آخر تحديث : 17-07-2014 الساعة 12:11 م
أشتريت منذ أيام لاب توب Lenovo G580 بالمواصفات الآتية
- Intel i5 3210 processor
- 4gb ddr3 rams
- 500gb HDD
- Geforce 610m 1gb vga
يباع فى كارفور بسعر 3399 جنيه
اللاب توب رائع – لوحة مفاتيح متينة واحساسها فخم ومريح للأصابع وبها باد للأرقام – تتش باد كبيرة بها سكرول – صوت السماعات دولبى مجسم – والصوت عالى جدا ورخيم – بعكس كثير من اللاب توبس اللى بيكون صوتهم واطى ومسرسع – كما يوجد 3 يو اس بى منهم 2 يو اس بى 3 – ووصلة اتش دى ام آى للتوصيل لشاشة ال سى دى كبيرة – رائعة لعرض الأفلام والألعاب بحجم عملاق وصوت مجسم
أدهشنى ان هذا اللاب توب يشغل الألعاب الحديثة بكفاءة عالية جدا بالنسبة للاب توب – طبعا مش زى الكمبيوترات البى سى – لكن ماكنتش متصور انه حيقدر يشغل بقوة وبسرعة عالية العاب زى:
- Alan Wake
- Sleeping Dogs
- Dishonored
- Fifa 13
- GTA IV
- Hitman 5 – Absolution
- Mass Effect 3
- Need For Speed 13
- Torch Light 2
جميع الألعاب المذكورة تعمل بسرعة جميلة من أول مرة بدون الحاجة الى أى تعديل فى ضبط الجرافيك الخاص بكل لعبة – طبعاً الألعاب الجديدة بتضبط نفسها اوتوماتيك حسب الهاردوير اللى حتشتغل عليه – وقد وجدت أن الضبط بيبقى فى الميديوم فى أغلب الألعاب
اللاب توب بيأتى فاضى بدون ويندوز – لكن بعد أن وضعت ويندوز 7 عليه أصبح هايل وسريع جدا
بعد تشغيل اللاب توب لساعات طويلة وجدته مازال باردا وكأنه مطفى – ودة شئ جميل يحافظ على الهاردوير ويطول عمر مكوناته الداخلية
البروسيسور i5 3210 بروسيسور من الجيل الثالث – وهو جيل أقوى وأسرع من الجيل الثانى بحوالى 6% – ويستهلك طاقة تشغيل أقل مما يجعل البطارية تدوم أطول من الجيل الثانى – قرأت أنها تدوم 4 ساعات ونصف – لكنى لم أجرب ذلك بنفسى بعد
بعد أن وضعت البرامج الضرورية والألعاب – وضعت برنامج ديب فريز deep freeze للمحافظة على بارتيشن C الخاص بالويندوز وحمايته من أى فيروس أو أى برامج ضارة – حيث أن أى ضرر يلحق بالويندوز يختفى تماما بعد غلق الجهاز – وعندما نفتح اللاب توب لا يكون هناك وجود لأى تعديلات أو اضافات او حتى ممسوحات حدثت فى كل مرة وأى مرة – وهكذا لا نحتاج الى اى برامج مضادة للفيروسات anti virus – فهى تبطئ من سرعة أى جهاز تعمل عليه بلا أى داعى – طالما استخدمنا ديب فريز – اللى بيخللى اللاب توب بعد مدة طويلة يعمل بنفس السرعة اللى كان عليها يوم شراؤه
بعض العيوب البسيطة
طبعا لا يخلو اى جهاز من بعض العيوب
- لاحظت فى للاب توب دة الصوت العالى لمشغل الدى فى دى – فعندما يعمل يكون صوته مثل ورشة الأخشاب ويهز سطح المكتب بقوة – مع ان عندى لاب توب سامسونج لا تسمع له صوت تقريبا
- اليو اس بى 3 كنت متوقع انها حتنقل بسرعة صاروخ لكنى فوجئت انها بتنقل فى الأول بسرعة 100 ميجا فى الثانية وبعدين تقل الى 25 ميجا فقط – يعنى زى اليو اس بى 2 !! مع انى كنت بأنقل من هارد بورتابل يو اس بى 3 والنور بتاعه نور ازرق دليل ان النقل بيتم بين يو اس بى 3 وليس نور ابيض كما يفعل مع اليو اس بى 2
- الشاشة لامعه – كما هو الحال فى معظم الأجهزة للأسف – وليست مطفية مما يعكس الأشياء عليها – لكن الإضاءة العالية للشاشة تخفى هذا العيب الى حد معقول
لكن تلك العيوب البسيطة لا تؤثر على تقييمى لهذا الجهاز الرائع – وأرشحه لكل من يبحث عن لاب توب رخيص لكن قوى وسريع ويمكنه تشغيل كثير من الألعاب بكفاءة وسرعة مناسبة
يتميز لينوفو G580 بلوحة مفاتيح قوية ومريحة واحساسها رائع
السلام عليكم ورحمة الله وبركاته
انا اشتريت نفس الاب توب ده امبارح بس لما سطبت النسخة النهارده وشغلت الاب توب شعرت بذبذبات بحس بيها لما بشغل الجهتز حتى الذبذبات ديه موجوده فى ظهر الشاشة هل ده عيب ولا ده طبيعى ارجو الافاده والرد السريع وشكرا جزيلا اخى العزيز
انت سايب سى دى فى الجهاز؟ – لو كدة شيلها واقفل وافتح الجهاز مش حيزن تانى
الزنة دى فى الغالب من الدى فى دى لإنه من نوع صوته عالى جدا وبيهز اللاب والترابيزة اللى عليه بقوة
وممكن تخش على البيوز bios وتخللى البوت يبدأ من الهارد مش من الدى فى دى
للدخول على البيوز اضغط على F2 فى بداية تشغيل اللاب
اما لو بعد كدة برضه فيه زنة رجع الجهاز واسترد فلوسك او بدله
انا لما بصبط البلوتوث من السيدي بيطلعلي كدا
no blutooth device was detected .please make sure that your blutooth device is plugged in properly in order to continue installation.اعمل ايه :(…
شوفى هل يوجد فى السى دى نوعين من البلوتوث داخل مجلد البلوتوث – لو قيتى اكثر من نوع جربى الانواع التانية وشوفى حيقبل وللا لأ – أما لو نوع واحد يبقى اللاب توب بتاعك مافيهوش بلوتوث – وممكن تأكدى لو عندك كرتونة اللاب توب – حتلاقى على الجنب مواصفاته
لو معندكيش ماتزعليش – تقدرى تشترى بلوتوث صغيرة اصغر من عقلة صباعك سعرها حوالى 10ج ويمكن تلاقى ارخص – امشاهدة صورتها اضغطى هنا او هنا
ميرسي جدااا….بس لابي زمان كان فيه بلوثوث وكنت بقدر استعملو عادي..وبعد ماعملت فرمتة للجهاز مبقاش ف بلوتوث.
طب مش تقولى كدة وسايبانى اهاتى؟
طب هى السى دى اللى عليها الدرايفرز اصلية وجاية مع اللاب؟
انا اشتريت واحد نفسه بالظبط وقعد معايا بالظبط 3 اسابيع وبعد كده ظهرلي مشكلة البطارية ان البطارية مش بتشحن اكثر من 60% ورجعته الضمان تاني واتصلو عليا وقالولي ان البورده محروقه ومش موجود له قطع غيار وهيستدبلوه بواحد تاني بس انا خايف استبدله تطلع المشكله دي في الموديل ده نفسه أرجو الافادة
لم تصادفنى هذه المشكلة – ان شاء الله ما تتكررش فى الجهاز المستبدل – وحتى لو ظهر فممكن ترجعه تانى – بس دة مستبعد ظهور نفس العيب
السيدي دا كان مع اللاب لما اشتريتو معرفش بقا اصلي ولا ….
طيب حاولى الخطوات التالية: اضغطى على Start وبعدين دوسى يمين على Computer واختارى Properties
وبعدين من القائمة الشمال دوسى على Device manager
وافتحى Network Adapters لو لقيتى بلوتوث دوسى عليه وبعدين دوسى فوق على Driver وبعدين دوسى على Update driver
واختارى Search automatically وتكونى متصلة بالنت عشان حيبحث لك عن الدرايفر المناسب ويجيبه من على النت
اما لو مالقيتيش بلوتوث يبقى حتلاقى حاجة تحت Other devises قولى لى اسمها ايه
سلام عليكم ياعمو محمد انا عملت الخطوات اللى قولتلى عليها بس مطلعليش بلوتوث ف الجهاز وبالنسبة ل other devices لما بدوس عليه طلعلى unknown device وشكرا …
You must install Intel energy management and keep sure you selected this option “Optimised Battery Health” not this option “Maximum Battery Life”, Hence; second option will charge your battery to only 60% and stop charging to keep the long life span for your battery. But the first option will charge the battery to 100%.
