آخر تحديث : 13-02-2014 الساعة 03:12 م
فى عز موسم امتحانات التيرم الأول فاجأنا وزير التعليم بقرار وقف بث قنوات النيل التعليمية الأربعة والغاء التعاقد مع النايل سات – بحجة أن القنوات تكلف الوزارة 20 مليون جنيه سنوياً
يا الهى!! هل يستكثرون على طلبة مصر 5 مليون جنيه فى القناة الواحدة فى السنة؟ وأين تذهب مليارات وزارة التعليم التى تفوق ال13 مليار جنيه؟؟
ومن الذى أحق – أن نوقف بث قنوات تعليمية تحارب الدروس الخصوصية وتساعد الطلبة طوال العام وخصوصا فى وقت مراجعات ما قبل الامتحانات – أم نوقف صرف الملايين كل شهر لمستشارى الوزارة الذين لا يفعلون شيئاً بل تحققت على ايديهم كل عوامل الفشل فى العماية التعليمية برمتها؟؟
ويتعلل الوزير بضعف نسبة المشاهدة – الم يسأل نفسه عن السبب؟ الم يرى تردى وسائل الشرح وتخلفها وطريقة النطق الصعيدى للغة الانجليزية لكبار الأساتذة ؟ والالاف التى تنفق على تترات المقدمة والنهاية بلا أى داعى ولا أى هدف يخدم العملية التعليمية من قريب او بعيد
بدلا من أن يفكر فى طرق حديثة لتلافى كل تلك العيوب وجذب المشاهدين إذا بالوزير يلغى كل القنوات – حتى لم ينتظر انتهاء المراجعات والامتحانات ولغاهم فى وقت قاتل
انها جريمة بحق كل طلاب مصر
اننى اوجه رسالة الى وزير التعليم – يمكنك بأقل التكاليف ان ترفع كل البرامج التعليمية على اليوتيوب – وسيكون هذا افيد بكثير للطلبة حيث يمكنهم مشاهدة ما يريدون وقتما يشاؤون واعادة المشاهدة لأى عدد من المرات – وبهذا توفر الوزارة تكاليف استئجار قنوات النايل سات – وتسجل فقط برامج يقدمها اساتذة أكفاء فى اى ستوديو بسيط او حتى غرفة عادية – ثم ترفع البرامج مباشرةً الى يوتيوب – هل هناك ابسط من كدة ولا أرخص؟
ممكن تعرف حضرتك مين وبدل حضرتك بتهجم القنوات التعليميه و منذ زمن طويل بترفع فيديوهاتها ليه ؟؟
انا اب مصرى عادى – لا أعمل فى مجال الاعلام ولست اخوانيا
فقط اب عندى ولاد وبنات فى مراحل التعليم المختلفة ووقت فاضى فكرت انى استخدمه فى افادة احبائنا الطلبة
انا لا أهاجم القنوات التعليمية لكنى انتقدها نقد بناء أهدف منه الى تحسين مستواها
انا بأرفع فيديوهاتكم لخدمة الطلبة اللى فاتتهم الحلقات – ولكى يتمكنوا من مراجعة كل مادة فى وقت قصير قبل الامتحانات
مش معنى انى بارفعها على يوتيوب انى راضى عن مستواها – لكن بسبب انه لا يوجد بديل افضل – فهى الوسيلة الوحيدة للطالب الفقير الذى لا يقدر على تكاليف الدروس الخصوصية والسناتر
لو حضرتك شفتى البرامج التعليمية فى دول الغرب بتتقدم ازاى حتعذرينى – مفيش تتر خمس دقايق – مفيش تتر اصلاً – ما بيضيعوش ثانية واحدة من وقت الطالب
كل حلقة مرقمة عشان الطالب يعرف راسه من رجليه مش سداح مداح – مفيش شريط اسفل الشاشة يشتت تركيز الطالب ويغطى على اسم المادة و السنة الدراسية
مفيش موسيقى مشخلعة كإننا فى صالة رقص – مفيش موسيقى اصلاً
بيستخدموا السبورة الذكية وأحدث الوسائل الالكترونية مش باور بوينت وحاجات عفا عليها الزمن
ممكن تعرف حضرتك مين وبدل حضرتك بتهجم القنوات التعليميه و منذ زمن طويل بترفع فيديوهاتها ليه ؟؟
وعلي فكره المدرسين دول لو مستواهم سئ دي مسئوليه وزاره التربيه و التعليم مش مسئوليه القنوات التعليميه و بالنسبه لان حضرتك بتطلب لالغاء القنوات المجانيه واللي بتوصل للناس في كل محافظات مصر عشان نستعين بدالها باليوتيوب اللي حضرتك عاوزه تكسب منه برفع فيديوهات التعليميه ممكن تقولي كم اسره في محافظات مصر عندها نت او كمبيوتر اصلا
اتقوا الله فيما تنشروه
انا اللى بأطالب بالغاء القنوات التعليمية؟؟؟
يا أستاذة ايمان من فضلك اقرأى موضوعى مرة ثانية
