نظام سهل وجميل للتخسيس فى رمضان

معظم الناس بيزيد وزنهم فى رمضان – لكن عندى لكم طريقة هايلة نخس بيها فى رمضان بدون أى مجهود أو تعب – ومن مميزاته أنه يسمح لك فى وجبة الإفطار بالشبع والإمتلاء بدون حرمان ولا شعور بالجوع

أولاً فى الإفطار

نبدأ بكوب حليب بدون سكر منقوع به 7 تمرات (طريقة تحضيره: نغسل التمر ونفتحه ونتخلص من النوى والعنقود ونشقه نصفين ثم نصب عليه حليب ساخن ونغطيه قبل الفطار بساعتين – أو نصب عليه حليب بارد الليلة السابقة ونتركه فى الثلاجة)

وبعد أن نصلى المغرب نتناول مانشاء من طعام مشوى أو مسلوق أو طواجن بالكمية التى تشبعنا – بدون إستخدام سمن لكن مسموح بقطرات من الزيت للطهى – مع أرز أو خبز أو مكرونة – واحد منهم فقط – على أن يصاحبه طبق سلطة ضخم – ويفضل الإنتهاء من طبق السلطة قبل الإنتهاء من باقى الطعام حتى تمتلئ المعدة وماننساش نفسنا فى الأكل – وبشرط الإمتناع عن تناول أى طعام مقلى مثل البانيه أوالبطاطس المحمرة أو أى حلويات أو مشروبات غازية أو شيبسى أو مقرمشات – يمكننا بعد الأكل شرب الماء فقط وسنشعر فوراً بالإمتلاء – وللتحلية نتناول أى فواكه مثل البطيخ أو الكنتالوب

فى السحور

نتناول فاكهة فقط لاغير – ويفضل البطيخ لإحتوائه على كمية كبيرة من الماء تروى عطشنا لليوم التالى

بين الفطار والسحور

إذا شعرنا بالجوع بين الفطار والسحور نتناول فاكهة أيضاً – فاكهة فقط وليس أى طعام أو شراب آخر – مع الإكثار من شرب الماء طوال الوقت مابين المغرب والفجر

هذا النظام يوفر علينا إستهلاك كميات هائلة من السعرات كنا متعودين نحشى بها أجسامنا طوال أيام رمضان من حلويات ومشروبات ودهون – كما أننى جربت ألا أتسحر سوى بطيخ – وكنت خايف أبقى جعان تانى يوم – لكن إكتشفت إنى بالعكس تماماً لم أشعر بأى جوع – ولا حتى عطش بسبب إرتوائى طوال النهاربالبطيخ اللذيذ اللى كله ماء

إذا كنت من أصحاب الأوزان الزائدة فأعلم أن فى جسمك مخزون كبير من الطاقة فى شكل دهون – وعدم تناولك وجبة السحور سيجبر جسمك على إذابة جزء من ذلك المخزون وحرقه ليمدك بالطاقة طوال نهار رمضان
ميزة رمضان إنك لا تستطيع تناول أى شئ بعد آذان الفجر – بعكس الريجيم العادى اللى معظمنا بيكون ضعيف فيه وبيبوظه فى أى وقت – لذلك الفرصة هائلة للتخسيس فى رمضان – بشرط الإمتناع عن حلويات رمضان وأى طعام مقلى أو مقرمشات أو مشروبات أو أى عصائر مضاف اليها سكر – والإقتصار فى السحور على تناول فاكهة فقط لاغير

النظام دة ممكن يخسسكوا فى رمضان من 8 الى 15 كيلو (حسب النشاط البدنى – إذا كانت حياتك رتيبة والحركة قليلة توقع أن تخس حوالى 8 كيلو – أما لو هناك نشاط وحركة ومشى أو أى رياضة فتوقع أن تخس حوالى 15 كيلو)

شارك هذا الموضوع
error

20 تعليق

  1. عمو محمد# انا بديت رجيم مع نفسي ورياضه ..كنت اول ماياذن المغرب اخد ازازه ميه لتر واجري نص ساعه بعد كده برتاح شويه وافطر ع العشاء بيبق طبق سلطه وقطعه لحمه وساعات ممكن اخد سنبوسه او اي قطعه حلويات وحده ….ولم جيت اوزن نفسي لقتني ماخستش وكمان زدت ف وزن ازاي معرفش … هو جري ع معده فاضيه بيحرق دهون اكتر ولا غلط؟؟

    • طبعا الجرى او اى رياضة بتحرق الدهون – بشرط انك تمتنعى عن اى نوع من الحلويات او المشروبات الغازية او العصائر المضاف لها سكر
      ولما تعوزى توزنى نفسك اوزنى نفسك قبل الفطار – وخللى ميعاد الوزن ثابت كل مرة عشان تقدرى تقارنى
      كلى لحمة وفراخ وسمك باى كميات براحتك – بشرط الامتناع تماما عن العيش والارز والمكرونة والبطاطس – كلى بالمعلقة ودايما طبق سلطة كبير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.