مقارنة بين تى اى داتا ولينك دوت نت TeData vs Orange DSL comparison

تحديث
الدى اس ال بتاع شركة اتصالات سرعته معقولة وسعره ارخص من كل الشركات الاخرى التفاصيل هنا
عروض كل من شركة تى داتا وشركة لينك (اورنج) متقاربة ودايما يكونوا فى نفس المواعيد تقريبا كل سنة – وهى عروض الهدف منها جذب مشتركين جدد فقط – وينسون المشتركين القدامى وكأنهم لا يهمهم الحفاظ عليهم – كلا الشركتين وقت العروض بيقدموا زى بعض 6 شهور بتخفيض 50% زائد راوتر مجانى هدية

راوتر لينك الهدية بيكون ماركة  D-Link موديل DSL-2739U

اضغط هنا

أما شركة تى داتا الراوتر الهدية اللى بتقدمه للعملاء الجدد راوتر ماركة Huawei H5320n

HG532n-big

كلا الراوترين فيهم واى فاى وايرليس وفيهم 4 مخارج سلكية – لكن راوتر تى داتا افضل قليلاً فى الواى فاى فهو يغطى مساحة اكبر

وبالمقارنة بين سرعة الشركتين ستلاحظ أنهم متقاربتين – إشتراك 512 ك.ب يعطيك سرعة تنزيل فعلية من 50 الى 55 ك.ب فى الثانية – واشتراك 1 ميجا يعطيك سرعة داونلود فى حدود 100 – 110 ك.ب فى الثانية تقريباً

عند الإشتراك لأول مرة الشركتين بيبعتولك مندوب يحصل منك قيمة اشتراك أول شهر – وشركة لينك بتبعت لك كمان العقد لتوقعه فى البيت – اما تى داتا فلازم تروح لأحد فروعهم للتعاقد

شركة تى داتا بتوصل لك السرعة التى دفعت ثمنها بالظبط -بينما ستجد أن السرعة التى تحصل عليها فى لينك دائماً ما تكون أكثر من السرعة التى دفعت ثمنها – فمثلاً عندما تدفع سرعة 512/128 ستحصل على 587/285 أى زيادة  15% فى سرعة التنزيل وزيادة أكثر من الضعف (123% بالضبط) فى سرعة الرفع!

كل من الشركتين لا يطبقون سياسة الاستخدام العادل بالنسبة للاشتراكات الغير محدودة – بمعنى ان المشتركين الجدد والقدامى يتمتعون بميجات غير محدودة

نصيحتى اذا كنت مستخدم كثيف للنت انك تشترك Unlimited – وتبعد عن النظم الجديدة مثل طلقة واوبتيموم وغيرها – فكلها انظمة محدودة وبياخدوا منك فلوس اضافية – سبوبة يعنى عشان يستنزفوا فلوس الناس اللى مش فاهمة ويستغلوهم

لمزيد من الاستفسارات:

شركة تى داتا: ت 19777

شركة لينك: ت 16333

ملحوظة: كتبت لكم ايضا تجربتى مع smart ADSL اللى بتقدمه شركة اتصالات

لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

80 تعليقات على "مقارنة بين تى اى داتا ولينك دوت نت TeData vs Orange DSL comparison"

avatar
ضيف
ضيف
ضيف

الكلام ده كله غلط

عمرو
ضيف
عمرو
كلامك حقيقى 100% فعلا شركة لينك بتديلك سعر اكبر من اللى انتة مشترك فيها فبالتالى بتكون احسن من تى اى داتا وبصراحة شركة محترمة جدا وفى عروض بتنزلها للعملاء الحاليين غير تى اى داتا صيت على الفاضى وكمان الضغط فى لينك قليل ومفيهاش مشاكل زى تى اى داتا بس خلاص الواحد اضطر انة يشترك فى تى اى داتا بسبب الكابلات الزفت الفايبر والنت بيقطع فى تى اى داتا انا كنت بقالى سنة مع لينك عمرى ماشتكيت منها خالص غير تى اى داتا بتقطع النت تبقى الافضلية لشركة لينك ولو شركة لينك حصلت على رخصة عمل شركة اتصالات ليها انا هلغى… قراءة المزيد ..
shootr
ضيف
shootr

