السكريين 3 شخصيات

جريدة الجريدة الكويتية | قوة الإرادة... نعم بإمكانك ضبط نفسك!
س: ليه مضاعفات السكر بتكون نادرة عند السكريين من الشباب اللي اكتشفوا السكر قريب.. بينما بتكون منتشرة بنسبة كبيرة عند اللي اصيبوا بالسكر من سنوات طويلة؟
ج: داء السكر دة اشبه بحساب الملكين. احنا عارفين ان كل واحد مننا عنده ملكين عن يمينه وعن شماله يلازموه طوال حياته. مهمتهم كتابة حسناتنا وسيئاتنا في الكتاب اللي حنشيله يوم القيامة صح؟
السكر كدة برضه.. لكن اسوأ
ربنا برحمته بيغفر للتوابين
لكن السكر لا يغفر لأحد ولا يسامح أحد
السكر لا ينسى الاساءة
قلبه مش ابيض
قلبه اسود
كل ما نلخبط وناكل اى حاجة من الممنوعات مهما كانت بسيطة.. بتسبب لنا نسبة ضرر بسيطة في حاجتين: الاوعية الدموية والاعصاب
 
السكريين ينقسموا الى 3 شخصيات
 
الشخصية الاولى: السكري المستهتر
اللي مننا اردته ضعيفة امام الخبز والرز والمخبوزات والمكرونة والبقوليات والسكر والفاكهة والحلويات والعصائر والمشروبات الغازية والمقرمشات وسايبها زى ما تيجي تيجي.. دة منتظراه للأسف وبسرعة مضاعفات مرعبة ووقتها حيندم على كل اللخبطة اللي ارتكبها في حق نفسه طوال حياته
 
الشخصية الثانية: السكري الخائف
بيلخبط كل فين وفين..
لكن السكر مبينساش.. ولا بيسامح.. كله مكتوب
السكر تراكمي.. والمضاعفات حتجيله بس متأخرة.. بعد سنين عددها يتحدد حسب نسبه اللخبطة وكام مرة في الشهر بيرتكبها
 
الشخصية الثالثة: السكري قوي الارادة
هو دة البطل اللي مننا بيهتم بصحته وعنده عزيمة قوية ومش بيلخبط ابداً.. ولا حتى في المناسبات.. بيكون في مأمن من المضاعفات ويعيش سنين عمره في صحة وسعادة. والسكر ميقدرش عليه. هو اقوى من السكر
 
ياترى انتوا مين في دول ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.