منجز ماكس نظام هايل – انترنت سريع بدون خط تليفون ارضى

آخر تحديث : 15-04-2016 الساعة 10:15 ص

تحديث:

للأسف شركة اتصالات عدلت نظام منجز 25 الجديد وأصبح أسوأ بكتير- فبعد أن كانوا بيعطوك 2 جيجا (1.5 جيجا تصفح و 0.5 جيجا ستريمنج وتشات ويوتيوب) – أصبحت الآن 1.25 جيجا فقط شاملة كل شئ – مش بس كدة – كان الاول تقدر لو خلصت الميجات بتاعتك تستمر فى التصفح لباقى الشهر لكن بسرعة اقل – من غير ما تدفع ولا مليم – دلوقتى اول ما تخلص ال1.25 جيجا يروحوا خاصمين منك 20 جنيه من غير ما يسألوك مقابل 1 جيجا اضافية – ولو مفيش رصيد تتوقف الخدمة تماما لحين الشحن – يعنى يا اما تشحن ب20 جنيه يا اما تقضى باقى الشهر بدون نت!

كدة التسعيرة خلوها موحدة – الجيجا ب20 جنيه – على جميع الأنظمة منجز او موبايل انترنت – ودة سعر مغالى فيه جدا مقارنة بالدى اس ال ويعتبر اكثر من 6 اضعاف السعر (الجيجا ب3ج فقط فى الدى اس ال عند شراء 25 جيجا اضافية ب75ج فى نظام تورنيدو)

تحديث سابق:

نظام ماكس 25 الجديد يعطيك 500 ميجا ستريمنج وشات وداونلود + 1.5 جيجا تصفح – بعد ال500 ميجا مايخلصوا ما تقدرش تشوف يوتيوب ولا تعمل شات – اما التصفح فيظل سريع – بسرعة 512 ك ب – الى ان تصل الى استخدام 1.5 جيجا – بعدها تقل السرعة الى الربع – اى 128 ك ب – وبعد 2 جيجا تقل الى 64 ك ب – وبعد 3 جيجا تقل الى 32 ك ب – ولا يمكن اعادة السرعة الا بعد انتظار نهاية الشهر عند ميعاد التجديد الشهرى

————————————-

تحديث سابق:

اسهل طريقة لتجديد الاشتراك هى عن طريق برنامج اتصالات المتصطب على جهازك – فقط اضغط على Prepaid Packages ثم ادخل ال15 رقم بتوع كارت شحن ب25 (بعد خربشة الكارت) ثم اضغط على زر “Recharge”

ولمعرفة حالة اشتراكك ورصيدك والكمية اللى استهلكتها اضغط على زر “Balance Inquiry” من نفس الصفحة

————————————-

شعار منجز: انا مش بتاع شات ولا يوتيوب – انا بتاع تصفح وفيس وبس

لما تكون فى مكان مافيهوش خط تليفون أرضى للاشتراك فى خدمة الدى اس ال – بتبقى مشكلة مزعجة

لكن هذا تغير الآن بعد أن طرحت شركة إتصالات طريقة “منجز” الجديدة – حيث يمكنك الإشتراك فى باقة ماكس – والتكلفة كالآتى:

  1. ستشترى يو اس بى مودم – سعرها فى فروع اتصالات 125 جنيه – وفى محلات الموبايل حتلاقيها بسعر أقل – من 100 الى 110 – انا اشترتها ب105 – وبتتباع فى بعض فروع سوبرماركت المحمل ب85 فقط – لكن لما فتحت العلبة لقيت الشريحة حد قطعها من الكارت ووضعها فى اليو اس بى – خدمة العملاء لما سألتهم قالوا لى المفروض تكون الشريحة فى الكارت عند الشراء – فأنصحكم لو حتشتروها من محلات موبايل تتأكدوا ان الشريحة مش منزوعة من الكارت – بس عموما الخط اشتغل معايا بدون مشاكل ووجدته غير مسجل باسم حد قبلى
  2. تشحن خط الموبايل اللى جاى مع المودم بمبلغ 25 جنيه – وهى قيمة الإشتراك الشهرى فى باقة ماكس

باقة ماكس تعطيك انترنت سريع 7.2 (السرعة الفعلية تشبه سرعة 512kb) ميجابايت  – وتجعل الكمبيوتر المنزلى أو اللاب توب متصل بالنت طوال الوقت ومن أى مكان – لتصفح لجميع مواقع النت بلا حدود – لكن بسرعات تقل كلما زاد استهلاكك من التصفح – بالإضافة الى 500 ميجابايت للإستخدامات الأخرى غير التصفح – مثل الداونلود والتورنت والفيديو والألعاب – بمعنى أن التصفح لا يشمل مشاهدة فيديوهات يوتيوب – فالفيديو بيتحسب من ال500 ميجا مش من الجيجات بتوع التصفح

باقة منجز ماكس هى أول حل يتيح لك إنترنت منزلى بديل للدى اس ال – يعنى من دلوقتى ممكن تستغنى عن تليفون المنزل وتلغيه لتتخلص من فواتيره الربع سنوية – لإن ناس كتير كانوا بيضطروا لعدم الغاء الخط الأرضى بسبب الدى اس ال – رغم اعتمادهم شبه الكلى على الموبايل فى مكالماتهم

وطبعا منجز ماكس حل مثالى فى المصايف والرحلات وأثناء السفر الى أى مكان فى مصر

باقة منجز ماكس مناسبة لك إذا كنت تحتاج أساساً الى تصفح مواقع النت والايميلات وقراءة الجرائد والمجلات وخدمات جوجل وغيرها – لكنها ستكون مكلفة جدا لك إذا كنت تريد مشاهدة فيديوهات يوتيوب او تنزيل افلام او برامج من التورنت أو مواقع تحميل الملفات – فال 500 ميجا المتاحة للاستخدامات الاخرى لن تكفى مثلاً لمشاهدة فيديوهات يوتيوب أكثر من يوم واحد او يومين فى الشهر كله – وستحتاج الى “اكسترا ميجابايت” أسعارهم كالتالى:

  • اكسترا 700 ميجابايت بـ 15 جنيه
  • اكسترا 4 جيجابايت بـ 60 جنيه
  • اكسترا 10 جيجابايت بـ 125 جنيه
  • اكسترا 20 جيجابايت بـ 225 جنيه

أما فى حالة التصفح فقط فلن تضطر الى دفع أكثر من 25 جنيه فى الشهر – وحتى لو ال2 جيجا خلصوا قبل نهاية الشهر – لن تدفع شئ إضافى – بس السرعة ستقل من 512 كيلوبايت الى 128 بعد استهلاك 1.5 جيجا تصفح – ثم الى 64 عند الوصول الى 2 جيجا – ثم 32 لما بعد 3 جيجا لباقى الشهر – ثم تعود الى512 ك ب مع بداية شحن الشهر التالى

على فكرة – بعد استهلاك ال500 ميجا المخصصة لغير التصفح – سيظل بإمكانك لعب games بتاعة فيس بوك – فمثلاً لعبة البلياردو pool life tour بتشتغل معاك عادى حتى بعد استهلاك ال500 ميجا – وكذلك العاب اخرى اون لاين كتيرة – يوتيوب هو اللى مش بيشتغل بعد استهلاك ال500 ميجا

والظريف فى منجز ماكس انك مش مضطر تشحن كل شهر متواصل – فلو حابب توقف شهرين تلاتة أو اكثر مفيش مشكلة – ولما تحب تشحن فى أى شهر فى المستقبل إشحن ب25 جنيه حيشتغل معاك عادى – يعنى الخط مالوش فترة صلاحية – فهو صالح معاك على طول وجاهز للشحن فى أى شهر ترغب فى استخدامه – ودة مناسب جدا للى بيسافروا برة وبيرجعوا مصر اجازة شهر او شهرين فى السنة – او أثناء المصايف – يقدروا يشحنوا فى فترة اقامتهم فقط ولا يدفعوا شئ باقى السنة