شركة تي داتا النت فيها سيء وبيقطع ومش حاسيس خالص انها واحد ميجا وكانت غلطه اني اشتركت فيها

romany
عضو
romany

لو حضرتك حابب تشترك فى لينك عندى الاقتراح الافضل لحضرتك للاشتراك كلمنى على الرقم ده
01204567792

romany
عضو
romany

لو حضرتك حابب تشترك فى لينك عندى الاقتراح الافضل لحضرتك للاشتراك كلمنى على الرقم ده
01204567792

ضيف
ضيف
ضيف

كل الكلام ده هجس في هجس كفايه كذب

ضيف
ضيف
ضيف

انت شكلك شغال فى تسويق لنك عشان كلامك كلة غلط انا عندى خطين واحد لينك والتانى تى اى داتا والله تى اى داتا احسن بكتيييييييييييير جدا من لنك والمقارنة بينهوم متنفعش خالص

ضيف
ضيف
ضيف

أنا اشتركت مع الشركتين وطبعا لينك أرقى بمرااااااااااااحل ،،، وبجد انا ئرفت من تى اى داتا دى وبالذات العم الفنى بنى ادمين ما بيفهموش وفعلا الخدة كانت بتنقطع كتير والسرعة دايما مذبذبة

هائولها نصيحة واجرى على الله ،، وان شاء الله حد بردو يئول انى شغال فى تسويق لينك هههههه

لو انتا هاتشترك جديد ريح بالك واختار لينك من غير تفكير

ياراجل كفاية فترة السماح بعد ميعاد تسديدك اللى ممكن توصل 15 يوم

تى اى داتا كانت بتدينى يومين على الاكثر

عمرو
ضيف
عمرو

هى اساسا 15 يوم واول لما بدفع بيجى فى الحال بالذمة فى موقع منظم كدة شركة منظمة جدا

romany
عضو
romany

لو حضرتك حابب تشترك فى لينك عندى الاقتراح الافضل لحضرتك للاشتراك كلمنى على الرقم ده
01204567792

ahmed gad
ضيف
ahmed gad

لينك دوت نت فاقدين للمصداقية غير ملتزمين بالعقد المبرم مع العميل نصيحتي لاي شخص احذر ان تكون عميل لشركة لينك دوت نت مصر متعاقد معهم بسرعة 2 ميجا ويفترض التحميل سرعته 256 ك ب ث . السرعة للتحميل لدي 64 ك . يعني شركة نصابةوالله على ما اقول شهيد . كذلك يستفيد من عروضهم بنسبة 90 % العميل الجديد اما العميل الحالي لا

توكيل
ضيف
توكيل

على كل الامور الاثنين نصبين على الاقل انا الان مشترك فى تى داتا دفعت الاشتراك قبل التجيد 27/9/2014 والخدمة توقفت فى 29/9/2014 وبعد معنا مع الدعم الفنى اكثر من 13 يوم جاى يقولى العيب عندك فى الخط للعلم انة فى اليوم 14 بعد التوقف الخدمة اشتغلت لوحدها يبقى ايو زنب الخط لاالارضى ولما هما بيهتمو بى العميل الجديد يبقى انا كمان اهتم بى الشركة اى تقدم لى عروض افضل وخدمة ممتازة ودة اللى انا لقيتة فى دى لينك

