دجاج مشوى بصوص الباربيكيو تحفة وسهل جدا

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

لما عملت الوصفة دى ما صدقتش نفسى وانا بآكل الفراخ – طعم رهييييييييب! – لدرجة انى بقيت مذهول هو انا حطيت ايه عشان يبقى الطعم جنان كدة؟

اضغط هنا

bbq chicken rice potato onion

وعشان ما انساش – قررت بسرعة اكتب لكم الوصفة هنا – وان شاء الله تجربوها وتدعولى

تحديث: كتبت لكم طريقة احسن هنا

المقادير

  • فرخة برازيلى وزن كيلو
  • بصلة كبيرة
  • طماطماية كبيرة
  • فلفلاية رومى خضراء كبيرة او 2 وسط او 4 صغير
  • ملعقة صغيرة فلفل اسود
  • 3 ملاعق صغيرة ملح
  • ملعقتين صغار بهارات
  • 4 ملاعق كبيرة خل

الطريقة

  • نغلى ماء فى حلة يكفى لتغطية قطع الدجاج
  • نقطع الفرخة بمقص مطبخ 6 قطع او اكثر (نفصل الاجنحة عن الصدور) – وممكن نتخلص من الجلد والدهن لتقليل الدسم
  • نضرب باقى المكونات فى الخلاط مع قليل من الماء حتى يصبح عصير ثم نصبه فى الحلة مع الماء
  • نضع قطع الدجاج فى الحلة ونقلبها فى الخلطة
  • بعد ان تغلى نغطى الحلة ونتركها على نار متوسطة لمدة ساعة
  • نرفع قطع الدجاج بحيث نصفيها من الشوربة ثم نضعها فى صينية تيفال
  • نضيف 3 كوب ارز مغسول – ارز عادى او بسمتى الى حلة الشوربة (لكن لو بسمتى يجب نقعه فى ماء لمدة نصف ساعة الاول) – ونضيف قليل من الماء الى الشوربة اذا كانت قليلة – بحيث يادوبك تغطى السوائل الارز بحوالى ربع سم فقط أو أقل – ونقلب الارز على نار عالية
  • عندما يتشرب الارز معظم السوائل ويبقلل (تتكون فقاعات على سطح الأرز) نغطى الحلة ونتركها على اقل نار ممكنة 20 دقيقة بدون رفع الغطاء – مهم جدا عدم رفع الغطاء
  • نطفئ النار ونترك الارز مغطى 20 دقيقة أخرى
  • فى هذه الأثناء نستخدم فرشاة مطبخ لندهن قطع الدجاج بالخلطة التالية

مقادير خلطة صوص الباربيكيو

  • 3 ملاعق كبيرة زيت
  • نصف ملعقة كبيرة معجون طماطم
  • نصف ملعقة صغيرة فلفل اسود
  • نصف ملعقة صغيرة بهارات
  • نصف ملعقة صغيرة كركم
  • نصف ملعقة صغيرة بودرة ثوم
  • ربع ملعقة صغيرة شطة
  • 4 ملاعق كبيرة ماء

قلب الخليط بالفرشاة ثم مر بالفرشاة على وجهى قطع الدجاج من الأمام والخلف وفى الثنايا والأجناب وتحت الجلد وفوقه – ثم ضع الصينية تحت شواية الفرن العلوية لمدة 8 دقائق

يقدم الدجاج ساخناً مع الارز

بطاطس مشوية بصوص الباربيكيو

اضافة بطاطس وبصل مشوى بصوص الباربيكيو مناسب لهذه الوجبة ويزيدها جمالاً
والطريقة اننا نقشر كيلو بطاطس ونقطعها حلقات ونقشر نصف كيلو بصل ونقطعه ارباع – ونضعهم مع قليل من شوربة الفراخ فى حلة صغيرة ونغطيها على نار هادية حتى تصبح البطاطس طرية

ثم نصفى البصل والبطاطس من اى سوائل (ممكن السوائل تتقدم فى طبق شوربة لذيذ) ونضعهم فى صينية أخرى وندهنهم بالفرشة على الجنبين بصوص الباربيكيو ثم نشويها تحت شواية الفرن العلوية الى ان يحمر لونها – ونخرجها ثم نضع صينية الدجاج تحت الشواية حتى يحمر ايضاً

– وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *