إضحك مع النكت

مقاول خذ عرض بناء كنيسة
المهم جاب العمال و هما بيبنوا بقوا يغنوا
صلوا على النبي ، هيلا هيلا ، صلوا على النبي
جا المقاول قلهم انتوا مجانين احنا نبني في كنيسة
دلوقت يمنعونا ويتخرب بيتنا ، محدش يغني … قاموا سكتوا
تاني يوم جة لقاهم بيغنوا
بص على الحيطة ، هيلا هيلا ، بص على الحيطة
قام باصص ع الحيطة .. لقاهم كاتبين
صلوا على النبي ، هيلا هيلا ، صلوا على النبي

ست ركبت اتوبيس و هي شايله ابنها الصغير
جت تدفع التذكرة الكمسري اتخض أول مابص للولد و قال
اللهم احفظنا ، انا عمري ماشفت عيل وحش كده
غطيه ياست حرام عليكي ‍
الست زعلت قوي و قعدت في كرسيها تعيط بحرقه
الراجل اللي جنبها سألها مالك يا مدام بتعيطي ليه ؟
قالت له الكمساري ده ماعندوش دم قل أدبه عليا و انا خفت أرد عليه
قال لها تخافي تردي ليه ؟ الأتوبيس مافيهوش رجاله؟
ردي عليه و لو فتح بقه بكلمة نخرشمه
قالت له عندك حق أنا هاروح ابهدل كرامته
قال لها : عداكي العييييييب
شيلي النسناس بتاعك بقي علشان تعرفي تتخانقي براحتك

مره حرامي سرق فرخة وراح يكلها على شط النيل
فشافه عسكري وقل له مسكتك ياحرامي الفراخ
والريش جنبك اهو
فقال له الحرامي لا ياشاويش دي نزلت تستحمى
وقالت لى خلي بالك من هدومي

*اتنين مساطيل راكبين عربية خبطوا واحد فالسائق بيقول للى جمبه انزل شوفه مات ولا لسه قاله السكران التانى تعالى يمين شوية..أيوه.. شمال شوية.. أطلع لقدام… بس كده مات (هيثم عبد اللطيف القاهره)
***
*فيه واحد شحات راح لواحد عجلاتي قال له أعطني مما أعطاك الله قال له العجلاتي خد لك لفه (محمود عبدالله الجيزه)

***
*مدير مدرسه عمل فرح وزع على المعازيم أرقام جلوس( محمد عبد الكريم بنى سويف)
***
*تلاته بلاديتنا بيحششوا حصل كبسه عليهم اتنين جريوا يهربوا والتاني استخبى في البكس
***
*مرة واحد دماغه لفت قابلها من الشارع التانى (تامر فاروق الجيزه)
***
*في عجوز قالو لها عيالها تبرعي لانتفاضة الأقصى قالت لهم كل عمري أنتفض ماأحد تبرعلي (ماجد حبيشى السعوديه)
***
*واحد داسته عربيه سيات مات من الضحك (احمد ابراهيم الجيزة)
***
*مره واحد فك مفترس معرفش يربطه (هانى جورج القاهره)
***
*واحد بيحب يجرى يجري محبوش ( احمد عبد الله القاهره )
***
*قـزم عـطـس … خـبـط راسـه فـي الارض (ياسر فهد الامارات)
***
*واحـد احـول حـس بالـبـرد وهـو نـايـم … قـام وغـطـى اخـوه (عاصى مشعلانى لبنان)
***
*قـروي رجـع فـي كـلامـه … صـدم فـي اللي خـلـفـه(ضياء عبدالله السعوديه)
***
*واحد ( كسلان ) اتجوز وحدة حامل (عبد العزيز عبد الرحيم)
***
*قروي راح الحج وسكن في مخيم النساء ……علشان ؟؟؟ يحج عن امه (زياد محمود الكويت)
***
*المدرس ماهي الكلمة التي يستخدمها الثلاميذعادة ؟؟التلميذ : لاأعرف ياأستاذ . الاستاذ : أحسنت (حسن جلال سوهاج مصر)

تخيلوا لو اتنين سمعهم ثقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة؟

الثاني : على الحديدة !!… ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي… دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي…

الثاني : أنتاج محلي .!!!! ده مستورد

يمر شاويش من بتوعنا … يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش …احنا مستنين الأتوبيس

الشاويش :! نهاركم مش فايت …. جواسيس !!! قدامي على القسم

واحد صعيدى سافر أمريكا لقى الناس لابسة تى شيرتات مكتوب عليها بيبسى وكوكاكولا – لما رجع البلد كتب على التى شرت بتاعه عصير جصب

مره سواق عربية فراخ وهوه معدي علي كمين سأله الظابط محمل ايه قال له فراخ ياباشا – قاله بتأكلهم إيه؟ قال له بأكلهم علف ودره – الظابط قال له لأ الفراخ مابياكلوش علف و دره دول بياكلوا لانشون وبسطرمه وراح عامل له مخالفه
السواق بعد مامشي جه عالكمين التاني فالظابط سأله محمل ايه – قال له فراخ يا باشا – قال له بتأكلهم ايه؟ قاله لانشون و بسطرمه قال له ازاي الفراخ بتاكل دره وعلف مش لانشون وبسطرمه وراح عامل له مخالفه
وبعد السواق مامشي وجه عالكمين التالت الظابط سأله محمل ايه يا اسطي قال له فراخ يا باشا قال له بتأكلهم ايه؟ قال له بص يا باشا أنا بدي كل فرخه نص جنيه وهيه تاكل اللي علي مزجها

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب
وبعدين حط ايده في جيبه لاقاه مخروم
رجع يدور عليها لتكون وقعت

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي…تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

مره طالبه مشاغبه المدرس اشتكاها للمدير المدير بعتلها قال لها “عملتى ايه؟” قالت له “ولا حاحه رميت ورده من الشباك” قال “بس كده؟” قالتله “اه” بعد شويه لقى طالبه مدغدغه ومكسره سالها “ايه الى عمل فيكى كده؟” قالت له “انا ورده الى اترميت من الشباك.”