احمس
ضيف
احمس

كل الى اقدر اقوله ان تى اى داتا شركة وسخة و خدمة العملاء اوسخ من الوساخة

romany
عضو
romany

لو حضرتك حابب تشترك فى لينك عندى الاقتراح الافضل لحضرتك للاشتراك كلمنى على الرقم ده
01204567792

ronaldo
ضيف
ronaldo
السلام عليكم .. طيب احنا دلوقتي في 2014 وانا لحد دلوقتي مش عارف انهي افضل لينك او تي اي داتا او فودافون او اتصالات او انترنت مصر ملقيتش اجماع على حاجة واحدة كل الكلام متناقض دة يقولي حاجة على لينك كويسة والتاني يقولي لا دي وحشة ويقول على تي اي يداتا وواحد تالت يقول لا لا دي ولا دي حلوين وبصراحة دخت انا عايز من الاخر عشان اخد قرار نهائي لو حبيت اشترك في احدى الشركات ياريت الافادة بسرعة وبضمير وبمعلومات يقينية دون اي دعاية او اي انحياز الشركات دي مش ولاد اختنا يعني اكيد ولا حد مننا ليه علاقة… قراءة المزيد ..
كريم الزملكاوى
ضيف
كريم الزملكاوى
أنا عايز أشترك فى خط تانى يا رجالة عندى خط حالى فى تى داتا ( 2 ميجا غير محدود ) لكنى إكتشفت إن سيادتهم عاملين حد أقصى للتحميل للسرعات الغير محدودة شهريا ب ( 300 جيجا ) و الشهر إللى فات إتصدمت إن يوم 31 تم تخفيض السرعة إلى 128 كيلو بايت لمدة 24 ساعة بحجة أن سوء الإستخدام قام بالتأثير على العملاء فى نفس السنترال الذى أتبع له . و بالتالى السرعة الغير محدودة فى تى داتا إشتغالة كبرى لأن سرعتك محدودة بحجم الخط و سعة تحميلك محدودة ب 300 جيجا مهما كانت سرعة الخط . و بالتالى بعد… قراءة المزيد ..
romany
عضو
romany

حضرتك اشترك فى لينك افضل بكتير ومفيش عنده تحديد للسرعات

شهاب
ضيف
شهاب

انا عايز اعرف انا من ٦ شهور روحت اقدم على راوتر قالولي المنطقه الي انا فيها مش واصلها الخدمه ( هضبه الاهرام ) عايز اعرف دخلت عندي ولا لا
ارجو الرد

محمود
ضيف
محمود
معلش انا ليا رأي في الموضوع دا شركة تي اي داتا من اقوي الشبكات في الانترنت مقارنة بشركةلينك اللي اصبحت دلوقتي في النازل خالص ومبيعاتها بتقل جداً وعدد مشتركينها بيقل عن الأول بسبب خدمة النت البطيئة والمنعدمه احياناً وبسبب سوء خدمة العملاء في استقبال شكاوي المشتركين واستفساراتهم وده طبعا اللى بيخلي الشركة دي في النازل واحب اقول ان شركة تي اي داتا من واقع تجربتي معاها انها شركة تغطيتها كبيرة جداً جداً في مجال الانترنت وزيادة كفائته وسرعته وتوصيل السرعة المطلوبة بدون زيادة او نقصان …. واترك للجميع القرار في اختيار الشركة اللي تناسب احتياجاتهم وانا حبيت اقول بس من… قراءة المزيد ..
عرابي
ضيف
عرابي

أقوى الشبكات .. يمكن , إنما اللي يعيبها هو خدمة العملاء ووضع موظفين بدل مايدلوك تعمل إيه .. يتوهوك ؛ ده إذا ردوا عليك من الأساس

محمد
ضيف
محمد

انا مجرب لينك ومجرب تى اى داتا
انا ندمت انى سبت شركة تى اى داتا
والله ان لينك نصبو عليا واشتكيت فى الجهاز القومى لتنظيم الأتصالات
وموظفين خدمة العملاء فى لينك كانو يلطعونى عالتليفون بالنص ساعة يسمعونى اغانى
اضافة الى ان خدمة النت من لينك زبالة
يعنى باختصار لينك دى ازبل شركة بالعالم

د.يوسف زكريا
ضيف
د.يوسف زكريا

والة الاتنين ازبل من بعض يا جماعة احنا فى مصر بنتسرق عينى عينك فى السرعات يعنى بسبب زيادة اعداد المشتركين ساءت الخدمة ومبقتش السرعة بتوصل لك زى مانت متعاقد غير البطئ الملحوظ وانخفاض السرعة اليومى لحد مابقت العملية بتزهق حسبى اللة ونعمة الوكيل

eslam kholy
ضيف
eslam kholy

انا جربت تى اى داتا وكلامك صح ومتردد اشترك فى لبنك

احمد يحي
ضيف
احمد يحي
ياجماعة انا اشتراكت في لينك حوالي 10شهور وهتكلم عن كل حاجة في خلال فترة اشتراكي في الشركة علشان تعرفوا اول اشتراكي دخلت في عرض عملاه الشركة خصم 50 في المية لمدة 10 شهور اول شهر النت كان ممتاز وتاني شهر وتالت شهر النت كان بيهنج من الساعة 12 الصباح لحد الساعة 6 المغرب واحيانا لساعة 9 وكنت بكلم الشركة يرد عليا بعد انتظار نص ساعة علي التليفون يقولي السنترال عليه ضغط ومرة يقولي سيب الداونلود شغال لمدة ساعتين وحنا هنعمل كشف علي الخط واقولك العيب فين وكنت بنتظر الساعتين واكلمهم تاني كان يرد عليا واحد تاني ويقولي حجة تانية تعالو… قراءة المزيد ..
eslam kholy
ضيف
eslam kholy

سيبك من الدونلود المهم البينج ايه اخباره مع الالعاب
فدنى بالله عليك

علاء التركي
ضيف
علاء التركي

قسما بالله يا استاذ احمد يحيي كلامك صح 100% انا مشترك في شركة لينك من سنة واربع شهور ، والله شفت المر معاهم ، انا مشترك واحد ميجا لوحدي ، وانا بكتب الرسالة دلوقتي سرعة التحميل 25 كيلو بايت في الثانية بقالي حوالي اربعة ايام على كده ، وبالنسبة اخويا مشترك في شركة دي داتا والله السرعة معاه ممتازة ، وان شاء الله ده اخر شهر ليا مع شركة لينك

محمد رمضان
ضيف
محمد رمضان

على فكرة اقسم بالله كل كلمة قلتها صحيحة انا كنت ف لينك سنتين و خرجت منها بسبب اللي انت بتقوله دة و اشتركت ف تي اي داتا وربنا يستر بقى مش عارف اية اللي هيحصل بعد اول شهر الللي لحد دلوقتي ماشي فوق الممتاز الحمد لله

يوسف محمود
ضيف
يوسف محمود
انا مشترك فى تى اى داتا من حوالى 5 سنين ولما اشتركت معاهم اياميها مكنش فى راوتر مجانى وكده زى دلوقتى وانا دلوقتى الراوتر بتاعى قدم وعايز اغيره والشركه بتقولى ادفع 250ج علشان نجبلك راوتر جديد وانا شايف ان العملا الجدد بياخدو ببلاش طب انا يا جماعه اعمل ايه واللى شايف حل يقولى عليه والله انا مشترك فى سرعه 1 ميجا وعندى 250جيجا استخدام عادل واللى عايز اثبتله مستعد اديلو صوره معدل التحميل بتاعى من الموقع نفسه وفى الحد الاقصى 250 جيجا بس بفكر الغى اشتراكى معاهم واروح فودافون بيقولو سرعتها كويسه والدعم الفنى بتاعهم ممتاز بس عيبهم الوحيد انهم… قراءة المزيد ..
romany
عضو
romany

حضرتك ممكن تشترك مع لينك ولو حابب ممكن تتصل بيا واقول لحضرتك المميزات 01204567792

يوسف محمود
ضيف
يوسف محمود

طيب تمام بس اذا لغيت من عندهم ومدونيش اى عرض انا بفكر اروح لفودافون حضرتك تنصحنى بشركه تانيه ولا اروح لشركه فودافون مع العلم ان استخدامى مش كتير يعنى للنت يعنى مش هعدى ال 40 جيجا تنصحنى اروح فودافون ولا فى من فودافون

