ازرع ريحان فى بلكونتك

آخر تحديث : 18-01-2015 الساعة 12:35 م

الريحان كلنا نحب رائحته الجميلة – والحمد لله هو نبات سهل جدا زراعته والعناية به – ينمو بسرعة وشكله جميل وليس فقط رائحته العطرة

ريحان بعد زراعة الحبوب بشهرين – زرعته فى فبراير والصورة للريحان فى ابريل

طريقة زراعة الريحان
ننثر حبوب الريحان السوداء فى قصيص زرع به طمى او بيتموس (البيتموس أفضل وأنظف لأن الطين بيكون به ديدان)
حبوب الريحان توجد فى البراعم الناشفة لأى ريحان قديم – فالريحان فى نهاية الصيف تنمو أعلاه أزهار رقيقة بشكل عمودى فوق بعضها – ثم تجف الأزهار وتنشف – وينشف بعدها النبات ويصبح خشبى – فى هذا الوقت يمكننا قطع الجزء العمودى من الساق الذى نمت فيه الأزهار بعد أن جفت – وبدئا من شهر فبراير نحضر قصيص الزرع ونبدأ فى فرك البراعم الجافة من على الساق العمودى – سنلاحظ أننا عندما نفرك برعما سيتساقط منه حبوب سواء صغيرة فى حجم حبوب الرمل – تلك هى حبوب الريحان – وكل حبة منها ممكن أن تنمو لتصبح نبات ريحان كامل
ننثر كمية فى القصيص ثم نسقيها بماء خفيف
نواظب على سقى القصيص كل يوم فى البلكونة – ولو الدنيا حر نسقيها اكثر من مرة فى اليوم – المهم الا تجف الطينة اثناء نمو الحبوب

بعد حوالى اسبوعين ستبدأ سيقان صغيرة فى الظهور كل منها تحمل ورقتين غاية فى الصغر – واظب على سقيهم بالماء وستنمو بسرعة

بعد أن يمتلئ القصيص بالريحان ويكبر نسقيه كلما بدأت الطينة تجف وليس قبل ذلك – حتى لا تتعفن الجذور – فمعظم الناس يميتون نباتاتهم بسبب كثرة سقى النبات فتختنق الجذور ثم تتعفن فيموت الزرع

فى نهاية الصيف تظهر زهور بيضاء صغيرة رقيقة فى صفوف فوق بعضها تتحول بعد ذلك الى ثمار – عندما تتخشب تلك التيجان قصها واحتفظ بها لان بها بذور ريحان يمكن زراعتها من جديد

فى الخريف سيجف النبات – لا تنسى أن تقص الأجزاء العلوية من السيقان التى تكون على شكل تيجان والتى تحمل الزهور التى جفت واصبحت خشبية وتحولت الى ثمار – فهى الحبوب التى ستستخدمها فى الربيع القادم بإذن الله – وهكذا يمكننا من نبتة واحدة أن نحصل على عدد غير محدود من نبات الريحان العطرى الجميل – كما يمكننا إهداءها لمن نحب – فهى هدية جميلة مثلا لأى عروسين ليضعوها فى بلكونة شقتهم الجديدة – وهى أقيم من بوكيه الورد التقليدى اللى ييذبل ويلقى فى الزبالة بعد كام يوم – بينما الريحان كائن حى ينمو أمام أعينهم ويمدهم وبرائحة وعبق شذى رومانسى لسنوات وسنوات

123 تعليق

  1. كنت بسقي كل يوم مساءا وتركتها 3ايام ثم سقيت وقتها اورقهاكانت ننامت خالص واما سقيتها صحصحت جدا بس الريحان تقريبا بيموت عاوزه اعرف اعتني بيهم ازتي هما مسكوعطر الليل وحصى لبان و ريحان واسفه للتاخير في الرد وشكرا للاهتمام ولو حابه اعمل حديقة صغيرة ببلكونتي ايه ممكن ااجيب من نباتات

