرمون يفرذ لدي الاناث ولاكن كثرته تؤدي لعواقب وخيمة – يتم حقن الدجاج الابيض الفراخ البيضاء بهرمون الاستروجين لكي تكبر وتنمو سريعا – مما يحعل اكلها ضار جدا بالنسبة للرجال والنساء وايضا الاطفال
وارجوا من الجميع التحقق والبحث في ذلك الموضوع لانه امر خطير جدا وبالغ الاهمية
الله يحفظ جميع المسلمين

muhammad
ضيف
muhammad

تحياتي ليك

بقالى فترة بدور على ملح صخري تعرف اجيبه منين؟؟؟

وياريت لو سمحت الفيس بتاعك عشان اعرف اتواصل معاك انا غاوي مطبخ كدا زيك

‫wpDiscuz