Hazem Elbanhawy
ضيف
Hazem Elbanhawy

انا فى دى اى تا دا واراها زبالة وعايز احول النهاردة بص عاوز اعرف اروح لاية هل لينك افضل ؟؟؟؟؟

xShad0w
ضيف
xShad0w

لينك زبالة عشان بتطق الاستخدام العادل انا لسه عامل كانسل من اسبوعين من لينك
استخدام العادل في لينك :-
512=50 gb
1=100 GB
2=200 GB
وكذا يعني فكك منهم عشان نصابين وتي داتا برضو زبالة بس بنسبة ليا افضل عشان الاستخدام العادل

مصرى
ضيف
مصرى

لينك عاملة عرض لو دفعت الفاتورة فى ميعادها تشتغل ضعف السرعة دفعت الفاتورة فى ميعادها وطلع الموضوع نصب فى نصب

yaseen
ضيف
yaseen
والله انت عسل حج محمد انا مشترك فى فودافون للمره التانيه المره الاولى كان من حوالى 3 سنوات كانت اكثر من رائعه بصراحه لم اجد مشكله واحد فى اى شئ ولا سرعه ولا نصب ولا فلوس ولا اى شئ من الكلام ده بس اشتركت فيها من حوالى 8 شهور و من ساعتها النت لاما يفصل لاما بطئ بشكل مستفز لاما يجيبلك علامة تعجب بشكل مستمر و جربت كل الطرق من اول الرواتر و سلك الانترنت لبرامج و التصليح السوفت وير اليدوى من على الانترنت الشئ الوحيد اللى ما عملتوش ما اتصلتش بخدمة العملاء لانى مش عارف اوصل لرقمهم بتاع ال… قراءة المزيد ..
أبو معاذ
ضيف
أبو معاذ

رقم خدمة عملاء فودافون للadsl هو
2828

eslam kholy
ضيف
eslam kholy
والله انا بقالى 10 شهور متعاقد مع تى اى داتا ع جهازى بس بسرعه 1 ميجا ربنا مايوريكم الفضايح ولم يكون عندى ضيف بديق انو يستخدم الواى فاى او يقولى نتفرج ع فيلم كسوف كسوف كسوف ولما تيجى تكلم بتوع الدعم الفنى وهما اصلا مايعرفوش حاجه يقولولك العيب فى اجهزتنا فى السنترال وبالنسبه لليل من بدايه الساعه 6 مساء بقفل الجهاز علشان عارف اللى هيجرالى طغطى يرتفع ومابعرفش اعمل حاجه احسنلى انام وللعلم لما كنت مشترك جديد النت كان معايا صاروح اه والله والبينج عندى كان مظبوط لكن دلوقتى انا ناوى والنيه لله افصل منهم بس بعد شهرين علشان التعاقد… قراءة المزيد ..
وائل
ضيف
وائل

فودافون شركه كاذبه ولا تلتزم بالسرعه المحدده انا سيبتهم واشتركت فى لينك زى ما الناس قالت لغايه ما العرض ينتهى وهاسيبهم لان ده للاسف اللى موجود فى مصر العميل الجديد بيعملوه كويس لكن الناس القديمه بتتنسى

عبده
ضيف
عبده

شركه تى اى داتا حسبى الله ونعما الوكيل فيه شركه زباله زباله زباله انا عن نفسى مشترك فى 1 ميجا والسرعه من بعد الساعه 2 العصر زباله زباله زبــــــــــــــــــــــــاله معا العلم انى ما بحملش حاجه انا جايب السرعه علشان لعبه اون لاين وانا زقت من الشركه ديه ونفسى اولع فيه بجاز اوسخ من الوساخه ومش عارف اروح انهى شركه

ali metwally
ضيف
ali metwally

السلام عليكم
فى احد جرب اتصلات

‫wpDiscuz