    • بالنسبة للريحان فهو نبات حولى فمن الطبيعى انه يخشب فى الخريف ويموت فى الشتاء – الا اذا كان مزروع فى الارض ممكن يعيش – لكن فى البلكونة انصحك بعد ما ينشف وقبل ما ترميه انك تاخدى عواميد التيجان الناشفة وتشيليها فى كيس صغير – وفى فبراير او مارس تفركيها بين ايديكى حتلاقيها نزل منها حبوب سوداء صغيرة جدا – استخدمى نفس القصيص – حتلاقى التربة بقت صلبة – قلبيها من تحت لفوق بشوكة او معلقة كبيرة وبعدين اسقى الطينة كويس – وبعدين انثرى كام حبة فى المنتصف وغطيهم برشة تربة خفيفة وبعدين اسقيهم كل يوم – بعد حوالى اسبوع او اثنين حتظهر براعم – لما يكبروا شوية شوفى مين فيهم البرعم الافضل وانزعى الباقيين من حواليه – حيكبر ويبقى كدة عندك كل سنة ريحان جديد جميل ان شاء الله – ولما يكبر لارتفاع 10سم قصى الاوراق العليا عشان يفرع ويبقى غزير وكثيف – كل فرع تقصى طرفه العلوى يديكى فرعين – والفرعين يدوكى اربعة – وهكذا
      بالنسبة لباقى النباتات اللى حضرتك ذكرتيها انا باعتذر لان معنديش خبرة فيهم – لكن من الحاجات المعمرة للبلكونات الياسمين الهندى

  2. حضرتك تقصد بالتيجان الراسيه الفروع التى يخرج منها زهور صغيرة بيضاء اللون ( لو ممكن حضرتك تحطلى صورة عشان اعرف هقص ايه بالضبط)
    هل اقصهم دلوقتى و احتفظ بيهم لغاية فبراير و لا استنى و اقصهم فى فبراير
    ازاى اقدر اعمل خرم لنزول المياه علما بان اللى عنى فى قصرية فخار اول ما جبتها كان فيها خرم بينزل المياه دلوقتى مبقتش تنزل ليه ؟

    • ايوة صح هى التيجان اللى بتطلع زهور بيضاء صغيرة
      بعدالزهور ما تذبل والتيجان تنشف وتخشب خالص تقصيها وتشيليها مش قبل كدة – وانا اضفت للموضوع صورة توضيحية لحضرتك
      بالنسبة للقصرية الفخار هى بتكون مخرومة ما ينفعش تعملى لها اى خرم ، تلاقيكى بس بتسقيها ماء قليل
      طريقة السقى السليم انك تسقى لغاية ما الماء يبدأ فى التسرب من اسفل حتى لو اضطريتى تستنى شوية عشان تتشرب الماء وبعدين تسقى تانى ، ولازم تدلقى الماء من الطبق ما تخليش القصرية قاعدة على ماء عشان الجدور ماتعفنش

    • حضرى طبق غسيل بلاستيك وشوكة معدن – التربة تكون ناشفة طبعا – امسكى القصرية بايد وبالايد امسكى ساق الريحان من اسفله وشدىه عشان تطاعيه من جذورة – حاولى يكون تحته الطبق عشان يستقبل اى طينة تقع – وبالشوكة نزلى الطينة العالقة فى الجذور وتخلصى من النبات الميت – وبالمرة استخدمة الشوكة فى تقليب التربة عشان تفك – واعيدى التربة اللى تجمعت فى الطبق مرة اخرى للقصرية – ولو عندك شوية رمل اخلطية بالطينة عشان تزودى خاصية المسامية – ولو شوية قشر بيض برضه حلو يغذى النبات – ويا سلام لو فى الاخر حطى على الوش شوية بيتموس الريحان حيفرح ويظأطط

  3. السلام عليكم
    اسف على كثرة الاسئلة عشان انا لاول مرة ازرع
    ..
    انا زرعت بذور ريحان وللان لم تخرج بقيت منذ اسبوع
    هل هذا امر طبيعي ام يجب علي الزرع مجددا
    واسف على الازعاج

  4. السلام عليكم
    عندي ريحان عمره اقل من اسبوع وله ورقتين صغيرتين والان ذبلت بدون سبب وان اسقيها باعتدال واعرضها للشمس باعتدال
    ذبلت ومالت للاسفل هل في طريقة لعلاجها
    دون ان ازرع مجددا

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.