كفاية كلام عن المحاكمات

آخر تحديث : 13-03-2012 الساعة 01:20 ص

وكأن الثورة قامت عشان نحاكم النظام الفاسد وخلاص
اﻹعلام والنت كله مركز على أخبار المحاكمات – دة خطأ كبير – المفروض إهتمامنا الرئيسى يكون العمل واﻹنتاج
أعداء الثورة متربصين بينا وعايزين يفشلوا ثورتنا بأى طريقة – أعداء من الداخل ومن الخارج – أمريكا وإسرائيل وللأسف دول الخليج
واﻹعلام بيساهم بإنه بيغرقنا فى أخبار المحاكمات ليل نهار

ﻻزم اﻹعلام بصحح نفسه – ويصبح حديثه الغالب عن العمل واﻹنتاج
نركز الضوء على مصانع بدأت تعمل بجد وعزم عشان تزود إناجها وتجوده – لازم نظهر اﻷبطال اللى ورا المكن والتروس – والفلاحين فى الحقول – لازم يكون تركيزنا على وجوه مضيئة زادت من مجهودها بعد الثورة – ناس لما حست إن البلد بلدها بدأت تخلص العمل وتموت نفسها فى الشغل
هما دول الدعم الحقيقى للثورة – مش دعم دول الخليج اللى بيساومونا بفلوسهم مقابل عدم محاكمة عميل خائن لو حوكم حيتفضحوا وينكشف المستور أمام شعوبهم فيخسروا عروشهم وثرواتهم الملوثة بالعمالة

والدولة عليها أن تصدر فوراً قانون جديد لعدالة توزيع اﻷجور – الموضوع مش محتاج أى ميزانيات إضافية – فقط مجرد إعادة توزيع اﻷجور – بوضع حد أدنى وحد أقصى للأجور – يعنى نقصقص من المرتبات العالية ونزود بيها المرتبات الهزيلة – نسبة 1 الى 20 معقولة جداً – بدل ماواحد بياخد مليون جنيه كفاية عليه 20 الف – وبالفلوس اللى حتتوفر من مرتبات دول نزود اللى بياخذ 200 جنيه ليصبح مرتبه 1000
ساعتها اى مظاهرات فئوية ستختفى وتدور عجلة اﻻنتاج بكامل طاقتها العمل هو الداعم الحقيقى لثورتنا
أما المحاكمات فهى مجرد إلهاء للشعب عن الهدف الحقيقى – المحاكمات ممكن تتأجل سنة – لكن العمل واﻹنتاج لا يجوز إنهم يتأجلوا يوم واحد

يا إعلام – ركز أرجوك – وقدم للناس نماذج وطنية طيبة تكون قدوة ودافع لشحذ الهمم
مفيش وقت نضيعه أكتر من كدة – واللا نستنى لما البلد تنهار خالص ؟؟

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.