ملحوظة

عند الوصول إلي 1.5 جيجابايت من التصفح والبريد الإلكتروني سوف تنخفض السرعة إلى 128Kbps وعند الوصول إلي 2GB سوف تنخفض السرعة إلى 64Kbps و عند الوصول إلي 3GB سوف تنخفض السرعة إلى 32Kbps لحين موعد التجديد الشهرى

ملحوظة هامة

طريقة الشريحتين
اذا كان تصفحك بيستهلك اكثر من 1.5 جيجا فى الشهر – ومش عايز يعذبوك بالسرعة البطيئة بعد ال 1.5 جيجا – ممكن تشترى شريحة داتا تانية ب15 جنيه تشحنها ب25ج وتستمع ب500 ميجا ستريمنج + 1.5 جيجا تصفح بسرعة عالية – يعنى تدفع فى الشهر 50 جنيه يعطوك 1 جيجا ستريمنج + 3 جيجا تصفح بسرعة 512

الحل دة أفضل وأوفر من شراء اكسترا ميجابايتس الا لو كنت غاوى يوتيوب طبعا

شارك هذا الموضوع
error

333 تعليق

  1. لو سمحت سؤال مهم ..
    أنا عندي ال2 جيجا وال200 ميجا الاضافية خلصوا ..
    وشحنت الفلاشة ب 25 جنيه ..
    مع العلم ان لسمه ماكملش شهر من أول شحن ..
    يعني انا لسه مشترك في العرض من أسبوعين ..

    فهل لازم أشتري باقات اكسترا
    ولا ممكن أشترك أكتر من مرة في الشهر ؟
    مع العلم ان اليواس بي رافض ارسال رسالة الي رقم 583

    أرجو الافادة

    • إشترى شريحة داتا من أى فرع اتصالات – سعرها 15 جنيه – كدة حيبقى معاك اشتراكين برقمين مختلفين – لما ال 2 جيجا يخلصوا من الشريحة الأولى تحط الشريحة الثانية وتشحنها ب25 جنيه قيبقى معاك 2 جيجا جديدة – وتقدر تعمل كدة كل شهر – وممكن تشترى شرائح اكتر لو عايز

  2. انا دلوقتى كنت مشتركه فى منجز و شكنت 25 و تمام و عاجبنى و لما خلصو 200 ميجا شحنت تانى ب 15 و اشتريت اكسترا ميجا و خلصتهم من يوميم
    المهم دلوقتى الشهر المفروض انو خلص انا شحنت و الرصيد فيه 27 جنيه و مش راضى يجدد للشهر تلقائيا و لا سحب حاجه من الرصيد و التصفح بس الى شغال و انا عاوزه اجدد الشهر عشان الياهو يدخل و الاغرب انو الشهر خلصان من يومين ؟ و لسه شغال و بسرعه عاليه كمان فى التصفح بس انا عاوزه اجدد الشهر اعمل ايه ؟؟ و الاكسترا ميجا كلها 15 -60 -125 طب فين التجديد الشهرى

  3. دلوقتي عندي مشكلة خطيرة ..
    دلوقتي الشهر بتاع الاشتراك خلص ..
    والمفروض اني أجدد الاشتراك
    شحنت الفلاشة ب 30 جنيه و بعت رسالة لرقم 583 من ال يو اس بي ورفض يبعت
    قلت طالما أنا مشترك فمافيش داغي أبعت طالما هو رافض ..
    فالنت اشتفل وبعد شوية لقيت ولا موقع بيفتح وبتيجي بداله صفحة اتصالات ويقولي رصيدك خلص
    واكتشفت انه بيحاسب علي الميجا ب 25 قرش
    وال 30 جنيه راحوا عالفاضي
    حد يقوللي هو دة نظام نصب ولا ايه ؟

