موبايل NG F5 إمكانيات كثيرة بسعر رخيص

آخر تحديث : 13-03-2012 الساعة 01:21 ص

يوجد فى اﻷسواق حالياً موبايل صينى جديد ماركة N.G موديل F5
لفت نظرى أن شركة إتصالات بدأت تطرح موبايلات N.G فى عروضها – وهى أول مرة تقوم فيها إحدى شركات الإتصالات ببيع موبايل صينى – مما يعطى إنطباع بأنها ماركة ذات جودة
فقررت شراء موبايل لتجربته بنفسى

F5 يشبه فى الشكل موبايلات بلاك بيرى – شاشة عريضة ولوحة مفاتيح كاملة – وزنه 99 جرام بالبطارية – متوفر بألوان إسود – أزرق – أصفر – أحمر – بنى – أبيض – موف – أخضر
الموبايل معه ضمان سنة كاملة من شركة GMC – ويباع لدى GMC بعمارات العبور بجوار دار الحرس الجمهورى بسعر 295 جنيه – لكنه متوفر لدى محلات الموبايل بسعر 270 جنيه وفى شارع عبد العزيز بسعر 250 جنيه

مزايا الجهاز:

  • تشغيل 2 خط فى نفس الوقت
  • بلوتوث سريع – أسرع فى نقل البيانات من موبايلات أخرى كثيرة
  • كاميرا تصوير ثابت وفيديو
  • راديو FM
  • MP4, MP4, AVI 3GP
  • به مكان لكارت ذاكرة Micro SD – وجدته يقبل كارت سعة 4 جيجا بايت بدون مشاكل
  • إمكانية التوصيل الى أى كمبيوتر أو لاب توب عن طريق وصلة ال USB المرفقة مع الجهاز – ويراه الكمبيوتر وكأنه فلاشة عادية لنقل الصور والفيديو واﻷغانى واﻷفلام من والى الموبايل – وفى نفس الوقت يقوم الموبايل بشحن بطاريته من خلال نفس وصلة ال USB طول ما هو متوصل بالكمبيوتر
  • إمكانية التسجيل من الراديو
  • تشغيل الراديو بدون حاجة الى توصيل سماعة أذن
  • تسجيل صوتى
  • سعة ذاكرة التليفون 500 إسم – باﻹضافة الى 250 إسم على كل شريحة
  • صوت عالى قوى
  • إمكانية التحدث عن بعد
  • عيوب الجهاز

    • ككل الموبايلات الصينى – تصوير الكاميرا ردئ جداً – خصوصاً تصوير الفيديو – فيظهر باهت ومتقطع – يبدو أنه 12 كادر فى الثانية وليس 30 مثل الكاميرات عالية الجودة
    • عند التحدث فى التليفون يكون الصوت منخفض ويشكو الطرف اﻵخر من عدم السماع جيداً خصوصاً فى اﻷماكن المزدحمة – وقد إكتشفت أن المايك مكانه غريب جداً – فهو فى اﻷعلى وليس فى أسفل الجهاز كما هو مفروض
    • الراديو صوته جيد لكن ذاكرة الراديو تتسع لعدد 9 محطات فقط – فى حين لدينا 13 محطة
    • الراديو صوته عالى جداً – وهذا أمر جيد – لكن للأسف إذا كنت تحتاج لتخفيض الصوت فحتى وضعه على أول درجة فى الصوت يكون عالى – وبالتالى لايمكن تخفيضه ليناسب وقت الهدوء أو فى حالة رغبة من حولك فى عدم إزعاجهم – وفى تلك الحالة ستضطر ﻹستخدام سماعة اﻷذن المرفقة مع الجهاز
    • بالرغم من وجود كاميرا لكن للأسف لا توجد خاصية وضع صور شخصية مع أرقام الموبايلات المخزنة – يعنى لا تظهر صورة المتصل
    • السوفتوير تصميمه يتسم ببعض الغباء – وهذه صفة عامة فى الموبايلات الصينى – فمثلاً لايمكنك التحول من التصوير الثابت الى تصوير الفيديو إلا لو خرجت الى القائمة الرئيسية لتدخل منها الى تصوير الفيديو!
    • اللغات كثيرة جداً مما يهدر وقت طويل عند تغيير اللغة أثناء كتابة رسائل مثلاً
    • دليل اﻹستخدام – مثل باقى الموبايلات الصينى – فقير جداً – وصعب الفهم – ومكتوب بلغة إنجليزية ركيكة – ولا توجد صورة توضيحية ﻷجزاء الموبايل وأزراره – وعليك أن تكتشف بنفسك وظائف كل زر وكل حرف وكل رقم