أنا بأهاجم قرار الوزير المجحف بأغلاق تلك القنوات – وفى وقت قاتل يضر كثيرا بالطلبة والطالبات
وكونى بأقترح ان تقوم الوزارة برفع الحلقات على يوتيوب ليس معناه انى اطلب غلق القنوات – لأنهم أغلقوها بالفعل مش منتظرين اقتراحى على فكرة
أنا بأطالب بان تكون البرامج التعليمية متاحة على يوتيوب وفى نفس الوقت على قنوات التليفزيون أيضاً
يعنى يبقى البديلين متوفرين للطلبة – اما لو هناك بخل من الوزارة على الطلبة فأقل القليل رفعها على يوتيوب
ليه حضرتك يضايقك رفع الحلقات على يوتيوب سواءا بمعرفتى او بمعرفة وزارة التعليم؟ – مش برضه مصلحة الطلبة من اولوياتك ام ان المصالح المهنية تأتى عند حضرتك فى المقدمة؟
على فكرة انا لا انتمى للإخوان وأرى أنهم بيغرقوا البلد ولو ما أنقذناش مصر من بين ايديهم وايدى الرئيس مرسى حنغرق كلنا
اتقوا الله فيما تنشروه
حاضر
وعلى فكرة حق الرد مكفول وأرحب بأى رد يثبت خطأى فى أى موضوع نشرته
علي فكره اللي حضرتك متعرفرش اننا من سنين بنطالب المسئولين يرفعوا الحلقات علي النت ورفع الحلقات علي النت دا هيساعد في انتشار القناه مش العكس بس انا قريت حاجات كتير لحضرتك بتهاجم القناه ولعلم حضرتك مفيش مدرس بيسجل برامج في القناه بدون موافقه وزاره التربيه والتعليم لانه ممنوع اصلا
تاني حاجه احنا من شهور اخر مزهقنا من كتر طلب رفع الحلقات علي النت قولنالهم يعملوه سيدي وتتباع بسعر رمزي و برضه مفيش فايده
ثالث حاجة احنا معانا تقارير من وزاره التربيه بتشيد بالبرنامج التفاعلي بالقناه مدرسه علي الهوا وفي نفس الوقت واللي يغيظ ان الوزير يقول القناه ملهاش مشاهده بما ان حضرتك مسجل حلقات البرنامج تقدر تحكم اذا كان ليه مشاهده ولا لا من كم التليفونات وللعلم دا علي خط تليفون واحد
ومعلش لو كنت انفعلت اعذروني حضرتك متعرفش المكالمات اللي بنستقبلها من يوم الاحد من الطلبه واولياء الامور تخلي الواحد هيجنن لما تسمع الناس بتقولك مفيش فلوس للدروس واحنا كنا بنعتمد عليكوا واللي يقولك انا سبت الدرس وبتبعكم اعمل ايه دلوقتي واحنا مش في ايدينا حاجة نعملها عشان نساعد الناس دي حضرتك لما تسمع واحد بيقولك انا من السلوم ومعنديش مدرسين اساسا قولي حضرتك ممكن تعمل ايه
وبالنسبه لرفع الحلقات اللي مضايقني ان دا شغلنا ونقدر نعمل دا علي اكمل وجه لكن احنا في وادي ومسئولين الاعلام والتربيه والتعليم في وادي تاني
ملحوظه بس احنا معندناش تتر ٥ دقايق ولا ٣ اقصي حاجه دقيقه
طبعاً من حق حضرتك تنفعلى لإن قرار الوزير دة فعلا جريمة فى خق الطلبة فى وقت قاتل
والملاحظ فى مصر ان المسئولين دايماً ييجوا على الغلابة من بسطاء هذا الشعب لحل اى مشكلة تواجههم – ولا احد يدافع عن حقوق الغلابة والمعدمين والبسطاء
الحقيقة ان نسبة المشاهدة لفيديوهاتكم اللى بارفعها على يوتيوب نسبة ضعيفة – لكن دة مش بسبب مستوى جودة الحلقات – لكن بسبب اننى ليست لدى امكانيات للدعايا او الاعلان – والطلبة يعثرون على الفيديوهات بالصدفة البحتة – لكن من يراها يشكر فيها جدا ويواظب على متابعتها ويطلبون منى المزيد من التسجيلات – وكثير منهم كما قلتى حضرتك يستغنون بها عن الدروس الخصوصية – بالاضافة للطلبة المصريين المقيمين بالخارج
أنا مندهش من رفض وزارة التعليم لطلبكم المتكرر برفع الفيديوهات على يوتيوب – مع انه مفيد جدا بجانب القناة وبالفعل يزيد من الدعاية لها
لكن ليه ما رفعتوش الحلقات بنفسكم بدون الحاجة الى وزارة التعليم؟ الرفع مجانى ولا يكلف شيئاً
لأن للأسف يبدو أن مصلحة الطالب لا تأتى فى اولويات مسئولى وزارة التربية والتعليم
