اتحكم فى اللى اسرتك تقدر تعمله على النت

آخر تحديث : 24-10-2015 الساعة 12:14 ص

معظم الاباء والامهات بيكون ولادهم اشطر منهم فى استخدام الكمبيوتر واللاب توب والموبايلات – لكن دة غلط – لازم الاب او الام يكونوا على دراية كافية عشان يقدروا يحموا ولادهم من اضرار النت

اضرار النت كتير جدا – فالنت على اد ماهو ممكن يكون مفيد جدا – ممكن برضه ناس تانية يضيع وقتهم فيما لايفيد او يتعلموا حاجات تبوظ اخلاقهم – عشان كدة رب الاسرة لازم يكون عارف ازاى يحمى اسرته من مثل تلك الاضرار اللى انتشرت بشكل كبير

OpenDNS تقدم خدمة ممتازة لحجب المواقع الاباحية وأى محتوى لا تريد اسرتك ان تراه – كل المطلوب هو استخدام ارقام الIP الخاصة بهم – بدلا من ارقام شركة الانترنت اللى انت مشترك فيها – سواءا على جهاز الكمبيوتر الخاص بك او – هو الأفضل – من خلال الراوتر حتى يتم الحجب عن كل من يستخدم الراوتر (لاب توب – موبايل – كمبيوتر – تابلت ..الخ)

ملحوظة:

شركة لينك دوت نت لسبب غامض لا تسمح باستخدام خدمات OpenDNS فتقوم بتحويل ارقام الدى ان اس الى سيرفرتاها الخاصة بها

ربما يأتى هذا ضمن سياسة نجيب ساويرس لنشر الفسق ومحاربة الفضيلة – وخصوصا انهم لا يقدمون بديلا عن خدمة اوبن دى ان اس – بينما شركة تى داتا لديها نظام لحماية الاسرة من المواقع الاباحية – اما نجيب ساويرس فلا يقدم خدمة مماثلة ولا يسمح حتى بخدمة دولية محترمة مثل OpenDNS

وقد تم اكتشاف حل للتغلب على عدم سماح شركة لينك لاستخدام خدمات OpenDNS – الحل هو استخدام ارقام بديلة

بدلا من استخدام:
208.67.222.222
208.67.220.220

استخدم:
208.67.222.220
208.67.220.222

لاحظ انه يجب ان تنشئ حساب خاص بك فى https://dashboard.opendns.com/
حتى تتمكن من اختيار مستوى الحماية الذى ترغب فيه لحماية اسرتك او العاملين لديك

مش بس المواقع الاباحية – انت تقدر تلغى اللى انت عاوزه من أى نوع من انواع المواقع – فمثلا لو ولادك مش بيذاكروا وبيفضلوا فاتحين الفيس ويوتيوب مثلا – تقدر تلغيهم عشان يبطلوا تضييع وقتهم – وممكن تبقى تفتحهم لهم فى يوم الاجازة الاسبوعية او كمكافأة على انهم سمعوا كلامك وذاكروا مثلا وهكذا – بحيث يبقى التحكم كامل من ناحيتك

ولو مش بتعرف تغير الاى بى فى الراوتر بتاعك فى البيت ادخل على الرابط دة حيفهمك: https://support.opendns.com/forums/21618374

واذا كنت بتستخدم Dynamic IP – وهو حال كل شركات النت فى مصر – فيجب ان تنزل برنامج صغير اسمه OpenDNS Updater

ثم قم بتنصيبه على كل جهاز من اجهزة البيت – هذا البرنامج الصغير سيقوم بتحديث رقم الاى بى الخاص بك فى كل مرة يتغير فيه بصفة تلقائية – لكن يجب ان تضبطه كالاتى:

  • بعد تنصيب البرنامج افتحه ثم اذهب الى الاعدادات Settings
  • علم علامة صح امام كل من
    • Send DNS O Matic updates
    • Run hidden
    • Don’t notify me of errors
  • كرر نفس الخطوات مع كل جهاز فى بيتك – ما عدا جهازك الخاص بلاش تعلم على آخر حاجتين

اما لو عايز تطبق دة على موبايل لاحظ ان دة ممكن بس فى حالة لو الموبايل بيدخل النت عن طريق واى فاى مش باقة انترنت – لان اندرويد لا يسمح بتغيير الاى بى بتاع شبكات شركات المحمول – لاحظ كمان ان فى حالة دخولك على النت من موبايل من خلال شبكة واى فاى انك لازم تعمل تعديل لكل شبكة من شبكات الواى فاى اللى بتستخدمها فى اماكن مختلفة – لمزيد من التفاصيل ادخل على الصفحة التالية:

https://support.opendns.com/entries/42848890-Android-Configuration-instructions-for-OpenDNS

واذا كنتم تحتاجون الى اى مساعدة سأحاول الرد على استفساراتكم

شارك هذا الموضوع
error

6 تعليقات

  1. محتاج open dns updater ضروري لان الخاص بشركة open dns بيحولك علي source frogودا يقولك الملف مش شغال
    المهك يعني open dns updater علي الاندرويد مش شغال
    نرجو حل في اسرع وقت وانتظر ردك شكرل مقدما

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.