    الخلاصة أن موبايل N.G F5 من الموبايلات الصينى الجيدة – لكنه لايقارن بالماركات العالمية مثل نوكيا وسامسونج – وخصوصاً فى جودة الكاميرا وجودة صوت التحدث فى المكالمات – بالرغم من أن سماعاته أقوى من ماركات عالمية أخرى عند سماع الموسيقى واﻷفلام وفى الرنات
    لكن إذا وضعنا فى إعتبارنا أن سعره يقل بكثير عن الماركات العالمية – أقل من نصف الثمن – مع وجود نفس اﻹمكانيات وإن كانت بجودة أقل – نستنتج أن هذا الموبايل سيكون إختيار موفق لمن ميزانيته لا تسمح بشراء الماركات الغالية – مع اﻹستمتاع بنفس المزايا – بشرط تقبل مبدأ أن الغالى ثمنه فيه فيما يتعلق بالجودة

    شارك هذا الموضوع
    error

    13 تعليق

      • لايوجد تليفزيون – راديو بس
        بالنسبة للفيديو ممكن تحط عليه أفلام وتتفرج عليها عادى – أنا نقلت بالبلوتوث أفلام عربى من سامسونج واى فاى إشتغلت تمام على F5
        النت مفروض بيشتغل عن طريق GPRS – لكن لسة مافتحش معايا

    1. بجد الجهاز دا عاجبنى كدا وبتمنى انى اشتريه بس مستخسره ابدل اللى معايا لانها احلى بس انا عاجبنى شكل دى عموما هفكر اجيبه ولا لا بس هو بجد تمام انا شفته واستعملته كان مع صديقه يعنى بس صوته وكامرته تمام جداا على فكره الكاميرا بتاعته مش مش جيده ولا حاجه هى حلوه كويسه يعنى انا قيمتها مثلا انها اقل جوده من كاميره 73 بس هى كويسه وانشاء الله اجيبها مهما كانت حلاوه اللى معايا هههههههههههه وميرسى ع المعلومات دى بس ياريت حد يتأكد النت شغال فيه ولا لأ

    2. يا جماعه انا معايا التليفون ده وعسول جدا بس هى ارخم حاجه فيه فعلا الكاميرا بس وهو فعلا سريييييييييع جدا فى البلوتوث بس عايزة اقول للاخ الى كاتب الموضوع ده ان المايك بتاعه تحت عادى والفاتحه الى فوق دى مش المايك الفاتحه دى مكان لشاحن تانى لانه ممكن يتشحن بشاحن سن ابره زي موبيل نوكيا n70 ودى ميزة جامده جدا فيه لانى احيانا ببقى بتكلم فى الهاند فري وهو هيفصل شحن فبكون عايزة اكمل المكالمه بالهاند فري وفى نفس الوقت عايزة اشحنه فاكتشفت ان الفاتحه دى مكان لشاحن تانى يعنى هو بيتشحن بشاحنين بالشاحن الى هو جاى معاه الى هو اليو اس بي وممكن تشحنه كمان بالشاحن السن ابره بجد زدى حاجه جامده جدا

    3. انا معايا الموبايل من سنتين جميل جدا دلوقتى فى مشكلى الموبايل فيه مكانين للشحن لما اشحن من السوكيت الرفيع يبعت رسالة تم تبديل الشاحن و ميكملش الشحن اعمل ايه علشان اقدر اشحن عن طريف السوكيت الاخر

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.