يا مسهل المشكله انهم بقالهم 20 يوم ولسه مش شوفت منهم اي حاجه لا استبدال ولا غيره والمشكله الكبرى انهم بيقولو الموديل ده قديم ومش موجود منه في جميع فروع جرير وعاوزني استبدل بموديل ثاني وادفع الفرق
الشحن الي 60 بالمائة ليست مشكلة بالبطارية ولا الجهاز لان هناك برنامج اسمة energy mangement بينزل مع التعريفات بيبقي موجود بجانب الساعة او شعار البطارية ماعليك الي الضغط علية ثم اختار battery setting وبعدين نختار battery fully -charged mode بدلا من battey protection mode لكي تشحن البطارية الي 100%
لينوفو تقول ان شحن البطارية حتى 80% فقط بدلا من 100% يطيل من عمر البطارية – وهذا هو مايفعله هذا البرنامج
الاب بتاعى زى الاب ده
لسه جايبه يوم الخميس اللى قابل اللى فات والبطاريه بتقعد على الشاحن 100% وبعدين اشيل الشاحن الاقى
البطاريه بتقعد مشغلاه ستعه ونصف بس نرجو الرد
يمكن عشان اول مرة تشحنها
جرب تشحن مرتين كمان وشوف البطارية حتشغله أد ايه – ولو برضه ساعة ونص وديه التوكيل يجوز البطارية تالفة
بحط فيه السي دي مش بيقراها وكأنى مش حطيتها وبيعمل صوت وحش اوى زى انذار
مش فاهمة اية السبب واعمل اية؟
بس انا جهازى g560 مش 580
انا اشتريت الجهاز من اسبوعين لاحظت فيه صوت غريب زى تكتكة الساعة بيطلع تقريبا كل خمس دقايق من النحية الشمال فيه بس مش من عند المروحة واستبدلته بواحد تانى بس ملاحظة فيه ان بيعلق منى كتير وبدأ يعمل صوت شبيه بالى كان فالاولانى ياترى دى حاجة عادية فالموديل دا ولا ايه عشان قبل اما اروح استبدل دا كمان ياريت حد يفيدنى
مش مفروض اللاب توب يصدر اى صوت – استبدله طبعاً او استرد نقودك
انا عندى نفس المشكلة ومش عارف اية الحل يا ريت يا ياسمين لو عرفتى سب المشكلة قوليلى
لسلام عليكم انا اشتريت هذا الجهاز قبل كم يوم لكن حسيت في مشكلة في التتش باد انو حساس لاي كبسة كيف ممكن اصلح هاي المشكلة ؟؟؟
ستجد الحل هنا ان شاء الله
http://forums.lenovo.com/t5/R-and-L-Series-ThinkPad-Laptops/Touchpad-sensitivity/td-p/66017
أنا عندي لاب توب LONOVO G550 ..بعد إغلاق الجهاز يبقى ضوء”لمبة” التشغيل ” مرة تشتعل ومرة تنطفئ” حتى أقوم بالضغط مطولاً على زر التشغيل الذي نستعمله في البداية لتشغيل اللاب توب..ما الحل من فضلكم.؟
اضغط على ايقونة البطارية التى بالأسفل بجوار الساعة – واختار
more power options
change plan settings
more advanced power settings
ثم افتح power button and lid
وغيرها من sleep الى shut-down
للتصحيح: LENOVO عفواً على الخطأ
هوه جهاز اللينوفو دا مفيهوش مكان اركب فيه المايك الخارجى …. ارجو الرد
580G
عندك فتحتين لتركيب سماعة اذن ومايك headphone ممكن تستخدم جاك المايك
وبعدين فى زر موجود بجوار زر التشغيل ومرسوم عليه سهم بالمشقلب …ياترى بتاع ايه دا
فى حالة عطل نظام التشغيل وعايز ترجع اللاب لحالته الاصلية بتدوس على الزر دة
لكن بيشتغل بس لو جهازك جاى عليه ويندوز اصلية – اما لو اشتريته عليه دوس فقط هذا الزر لا يعمل