من المستحيل اننا نرفع الحلقات بنفسنا اولا لاننا بنسجل علي شرايط وليس هاردات والماده المسجله ليست ملك لنا انما ملك للتليفزيون المصري ومن المستحيل نقلها علي هارد لرفعها علي النت دون امر رسمي
ثانيا حتي في حاله لو حصلنا علي بعض من اعمالنا علي هارد او فلاشه سوف نتعرض للمساءله القانونيه طبقا لقانون العمل بالتليفزيون حيث انه ممنوع نقل اي ماده خاصه بالتليفزيون علي هارد وخروجها من المبني
ثالثا ليس من المنطقي مطالبه كل مخرج بتسجيل اعماله ورفعه علي النت وصعب توفر في كل منزل ريسفير بيه اليه التسجيل وصعب ايضا الزام كل مخرج بتسجيل اعماله ثم رفعها بعد ذلك علي النت لما يتطلبه من جهد ووقت وخصوصا ان عند سؤال محامين بمبني الاذاعه والتليفزيون عن تسجيل الحلقات من التليفزيون اثناء البث واعاده رفعها علي النت من بعض المتابعين لبرامجنا اكدوا لنا ان ذلك عمل ضد قانون حقوق الملكيه الفكريه وانهم سيقومون برفع قضايا ضدهم فما بال حضرتك اذا كان من يرفع الحلقات العاملين بالقناه ماذا سكون مصيره
ولذلك اليه رفع الحلقات يجب ان تكون تابعه كامله لاتحاد الاذاعه والتليفزيون حتي لا نتعرض للمساءله وقد تعرض بالفعل بعض زملاءنا للجزاءت عند رفع بعض اعمالهم علي النت
هل تعلم حضرتك ان اذا ارد ضيف باي برنامج الحصول علي نسخه من برنامج تم استضفيته بيه يجب ان يتقدم بطلب لرئيس اتحاد الاذاعه والتليفزيون شخصيا
الموضوع معقد بالفعل وليس كما يظنه الكثيرين
بالتأكيد المخرجين مش ملزمين يرفعوا اى شئ على النت – دى مسئولية اتحاد الاذاعة والتليفزيون ووزارة التعليم اللى كل منهم لديه جيش هائل من الموظفين – المفروض ينشئوا ادارة جديدة لرفع اعمالهم على النت يعمل بها بعض من لا يجد شئ ييفعله من البطالة المقنعة – البى بى سى مثلاً تجدى حضرتك برامجهم التعليمية على موقعهم على النت لجميع الأعمار من الحضانة الى الجامعة – ولم يحتاجوا حتى يوتيوب ولكن يرفعون الحلقات على سيرفراتهم الخاصة بهم
والله تعبنا من كتر مطلبنا منهم رفع الحلقات علي النت و زي محضرتك بتقول احسن من البطاله المقنعه بس نعمل في حاجات كتيرررر في تفكير الناس عاوزة تغير
ا. محمد تحية طيبة لحضرتك
الحمد الله تردد القناه رجع انهاردة بس قناع واحدة بس edu 1
وان شاء الله جاري اعداد الخريطة الجديدة
دا لينك صفحة مدرسة علي الهوا علي الفيس لمتابعة اخر الاخبار
https://www.facebook.com/pages/%D9%85%D8%AF%D8%B1%D8%B3%D8%A9-%D8%B9%D9%84%D9%89-%D8%A7%D9%84%D9%87%D9%88%D8%A7/146941148707073?ref=hl
الف مبروك يا استاذة ايمان – مبروك لنا جميعاً
لكن ياترى دى من القنوات الجديدة تحت ادارة وزارة التربية والتعليم وللا ادارة اتحاد الاذاعة والتليفزيون؟
وهل ما تعرضه الان انتاج جديد وللا حلقات مسجلة من القناة القديمة؟
القناه حاليا تحت اداره وزاره الاعلام لحين التعاون مع وزارة التربية والتعليم علي حسب كلام وزارة التربية والتعليم والحلقات المذاعه حاليا من برنامج مدرسه علي الهوا الحلقات التي تم تسجيلها في الفترة الماضيه اثناء توقف البث وهي تذاع لاول مرة استكمالا للمناهج الدارسية
استاذى العزيز ارجو ان تعود وترفع الحلقات لاننا فى حاجة ماسة لها وخاصة الرياضيات فبروح الاب ارجو ان تعود لرفع الحلقات وشكرا لك
محتاج الحلقات دى ضروري ومش عارف اجيبها ازاى
يلغوا قنوات التعليمية ههههههههههه اما قنوات الرقص
ممكن نعرف القنوات دى هترجع امتى ؟ وعلى فكرة مدرسين القناة متمييزين مثل عمرالجاويشى ومحمد مختار وعزت وعاطف وكلهم بصرحة
باذن الله بعد ما خلصنا من كابوس الاخوان والبلد نضفت ترجع كل الحاجات الجميلة تانى زى الاول واحسن ان شاء الله