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له “اتفضل” التاني يقوله “لأ اتفضل إنت الأول.”

توأم بيقول لأخوه التوأم وهو متنرفز إنت كنت فين ياعم أمك حمتنى مرتين

مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها “إيه لو أبقي أب من الأن” فجاب شوية سكر و وضعهم تحت السجادة صحي تاني يوم وجد تحت السجادة صرصار فقال له:”لو ماكونتش ابني انا كنت قتلتك.”

تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه

واحد فشار اوي جاله واحد صاحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغل لي قاله و هشتغلك ليه امبارح كنا على طرابيزه واحده صاحبه كان هيتجنن المهم نزل من عنده لقى ابن الراجل قاله صحيح كلام والدك ده؟ قاله كلام ايه يا عمو؟ قاله ابوك امبارح جاله ابو لهب و حنظله وكانوا بيتغدو عندكوا؟ قاله بصراحه يا عمو مش عارف – بس انا امبارح لقيت كام ناقه كده واقفين تحت العمارة وكان مكتوب عليهم ملاكي قريش

مرة طفلة سألت والدتهاا : هو السمك بياكل سردين ياماما؟ قالت ا يوة قالت لها : طب ازاي بيفتح العلبة؟؟

مرة واحد راح يخطب واحده، باباها قال له بس البنت لسة بتدرس، قال له خلاص اجيلها في الفسحه

واحد غبي عنده ارق ومش عارف ينام….قال له صاحبه عندي لك طريقة للنوم مؤكدة…عد من واحد الى خمسميه… أخونا مكدبش خبر… وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين …كبس عليه النوم … قـام جري غـسـل وشه ورجــع للـسـريـر يـكـمـل الـعـد

مرة واحد محشش لقي كنز قال: كويس فاضل الخريطة!!

مرة واحد غبى واقف في الشارع وبيتكلم فى المحمول وعمال يزعق ويقول : بس دورى تانى…معلش دورى كويس ..واحد معدى فى الشارع سأله : فيه ايه؟؟ راح واخد المحمول منه وبيسمع .. لقى (الرقم الذى طلبته غير موجود بالخدمة من فضلك اعد المحاوله)

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي
قام واحد قال يا جماعه احنا نحط عربية اسعاف جنب الحفره علشان المصابين يتنقلوا بسرعه
قام التاني قال ﻷ احنا نبني مستشفى جنب الحفره علشان يتنقلوا أسرع قام التالت قالهم يا جماعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه…. فبص لهم وقال: ياجزم كنت هتخنق

مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقال له روح النادى وشوفنى هناك ولا ﻷ
فراحوا الخدامين و اتقابلوا فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة؟
فالتانى قاله لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل بنفسه؟

بلدياتنا عايز يعلم ابنه انجليزى راح ابتدائي منفعش، راح إعدادى منفعش راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، بعد شهر راح يزورهم – العروسة اﻹنجليزية فتحت له الباب فقال لها “مستر هريدى إز هير؟” قالت له “نجولو مين يابوى؟”

مره واحد راح السيرك عجبه وقرر انه يعمل حاجه مختلفه راح جاب نمله وقعد يدربها 10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وبعد 10 سنين نزل الشارع وقابل عيال صغيرة قال ﻷ أطفال ﻷ وراح لواحد كبير فى الشارع وقاله بص يا أستاذ النمله دى بتقف على رجل واحده فمسك النمله وفعصها وقال له ايه ده يا عمو انا مش قلت لك من 10 سنين ان دى نمله؟

مجموعة أغبياء في سجن قرروا الهروب فالزعيم بتاعهم قال لهم الخطة بسيطة، ناخد معانا سلم عشان لو لقينا السور عالي نطلع السلم، و لو لقيناه واطي ننط من فوق السور. فلما وصلوا لقوا ان السجن من غير سور قالهم ياللا نرجع الخطة فشلت!

واحد رخم قرر يفتح مصنع بيبسى فكتب على كل ازازه (رج جيدا قبل الفتح)

واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين

مرة واحد مسئول بيفتتح حمام سباحة فالمدير قال له “ده المنط يا فندم 30متر، قوم نط يا مرزوق” فنط مرزوق . “وده يا فندم منط 50 متر قوم ياعوض نط” فنط عوض .”وده يا فندم منط 80 متر قوم يا نجيب نط” فنط نجيب، فقال المسئول “هايل ..هايل ..” قام المدير قال “ولسه يا فندم لما نملى الحمام ميه”

واحد غبي حدف لحبيبته وردة ماتت ليه؟ علشان نسي يشيل الوردة من الزهرية

واحد غبي فتح محل غاز..وعلشان يعمل دعاية للمحل..فجر اسطوانة غاز

واحد موسوس وقف امام محل عصير ومامعهوش غير 25 قرش قال اشرب عصير وللا اركب الاوتوبيس؟ لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.