الجهاز به مخرج واحد فى الزاويه اليمنى السفليه من الجهاز وهى مخرج للسماعات ….. ويوجد ثقب صغير جدا موجود بجوار الماوس اسفل كلمة كنترول
الجهاز نسخه صبق الاصل من صورة الجهاز الموجوده فى أعلى الموضوع والتى توضح ان الجهاز به مخرج واحد ولا وجود للميكرفون
فعلا عندك مخرج واحد وهو للاثنين معا – الهيدفون والمايك – ابحث فى السوق عن هيدفون بمايك لهم جاك واحد – زى سماعة البلاك بيرى وغيره – انت محتاج واحد من النوع دة
او لو عايز توصل مايك فقط يبقى لازم تشترى ادابتور مثل اللى فى الصورة دى:
شكرا على التوضيح يا عمو محمد
السلام عليكم عندى جهاز lenovo g560 نزلت نسخة ويندوز سفن 32 بيت كل التعريفات موجودة وبيشتغل عادى وبعدين مرة وحدة الصوت يروح يختفى بس كل حاجة عن الصوت تمام وظاهر الميكرفون على الشاشة شغال بس مفيش صوت . ونزلت ويندوز من الاول نفس النظام . ارجو الافادة
لو عرفت كارت الصوت صح حتلاقى تحت جنب الساعة سماعة تانية غير بتاعة ويندوز (دوس على السهم عشان تشوفها) – اضبط الصوت منها واعمل تست للسماعات يمين وشمال
شكرا اولا على الاهتمام والرد . بس هو فعلا السماعة اللى بتقول عليها موجودة . هو حضرتك بكون بشوف فيديو عادى والصوت شغال وفجأة الصوت يختفى من الجهاز . مش التعريف . الصوت واروح اشوف الصوت فى كل حتة تمام لازم اعمل ريستارت علشان يرجع الصوت . وممكن الصوت يختفى بعد دقيقة تانى . واعيد الموضوع . ارجو الافادة . وشكرررررررررررا
لو الصوت شغال ماعدا الفيديو يبقى المشكلة غالبا فى برنامج تشغيل الفيديو – جرب برنامج تانى مثل KMPlayer او VLC
ولو تقصد يوتيوب دى مشكلة متكررة – اعمل ريفريش للصفحة حتلاقى الصوت اشتغل
جربت برضو وشغلت على مشغل ميديا غيرو نفس النظام الصوت شغال وكله سليم بس مش موجود . انا اقصد اى فيديو مش تحت شرط يوتيوب لا وانا بسمع اغانى او افلام يا دوب ثوانى .لسة حالا مع رسالتك حصلت والميكسر شغال مع الصوت ومفيش صوت وعملت تحديث للصوت .برضو نفس المشكلة . يا ريت لو فى حل . وشكررررا جزيلا . الموضوع بجد مضايقنى
هل لو وطيت الصوت ما بيقطعش؟ هل لو سمعت من خلال هيدفون الصوت شغال؟
عموما لو الصوت بيقطع بعد ثوانى يبقى محتاج صيانة ممكن تكون وصلات السماعات محتاجة تتثبت كويس
انا شارى الجهاز ده امبارح والماوس الكلكه الشمال غطست بس شغال والسوسته لا تعمل
يا ريت لو سمحتو حد يرد عليا الجهاز ممكن يدخل ضمان ولا ممكن اغيره
انا شارى الجهاز ده امبارح والماوس الكلكه الشمال غطست بس شغال والسوسته لا تعمل ممكن الجهاز يتغير ولا هيدخل ضمان ارجو الافاده من حضارتكم ضرورى
بدل ما يصلحوه لك مادام شاريه امبارح رجعه وخد فلوسك – دة من حقك خلال 14 يوم من تاريخ الشراء – قول لهم انه مش عاجبك – لان لو قلت لهم فيه عيب حيبعتوه للصيانة – وبعدين اشترى واحد تانى
انا شريت الجهاز دة من اسبوع بيشتغل كويس بس عشان اوصل بالنت بياخد وقت طويل حتى لو كنت جنب المودم
الافضل ارجاع الجهاز لانه بالوصف بتاعك ممكن يكون الوايرلس بتاعه فيه عيب