  4. دلوقتي عندي مشكلة خطيرة ..
    دلوقتي الشهر بتاع الاشتراك خلص ..
    والمفروض اني أجدد الاشتراك
    شحنت الفلاشة ب 30 جنيه و بعت رسالة لرقم 583 من ال يو اس بي ورفض يبعت
    قلت طالما أنا مشترك فمافيش داغي أبعت طالما هو رافض ..
    فالنت اشتفل وبعد شوية لقيت ولا موقع بيفتح وبتيجي بداله صفحة اتصالات ويقولي رصيدك خلص
    واكتشفت انه بيحاسب علي الميجا ب 25 قرش
    وال 30 جنيه راحوا عالفاضي
    حد يقوللي هو دة نظام نصب ولا ايه ؟

    • نصيحة لك يا أخى الكريم بلاش تتهم الناس كدة جزافاً بدون دليل – احنا حنسأل عن كل كلمة بنقولها
      شركات المحمول لا تجبر أحد على الإشتراك فى أى من خدماتها – والمفروض المشترك يعرف تفاصيل أى خدمة قبل ما يدفع – اتصالات واضحة جدا وقالت ان منجز لا يناسب هواة الشات – وانا وضحت دة بالتفصيل فى موضوعى – فين بقى السرقة؟ مش العقد شريعة المتعاقدين؟ وللا انت كنت متوقع تاخد حاجة مش حقك؟

      ثم انى وضحت لكم اننا ممكن نعمل تشات تكست على فيس بوك طول الشهر بلا قيود – ايه سر التمسك بياهو لما ممكن تتشات بالكتابة من على الفيس؟

  5. محمد حمدان قال:
    أغسطس 30, 2012 الساعة 20:13
    دلوقتي عندي مشكلة خطيرة ..
    دلوقتي الشهر بتاع الاشتراك خلص ..
    والمفروض اني أجدد الاشتراك
    شحنت الفلاشة ب 30 جنيه و بعت رسالة لرقم 583 من ال يو اس بي ورفض يبعت
    قلت طالما أنا مشترك فمافيش داغي أبعت طالما هو رافض ..
    فالنت اشتفل وبعد شوية لقيت ولا موقع بيفتح وبتيجي بداله صفحة اتصالات ويقولي رصيدك خلص
    واكتشفت انه بيحاسب علي الميجا ب 25 قرش
    وال 30 جنيه راحوا عالفاضي
    حد يقوللي هو دة نظام نصب ولا ايه ؟

    نفس الحصل معايا بالضبط ومش عارفه ايه الحل ؟؟؟؟؟؟ ارجو الاجابه من فضلك وجزاك الله عنا كل خير

  6. انت مبتردش عليا لية يا حاج محمد هو احنا مش قد المقام ولا اية رد علينا يا حاج لو سمحت انا سالت لو عاوز الياهو يشتغل بعد ال200 ميجا ما يخلصوا اعمل اية انت كنت قايل علي حل ممكن تكتبة تاني؟

    • أى حلول للتغلب على سقف ال200 ميجا يعتبر تحايل غير شرعى – وأنا لا أدعم تلك الحلول
      الخدمة شروطها واضحة وفى الاسلام العقد شريعة المتعاقدين فلا تأخذ أكثر من حقك فى كل تعاملاتك حتى يبارك الله فيك وفى حياتك بإذن الله

  7. على فكرة يا جماعة اللى حيحول الى منجز سيتم اللغاء اشتراكه الى الابد فى الباقة ال 19 جنية حتى لو اشترى كارت جديد خللللللللللللللللللللللللللللى بالك و احترس من النشالييين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.