تقييم شاشة جاك Jac LCD

Posted by on

اشتريت منذ أيام تليفزيون ال سى دى ماركة جاك 39 بوصة – ووجدته بصراحة مقلب – فأولا القوائم بتاعته تتميز بالغباء – فلو شاهدت قنوات من الريسيفر ثم اغلقت التليفزيون – عندما تفتحه لا يفتح تلقائيا على الريسيفر وانما عليك ان تضغط 4 مرات – فى كل مرة

واذا شاهدته من الجنب تجد الألوان ممسوحة والشاشة ميالة للون الأبيض – والصورة غير نقية عند مشاهدة قنوات الدش ولا تشعر انها full HD
ومن أكبر عيوبه ان به مخرج واحد فقط HDMI فاذا تلف هذا المخرج فلا يوجد بديل آخر ولن يمكنك مشاهدة اى قنوات من الريسيفر او توصيل اى جهاز على الاطلاق!

لا أنصحكم بشراء شاشات جاك حتى لا تصابوا بالندم – هى صحيح سعرها رخيص – بس بفرق بسيط ممكن تشتروا أحسن منها بكتير

طبعا رجعت الشاشة فى نفس اليوم – وهذا من مزايا الشراء من الهايبرات الكبيرة مثل سبينس وكارفور – واشتريت بدلا منها تليفزيون Haier  هاير 39 بوصة ممتاز

16 Comments

  1. اصحابى وكل الناس.. موضوع هام جدا عن شاشات جاك
    اشتريت شاشه جاك 39 بوصه من كارفور ال سى دى وكنت فرحان ان فيه عرض على السعر 3000 جم وكان هناك شاشه بلازما سامسونج 43 بوصه بنفس السعر
    لكن الشيطان شاطر واشتريت ال جاك.. والله العظيم لازم اصحاب الشركه المنتجه يتسجنوا لقيامهم بالتدليس والغش التجارى على الشعب المصرى المطحون.. الشاشه بعد اقل من سنتين باظت وعملت خطوط عرضيه كثيره ولما ذهبت للشركه ( المقطم-القاهره) الصيانه بكل بساطه قالت ان الشاشه
    كده بالسلامه ولازم تدفع 1800 جم (شوفوا النصب) وحاولت اقول لهم ان الضمان 3 سنوات وان اى شاشه فى الدنيا تعمل كده يكون عيوب فى التصنيع
    والخامات.. عليه العوض ومنه العوض يا شويه حراميه بتغشوا والرقابه مش موجوده لحمايه المستهلك المصرى..مش كده والا ايه
    تحذير هام بلغ كل حبايبك الابتعاد عن منتجات هذه الشركه علشان مايرميش فلوسه وعلشان سعره رخيص شويه..وربنا يعوض على ..

    رد على هذا التعليق << to this comment

    • وكمان من كارفور؟
      تحدير لكل الناس – عروض كارفور بتبقى سلع رديئة
      بيتعاقدوا مع المنتجين على انتاج خط خاص بكارفور بمواصفات أقل – مثلا السماعات بتاعة الشاشات والتليفزيونات – فتلاقى نفس الموديل فى معارض المنتج صوته ممتاز بينما نفس الموديل من كارفور سماعاته ردؤئة وكانك بتسمع من كوز صفيح

      رد على هذا التعليق << to this comment

  2. عليه العوض ومنه العوض انا اشتريت شاشة جاك 32 بوصة والتاجر قعد يوصف فيها كانها ابداع غير مسبوق صدقته واشتريت الشاشة وانا فرحان بالامكانيات اللى فيها وبعد ماروحت البيت شغلتها ولاحظنا ان الصوت عند مستوى معين بيختفى ولما نعلى الصوت يطلع فجاة قولت مش مشكلة حاجة بسيطة وبعد كام شهر التليفزيون فجأة اتجنن وبقى يعمل حاجات غريبة يعنى مثلا يقفل ويفتح لوحدة ويغير فى النظام لوحه والصوت يعلى جدا ويرجع يوطى لوحده وحاجات تانية كتير مش عايز اطول عليكوا المهم اتصلت بالشركة قالوا مشكلة system وهيتكلف من 500 ل 600 جنيه غير طبعا اجرة السيارة اللى هتنقل المرحوم قصدى المجنون للشركة وترجعه يعنى فيها بتاع 1000 جنيه مع ان المشكلة من عندهم وسيستمهم البايظ . بصراحة استخسرت ادفع فلوس تانى لشركة معندهاش ضمير وفهمت اللعبة يبعولك المنتج رخيص شوية عشان عارفين انك هترجعلهم تانى وهياخدوا الباقى وازيد . بجد انا مش مسامحهم وحسبى الله ونعم الوكيل

    رد على هذا التعليق << to this comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.