طريقة شوى الفرخة على حامل فى الفرن

تباع فى فى محلات كل حاجة ب 2.5 حامل لشوى الفرخة فى فرن البوتاجاز – وبعض محلات الادوات المنزلية يبيعونها ب 3.5 او 5 جنيه – هذا الحامل عملى ويسهل شوى الفراخ

roasting stand

 

والطريقة اننا نضع الفرخة واقفة ونلبسها للحامل من الفتحة السفلية للفرخة – بحيث تكون رقبتها فوق ورجليها تحت

طبعا الأفضل اننا نتبل الفرخة ويا سلام لو نحشيها مابين الجلد واللحم بالخلطة التالية:

  • 2 بصلة
  • 2 ملعقة كبيرة زيت
  • 1 ملعقة كبيرة صلصة
  • نصف ملعقة صغيرة كركم
  • ملعقة صغيرة بهارات
  • ملعقة صغيرة فلفل اسود
  • 2 ملعقة صغيرة ملح
  • نصف ملعقة صغيرة شطة
  • 3 فصوص ثوم
  • 4 ملاعق كبيرة ماء

نضرب كل شئ فى الكبة – ثم نحشو بها الفرخة مابين الجلد واللحم – بأن ندخل اولا صباعنا من فتحة الرقبة ونحركه بالراحة يمين وشمال لفك الجلد من اللحم – سنجد انه مربوط فى اللحم بخيوط رفيعة – لما نقطعها برفق حنقدر نتعمق بصباعنا اكثر داخل الفرخة – ثم ندخل صباع ثانى للمساعدة – ونستمر حتى نصل للفخذ والارجل والظهر – ونراعى الا نخرم الجلد وخصوصا فى الاسفل – بعد تسليك الجلد من اللحم نبدأ نضع الخلطة من الرقبة بواسطة ملعقة – ونضغط على اجلد من الخارج حتى تنزلق الخلطة لأسفل وتصل لكل الأجزاء بما فيها الأرجل – وندهن بيدينا باقى الخلطة على الفرخة من الخارج وتحت الاجنحة وبين الثنايا – ثم نضع الفرخة على الحامل ونضع الحامل فى صينية نضع بها بعض الماء – ونحضر قطعة ورق فويل نغطى بها النصف العلوى للفرخة – أى الصدر – لأن أعلى الفرخة يتعرض لسخونة أعلى من النصف السفلى – والفويل سيحمى الصدر من الاحتراق لحين ما يستوى النصف الاسفل – ثم نضع الحامل والصينية فى الرف السفلى لفرن البوتاجاز ونشعل الفرن على نار متوسطة لمدة ساعة ونصف

وبألف هنا وشفا

ملحوظة: الفرخة بالطريقة دى بتكون معقولة – طعمها مش هايل قوى بصراحة – ولحم الفرخة لا تتغلغل فيه التوابل والملح  – لو عايزين فرخة طعمها روعة بجد وأحلى بكتييييير اضغط هنا

 

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.